巴西BB的家 家人問題 我好唔開心 請給我意見!! (有圖)

johnnyhk323

現時有一個問題 搞到我好唔開心

我的缸係12吋 依家加左暖管同過濾器搞到好迫 心大心細想買個24吋 但又怕佢地大得好快 到時又要再買過

因為屋企地方不大 屋企人因為我幫bb們買左好多野 佢地開始話我浪費金錢 又話唔使暖管唔使過濾 我一心只係想BB 可以開心健康成長

但家人成日話佢地唔怕凍又唔怕細菌 我心平氣和同家人講 因為現時佢地係BB 時期 照顧上係要特別細心 要花大量時間同心機

因為我係第一次養龜 好多野都唔識 當初買呢兩個BB回來 雖然係我的主意 因新年出國旅行 見到佢地好得意 就同屋企人講可唔可以買一對養 佢地當初係同意的又話養過 點知買回來後 佢地就好似新手一樣 乜野都唔理 得我一個人做 我都唔緊要 我上網搵好多資料 又係呢個論壇得到好多朋友的幫手同支持

現在 我無論如何 我都不會放棄呢兩隻BB 佢地都係有生命的 我係有責任照顧地一生一世 依家只係想有朋友可以幫幫手 應該用幾大個缸最好呢??

多謝大家!!

附上圖片 希望大家可以幫幫手 謝謝

cloudtse1212

樓主養巴西龜?巴西都大得幾快,成體都好似幾大隻下...

johnnyhk323

cloudtse1212 發表於 2016-2-18 15:22
樓主養咩龜?

巴西bb 兩隻 大慨6-8cm 長

cloudtse1212

http://www.herpera.com/redear.htm

成體都應該大隻,同埋依家天氣凍,bb龜應該都要暖管保暖,大隻d先考慮畀佢地冬眠,過濾就有人話唔使,但最好日日換水,我就有個小濾水但都日日換水,始終幼體好易病

johnnyhk323

cloudtse1212 發表於 2016-2-18 15:30
http://www.herpera.com/redear.htm

成體都應該大隻,同埋依家天氣凍,bb龜應該都要暖管保暖,大隻d先考慮畀 ...

我都好同意 我日日都有換水 同埋24小對都開暖管
依家佢地咁細個 真係要小心處理 到頭來如果真係病左 又要睇醫生又買藥 真係會好麻煩!!

seiraseira

加油呀樓主! 我屋企人都係咁 話佢地唔怕凍唔洗暖管, 會冬眠,放佢起度唔洗點理...
講多2句都真係把鬼火! 講多無謂

跟住我同佢地講, 佢地依家仲係BB,等佢地4-5歲就唔洗用架啦(其實我用開都係會用-.-講住先),
因為佢地祖宗18代都係人工繁殖, BB時期都係要用暖管架, 咁冇咁易死, BB時期唔保暖 好易病架!
病左又要幾千蚊, 倒不如幫佢地加支暖管濾下水用少少錢, 安全D佢地有開心健康D~

拿, 我暖簋較左22隻, 你見佢唔係幾著燈架咋, 佢唔係成日著其實都唔洗點用電, 太陽橙係俾佢地接受紫外線, 因為又唔係成日帶佢地出街曬太陽, 曬下會健康D佢地又開心D, 拿,你睇下佢地依家好開心成日都上去啦 燈得果50 w ,我地屋企個風筒吹一吹都1800 w 啦, 咁底 w 數唔曬錢既! 用得你幾多, 怕換水水費貴? 我沖涼沖快d,時間少d, 水費未唔貴囉

我有時唔起龜龜隔離, 要屋企人照顧, 當然佢地會覺得嘛煩, 我就選d比較方便佢地既方法, 例如換水, 佢地有好多直口, 又話水貴又話水重, 唔換水, 我依家整左個換水器俾佢地, 一按個制就自動吸水流官馬桶, 箱都整齊簡潔 . 方便哂,, 依家佢地冇咩直口話我

