養盾臂龜心得

kinson_ma

一）玩家及主人既分別
係香港呢個咁（大）既居住環境，養盾臂龜呢種大形陸上動物，可以話係向自己既屋企作出挑戰：
點解我咁講？其實養開陸龜既人都知道，盾臂龜係全球第三大龜種，最大可以有80cm！
屋企就算有2013年港姐屋企1000呎單位咁大，都未必可以為佢去做一個理想既地方去居住，
所以大部份人都選擇放係屋企俾佢周圍走。

好！講左咁多廢話，入番正題先！
點為之一位玩家？而主人又係乜野？其實好簡單！
一位非常叻既玩家就係不停去收集不同既龜，
然後滿足左，又養左一排，覺得冇咩大不了，就上網放番出去，呢個係正常現象，大家吾洗聽到人地買龜賣龜就大驚小怪，如果吾係又點會有咁多R俾你買？

一位令人尊重既主人，就係一買左自己既愛龜番黎，就決定照顧終老，每日會放時間去照顧佢既寵物，
吾會買完番黎，得閒就俾野佢食，吾得閒就由得佢餓下，反正都吾會死，但我想知道大家又會吾會俾人餓過呢？
我相信吾會，有得出街食架嘛！但係動物吾同，你俾就有，吾俾就餓！

二）環境

經常有不同既新人問：我想知養陸龜要有咩setting，thx ching!你打一句，人地就打一大段，
你地忍吾忍心一個七老八十既哥哥姐姐，每日重複咁去複製然後貼上呢個動作?

一切從簡，假草地毯，50W射燈(射角位)，UVB燈，一大兜水（隻龜要行到入去，放去射燈下面），溫控＋陶瓷燈膽，搞掂！
好多人又問：咁咪好乾囉？？
問番你：咁香港又有幾乾丫？
其實香港係一個四季分明既地區，而已濕度係一定足夠。
但係放左射膽，照果個度好乾喎！！（咁你晒太陽又乾吾乾丫？）
所以射燈放角位咪有佢既道理囉！太熱太乾就會走去第二度！
自問網上同人收左隻嚴重痴甲既盾臂龜，由７ＣＭ養到宜家１２ＣＭ，你冇睇錯，７ＣＭ已經嚴重痴甲！
宜家痴甲已經冇乜！唔係我養功勁，而係之前既環境可能太差。

三）龜苗（４～６ＣＭ）

點解我要講龜苗？你地唔見好多龜有病都係龜苗？一時又流鼻水，一時又結石，一時又冇便便，
就連佢正常呼吸都要走上黎問一餐！！真係俾佢地激死。
講到好似照顧緊個ＢＢ仔咁！

１］有病流鼻水就好睇醫生喇！廣告都有得你做啦！
２］結石！盾臂龜一定會有既情況！所以只能預防，唔可以有事先黎驚！想知點預防？睇完覺得好既留下言，支持下，
下次再寫就會詳細Ｄ。
３］冇便便？食多２條菜就有架喇！（講笑姐，盡可能都唔好俾喇！）其實只要每日定時定侯同佢浸水，俾佢知道浸水就要屙，咁就自自然然見到你想見既便便架喇！放心啦！
４］點解隻龜個頭係咁ＣＨＯＫ下ＣＨＯＫ下既？係咪有咩事？你就有事！佢不知幾正常！佢真係呼吸咁姐！唔洗太驚！
如果一路ＣＨＯＫ一路玩個鼻就要小心喇！有機會有肺炎！呢個時間要做咩丫？各位觀眾：睇醫生丫嘛！
咁就岩喇！好主人

