巴西叫及便便問題

Wingu

我隻龜近期成日都「扭計」要食物（我一至兩日餵一次），佢由初初係咁爬個龜箱，企圖走出離，到近排開口「刮」叫一兩聲，嚇到我以為佢唔舒服，但走埋佢身邊佢又冇再開口同叫，師兄們有冇遇過呢個情況？阿龜究竟係扭計還是真係有唔舒服？（食糧大而正常，手腳有力，但便便冇之前咁密，之前係餵完糧第二日就有，而家就兩三日先有，對上一次便便正常，不過好大舊同分咗兩三次出）如果龜龜便便真係出咗問題，可以點做？

michaelphone

我常常遇到.若果叫及有側浮就有問題.便便真係出咗問題可以浸Bac

mycgshop

間中係會叫"呱 / 刮"一聲, 大約一年裡面會聽到幾次

wel524

我以前尼段時期(特別係過冬回暖既時期), 我隻巴西龜都經常'呱'一聲咁叫, 仲要係好深情咁望住人,

我開頭以為佢係咪有咩唔舒服, 但係慢慢發覺佢原來係..............................

無咩事, 一切好正常, 所以我諗可能隻龜覺得悶想食野之類都可能會咁叫, 想引人注意
不過....而家隻龜已經唔响度........................
放心, 唔係死左送左去入聚娶老婆O者~~~

我覺得便便果D, 其實你有無加溫??
如果無加溫, 隻龜剛過冬腸胃可能未適應會較差, 最好唔好一次餵太多份量, KEEP住餵適量,
儘量唔好短期內加太多份量, 份量慢慢加

pude

我隻龜呢排都好怪 好擔心
佢由朝到晚都不停爬上爬落 不停叫 又唔肯食野
我成個冬天都有比暖管同山佢 一直都冇咩野 呢個星期好反常 考慮緊要唔要帶佢睇醫生...

Wingu

我隻龜冇冬眠，食糧同未入冬前差唔多，不過可能因為天氣涼，少咗時間浸水，近排餵完糧都同佢浸番陣暖水，便便嘅情況又正常番。

你既意思佢叫係因為發情？