遇上人生叉叉點,朋友們請入嚟傾下

twbb

頭先舊公司老闆突然打比我,例牌一大輪你好嘛之類既廢話之後入正題喇,叫我返去做(我既職位係倉務主管),原因係佢同而家既倉管意見不合,想叫佢走人,但我既問題係:1.我已經無做兩年,驚唔慣做唔返 2.個倉管都算係我朋友,但舊老闆叫我唔好通知佢,萬一佢地不歡而散,咁我接手既時候會非常監介 3.我而家份工好輕鬆,但人工低,做返舊公司會無咁自由,但人工好d,遇上呢d人生叉叉點,心十五十六中,朋友們請入嚟傾下,比d意見我啦唔該......附上一張下午茶照作謝禮,多謝各位

紅磡時新快餐店既雙層芝士蛋漢堡

龜大仙

最重要是自己做得開心人工夠應付開支

ex903

換左係我 我會咁
我喜歡自在多D還係喜歡金錢多D
我目標係錢 吾會怕尷尬 人往高處走 水往低處流
假如目標係自在D打份工 過得去 開心就得 多小小差小小無所謂既
完全我個人想法 希望帮到C兄

長毛

其實當日ching離開舊公司既原因，可以作為今日是否回巢既考慮

icaicayin

有冇了解下點解E+個主管會同佢意見不合先....
不過我成日都覺得....好馬不吃回頭草...
走左就無謂返去, 費時返去聽閒言閒語...
不過又睇下經濟環境許唔許何啦...(自問就唔許何啦...所以都係得個做字)
師兄加油

ft2728

1.每個人都有個習慣就係安於現狀,跟住就係咁揾值口比自己唔好去改變.
2.如果個老闆係抄左你個朋友而你先去做會好啲.
3.其實人工都係睇自己,多有多洗,小就唔見洗.

做朋友既一定撐你

twbb

ex903 發表於 2013-6-10 20:17
換左係我 我會咁
我喜歡自在多D還係喜歡金錢多D
我目標係錢 吾會怕尷尬 人往高處走 水往低處流

但問題我係一個隨遇而安既人，有工我就返，未試過同時有兩份，仲要係有對比性嘅，所以先至煩

twbb

長毛 發表於 2013-6-10 20:21
其實當日ching離開舊公司既原因，可以作為今日是否回巢既考慮

當日原因有好多，首先做得耐好厭倦，其次我唔鐘意我老闆個男朋友，再且好多相熟同事都話唔做，所以………到左今日，厭倦感消減，但已輕鬆慣，對我老闆男朋友我已經唔太記得佢，至於當時話走嘅同事就係我舊老闆要炒果個………

samyung0117

好馬不吃回頭草

twbb

icaicayin 發表於 2013-6-10 20:27
有冇了解下點解E+個主管會同佢意見不合先....
不過我成日都覺得....好馬不吃回頭草...
走左就無謂返去, 費 ...

點解不和我聽返嚟（我係八公）就係各有各主見，加上從中有小人扇風點火，其實大家之前相處都好融合，但後期一老闆唔聽人意見，同事又主自性高，關係就越搞越差

twbb

ft2728 發表於 2013-6-10 20:32
1.每個人都有個習慣就係安於現狀,跟住就係咁揾值口比自己唔好去改變.
2.如果個老闆係抄左你個朋友而你先去 ...

第二點難d，亦係我最煩嘅事，公司d手尾交接點都要人跟人好d，淨靠文件上一定會好多錯

twbb

龜大仙 發表於 2013-6-10 20:12
最重要是自己做得開心人工夠應付開支

我係個隨遇而安嘅人，工作上無話特別開心唔開心

icaicayin

twbb 發表於 2013-6-10 20:56
點解不和我聽返嚟（我係八公）就係各有各主見，加上從中有小人扇風點火，其實大家之前相處都好融合，但後 ...