我同佢地講 你地生我出黎咁錫我, 對我咁好,咩最好都留俾我, 依家我買左龜龜番黎, 我就要對佢地付責, 我地養佢地,佢地就當我地係媽媽巴巴, 我地有唔同親人, 可以有好多朋友, 但係龜龜身邊淨係得我地,我地唔對佢地好,仲會有邊個對佢好, 我地係佢地唯一既家人

cloudtse1212

依家個缸都應該夠大,我諗你等多排先換都得
反而我屋企個幾隻化骨龍就要換缸...不過我打算天氣暖d先換

seiraseira

你怕佢地大得快遲d可以選擇膠箱, 平d~

其實最重要要俾佢地接受下龜龜~ 開始鍾意佢地!~

我家人起初最喜歡草草.. 係咁話淨係養草草, 其他果2隻送俾人,
我話佢地由細到大都一起,感情好好, 朋友黎,
之後慢慢介紹佢地特點, 可愛之處, 叫下家人同佢地互動,
依家屋企人都好接受佢地啦(不過仲係有時話我哂錢, 話龜龜唔好, 但係都係閒時1,2句,冇咩野)
今日仲同我講. 睇佢地越黎越順眼, 我話 你地熟絡左咋, 佢地都認得你啦

milton

我當初買隻龜龜時候得番梘咁大,4年後大到成7吋

hugo11

唔好要過濾器住先~遲下大啲轉缸先用(我都係咁養12吋膠箱,暖管同枝燈)

hugo11

睇你谷唔谷~餵食大就一定大得好快~

johnnyhk323

seiraseira 發表於 2016-2-18 16:29
加油呀樓主! 我屋企人都係咁 話佢地唔怕凍唔洗暖管, 會冬眠,放佢起度唔洗點理...
講多2句都真係把鬼 ...

我都好同意你講法 所以我地應該要對佢地好好
因為佢地一生中 只有我地主人係佢地身邊
所以 有咩最好的 都要留給他們 好好對待!!

johnnyhk323

cloudtse1212 發表於 2016-2-18 16:29
依家個缸都應該夠大,我諗你等多排先換都得
反而我屋企個幾隻化骨龍就要換缸...不過我打算天氣暖d先換 ...

不過佢地好似無乜地方可以玩水 怕佢地唔開心

seiraseira

johnnyhk323 發表於 2016-2-18 17:57
我都好同意你講法 所以我地應該要對佢地好好
因為佢地一生中 只有我地主人係佢地身邊
所以 有咩最好的 都 ...

係呀, 加油呀

johnnyhk323

seiraseira 發表於 2016-2-18 16:34
你怕佢地大得快遲d可以選擇膠箱, 平d~

其實最重要要俾佢地接受下龜龜~ 開始鍾意佢地!~

係架 同啲bb 親近多點 佢地真係會認得人

我記得 初初幾日 BB們見到我 係完全無反應 野又唔食 成日收埋自己  

過左一個星期 因為我日日都係bb 面前講野 又成日了佢地玩 依家一放食物或者出現係佢地面前 佢地即刻出來 又係水面玩 無左介心

所以 我認為只要比心機 同佢地玩多啲 了解同溝通多啲 bb 們係會認得我地架

seiraseira

johnnyhk323 發表於 2016-2-18 18:04
係架 同啲bb 親近多點 佢地真係會認得人

我記得 初初幾日 BB們見到我 係完全無反應 野又唔食 成日收埋自 ...

係呀, 遲D佢地仲識得擇人黎欺負

johnnyhk323

hugo11 發表於 2016-2-18 17:01
唔好要過濾器住先~遲下大啲轉缸先用(我都係咁養12吋膠箱,暖管同枝燈)

明白 咁我只放暖管 過濾器同啲石仔收走

請問照燈的 有咩好介紹 聽講 可以用一般的射燈 飛x埔同光暗制就可以 係咪真架??  唔該晒

johnnyhk323

hugo11 發表於 2016-2-18 17:03
睇你谷唔谷~餵食大就一定大得好快~

我依家一日一至兩餐 每次放大概十多粒糧

我發現入個水底下 有啲龜龜背的皮  係咪即係脫皮? 即係大隻左??

johnnyhk323

seiraseira 發表於 2016-2-18 18:08
係呀, 遲D佢地仲識得擇人黎欺負

哈哈  你講的欺負  應該不是欺負你嘛??

你咁賜佢地 佢地應該好好對你架喎