小弟養死了2隻龜了..係咪做錯野?.

marcohungkai

...圖就未有.不過就要問問...原先買左隻BB龜...巴西既..買左番尼成個月都唔食野....又唔行..成日訓..之後買多隻要15蚊個種龜..都係巴西...放佢地係一齊..原先隻大龜都會食野...食左5-6日就都一齊唔食野.又係唔行.成日訓咁...開始覺得有問題...分開佢地...每日比藥水佢地..+哂太陽..但係最後都係死......
先講一講個箱.....長17CM高8CM深7CM...  比佢地既水係2CM多少少....有D石...1..5CM(係冇得完全乾身既).
比既藥水係.龜康寶....每次換完水都會落清水劑.比佢地食乾紅虫+龜糧.
近來又買多2隻新既番尼....都係咁養..養左3日..1隻食野1隻唔食..但係都周圍走..咁有冇問題?
有咩方法令到佢食野?.
我如果比唔齊資料既..都可以問我..最緊要係唔好再整死可愛既龜了..
唔該幫幫手.
P.S...最後一個問題..我老豆成日開冷氣咁有冇問題?

R之迷

我諗最後一句已經係死因
開冷氣 唔好比龜b冷親
大隻些少都還好
但係龜b千奇唔好比佢吹冷氣
因為一冷一熱 好易會令到d龜有病
如果你廳開緊冷氣 就放d龜入房,房開冷氣就放d龜出廳

jackielee

marcohungkai 發表於 2011-8-16 21:13
...圖就未有.不過就要問問...原先買左隻BB龜...巴西既..買左番尼成個月都唔食野....又唔行..成日訓..之後買 ...

龜龜不可以比冷氣吹親的,一定要放在沒有冷氣的地方,好容易會泠病,肺炎
清水劑可以不用,可用隔夜水

jimmybyc

1.假設第一隻龜係病龜,你將隻好龜同隻病龜混養,D病原體一定會傳染
2.龜缸水略淺,水深=龜既厚度(略過龜背)
3.喂食用既紅蟲,此壇有不少師兄再三提醒,紅蟲既生活環境可能受到各式各樣既污染(包括病原體)
4.龜番到黎要佢即刻食野都冇咩可能,因為龜到新環境好易嚇/未適應,唔會咁易開口
5.冷氣長開,令氣溫下降,水少,龜易失溫[冷親→傷風/感冒],龜係外溫動物!!![記住]好易受環境溫差導致生病.
6.藥水唔好亂用,問清楚先用.
7.引龜開口就建議用蝦乾,因為夠哂香口[好似人食卡樂B咁=]
8.養咩龜種都好啦,不論紅耳龜/草龜/.....先爬文,問清楚.

BTW,$15隻巴西龜唔等於好龜!

jimmybyc

其他師兄幫手補充~

SOLA71478

可能有寄生蟲

Xingson

回復 jimmybyc 的帖子

睇清楚先，樓主係用乾紅蟲，冇問題架。

總之龜b就唔好吹到冷氣，否則多多龜bb都唔夠死。

chim

最好有陸地俾龜龜完全乾身,避免冷氣....
藥水無病唔駛用
水最好用隔夜水,夏天1日換1-2次水...

ＭarＣo

ching冇乜養龜經驗就唔好由bb入手.. 就算bb入手比你養大都唔係話特別乖..
亞成入手先 養熟左先諗下買bb養啦...
bb都係生命黎架...
bb龜好似抽獎咁.. 生存率好低...
成日開冷氣你可以買枝暖管比佢..等水溫唔會太凍..
太凍會令佢肺炎..會浮水..游唔到..唔食野..嚴重會死..

ching你好好反省下吧

sukky

BB真系好易死.....
如果新手初養可選擇 大約5cm左右既巴西
同埋有病要分開,如果5系會傳染d病

jimmybyc

回復 Xingson 的帖子

凡用紅蟲都有機會被污染物/病原體感染家啦
乾左就叫冇菌!?冇污染?

kkyvlan

咁如果我房開冷氣,,但我又有暖管   但d龜訓教又上浮台 咁會唔會都傷風嫁

pan11810

jimmybyc 發表於 2011-8-16 21:22
1.假設第一隻龜係病龜,你將隻好龜同隻病龜混養,D病原體一定會傳染
2.龜缸水略淺,水深=龜既厚度(略過龜背)
3 ...

我覺得最大可能都係冷氣....~~~

同埋盡量避免一凍一熱尼D大溫差情況啦...BB好易病~

jimmybyc

回復 kkyvlan 的帖子

會

kkyvlan

回復 jimmybyc 的帖子

咁只好山冷氣了

Xingson

回復 jimmybyc 的帖子

我只知市面上得一隻hikari紅蟲乾，人地經好多程序消毒處理去保證質量，我用左都好幾年，就算放得耐左d都唔會好似d平價蝦乾咁生蟲。你想拗乜？

Xingson

回復 kkyvlan 的帖子

B的話會有機會，所以養龜b果d位最好唔好開冷氣，否則就要有燈去保溫。

kkyvlan

回復 Xingson 的帖子

但係我果d係亞成同埋離冷氣位有成7吋遠

教父

我覺得你買個時已病了

龜之友

回復 pan11810 的帖子

It's really pity to hear so many bad news from other CHING about their turtles were dead! Really due to weather is too hot, and some of them opened the air-cond. affected their turtles?
My opinion is hot weather is not the main reason causing turtles to die, but how to treat the turtles, and some invisible disease inside the turtles they have been catching may be the main reason.
pan11810, what do you think?