咁你又好難保呢D小人唔會離間你同你前上司WO...
我又咁睇, 如果大家係男人就4466兜口兜面拆掂佢...
咪背後你打我毒針, 我放你冷箭...
一齊做野合作要槍口對外先得GA MA...好多時誤會就係咁產生
你前上司如果唔解決個問題, 請邊個返黎做都會唔夾啦

啊橙

twbb 發表於 2013-6-10 20:06
頭先舊公司老闆突然打比我,例牌一大輪你好嘛之類既廢話之後入正題喇,叫我返去做(我既職位係倉務主管),原因 ...

既然現職倉管既係你朋友，就無謂為少少錢而打爛人地飯碗
而且冇做兩年，好多人事上既變遷都唔再係兩年前，
要重新打好人事關係，又會係一個麻煩
而且現職倉管雖然同老闆唔夾，但未必同下屬唔夾
到時問起上任做乜走左，唔通話係你既原故咩
而且倉管升遷幅度大極有限，冇得升職加人工，做乜要做醜人
而家你舊老闆就係想搵人做醜人，自己做好人，好等下屬順心
人工好尐但冇左自由，冇得打機玩魚上網，值唔值先？
假如現家個老闆唔想你走，咁你又點算好，唔通同佢講你舊老細好人尐咩？
唔好為左少少人工而踩呢敞渾水啦

(師兄係紅磡人？定係紅磡番工？)

twbb

icaicayin 發表於 2013-6一丨乛一丨一-10 21:04
咁你又好難保呢D小人唔會離間你同你前上司WO...
我又咁睇, 如果大家係男人就4466兜口兜面拆掂佢...
咪背 ...

個小人係八婆，我舊老闆係女人，其實我最想搵我舊同事傾下嘅，不過又應承我舊老闆唔可以同佢講，大家醒目人，一講開類似話題都知咩事……
回icayin:其實都有興趣,不過而家衰在我個位人事上好監介，原因你可以睇下我對阿燈嘅回覆

602151

如果俾我揀，我一定揀繼續做而家尼份hea工，幾多人恨搵hea工都搵唔到！
另一方面，好馬不吃回頭草，多ｄ人工又點，食咗由背脊骨落，又忙，仲無埋個朋友添，我就唔制喇！
不過尼ｄ要睇C弟你想要ｄ乜野

khip

twbb 發表於 2013-6-10 20:06
頭先舊公司老闆突然打比我,例牌一大輪你好嘛之類既廢話之後入正題喇,叫我返去做(我既職位係倉務主管),原因 ...

人際關係最複雜既地方，好馬不吃回頭草，除非你睇中舊公司有發展機會。

其次俾你老友之你番去做佢個位，朋友都冇得做。

你舊老細可以咁對佢，他朝都可以咁對你。

你老細打人情牌，只係睇中你心軟咋

twbb

啊橙 發表於 2013-6-10 21:15
既然現職倉管既係你朋友，就無謂為少少錢而打爛人地飯碗
而且冇做兩年，好多人事上既變遷都唔再係兩年前， ...

其實我如果做嘅話人工係其次，首先我現在公司係朋友開嘅，我只係臨時幫佢手，並唔存在去留問題，娛樂性嘅野亦都只係我朋友玩，我除左上網外都無玩，本身都預左做多一排唔做，其次我舊同事同老闆有心病已久，只係礙於以前關係先未分，雙方都等對方開口先，但現在我舊老闆想開口喇搵我接返個位，咁變左我好似做左中間人，我嘅意思係我做唔做我老闆都會炒人，只係雙方我都識變左會監介,另外升職呢樣野邊有咁多大公司比我步步高升丫,有都唔係我呢d社會大學嘅人玩……我只係咁啱經過紅磡啫

地獄火

老實講，做你朋友真係冇乜義氣可言，就算舊老板出十倍人工叫我去頂自己朋友個位，係我就 5 會彩佢，係我立場，以朋友行先

808204

回復 地獄火 的帖子

又吾系無得食，無必要同人搶食，最慘就系無都會俾人當有，你吾怕辛苦邊度都有得做，使咩返去個死胡同度做。