四］體內有蟲

死啦！ＣＨＩＮＧ！我隻龜成日唔行，又成日訓，又唔食野，又冇精神。。。。點算丫？？？
ＣＨＩＮＧ：有冇ＳＥＴＴＩＮＧ相睇下？？可能爆蟲喎！
＜－－ＳＥＴＴＩＮＧ同爆蟲有咩關係呢？我一直都唔明。。。。可能我蠢。。。
其實呢個情況有２種機會，一係真係爆蟲，一係就結石。
爆蟲千奇唔好自己搞，死硬！作為新手既你，不如帶佢去睇左醫生先。。。
結石？自己點知？自己又點搞呢？推甲？推油我就知姐，推甲又有咩關係呢？又可能我蠢
其實都係平時細心照顧佢地，呢Ｄ情況咪唔會出現囉，係咪？

今日廢話就講住咁多先，遲Ｄ有時間再打深入少少，老人家眼訓

kinson_ma

未打完

鎮1997

回復 kinson_ma 的帖子

好似有感而發WO

unchi

我都覺得買龜諗清諗楚先好買，唔好買一大推番黎玩一排就賣左佢
所以我都預佢地大打算養二隻就算

鎮1997

回復 unchi 的帖子

我養左4隻,,但我花左唔小錢買裝備,,,希望我做主人做好D

matchfung

師兄，請分享一下你用緊既假草地毯，謝謝

Puiki

支持買龜唔賣龜(不喜勿插,因為我都唔反對人賣龜)

babychick

ching +油
辛苦哂

unchi

回復 鎮1997 的帖子

養幾多係自己決定，最緊要係你養左好多年後，重可唔可以好似岩岩買番黎咁對佢呢

matt_zero

kinson_ma 發表於 2013-9-12 23:11
一）玩家及主人既分別
係香港呢個咁（大）既居住環境，養盾臂龜呢種大形陸上動物，可以話係向自己既屋企作 ...

值得新主人諗下。希望唔會見到有一日好多人因地方而棄養巨龜

真正的訪客

簡簡單單想5結石 都系最好90%濕

samyung0117

鎮1997 發表於 2013-9-12 23:31
回復 unchi 的帖子

我養左4隻,,但我花左唔小錢買裝備,,,希望我做主人做好D

養寵五好計較問題，如果你覺得浪費錢，可以選擇簡單setting入手，甘就五會浪費錢。
如你都覺得簡單setting都係浪費錢，甘就選擇五好養，養店自己先，覺得有能力先養寵。
不喜勿插

samyung0117

真正的訪客 發表於 2013-9-13 03:47
簡簡單單想5結石 都系最好90%濕

市面上甘多底材，keep濕同價錢低，選擇椰泥。
問題係睇你嫌五嫌煩去打理姐，一塊椰磚可以發到好大，用好耐。

ryoryoryo

支持心得！ 近排已經冇咩人寫依類文喇

kinson_ma

鎮1997 發表於 2013-9-12 23:23
回復 kinson_ma 的帖子

好似有感而發WO

有感而發？…………都吾算既，只不過係想將自己養果套同大家分享姐

kinson_ma

unchi 發表於 2013-9-12 23:29
我都覺得買龜諗清諗楚先好買，唔好買一大推番黎玩一排就賣左佢
所以我都預佢地大打算養二隻就算 ...

加油吧！

kinson_ma

matchfung 發表於 2013-9-12 23:36
師兄，請分享一下你用緊既假草地毯，謝謝

假草地毯有咩好分享？隻隻都一樣，咪又係假草一塊

kinson_ma

Puiki 發表於 2013-9-12 23:39
支持買龜唔賣龜(不喜勿插,因為我都唔反對人賣龜)

有買先有賣架嘛！呢個叫需求，只不過養太多先去賣就有d………………

kinson_ma

babychick 發表於 2013-9-12 23:40
ching +油
辛苦哂

you are welcome

kinson_ma

matt_zero 發表於 2013-9-12 23:52
值得新主人諗下。希望唔會見到有一日好多人因地方而棄養巨龜

放心，一定有！係改變吾到既事實，不過養之前停一停，諗一諗，就會減少好多問題既發生