如果去旅行，你地d龜龜會點?

scorpiopig

Plan緊去旅行，但係問題就來，會冇人係屋企照顧龜龜幾日。好擔心。
想問下你地會點做??
我家有兩盾一豹，大約7-10cm大。

shinyiu

托龜所暫代照顧

scorpiopig

回復 shinyiu 的帖子

信唔信得過架? 好驚返到來唔見左佢地
始終環境突然轉變好似唔係咁好

金金

我試過離家5日，走前一晚餵飽龜龜，走當日放勁多含水份較多的蔬果及水兜入龜廂，燈全部用時間制開關

LCBMO

寄養。

OTKC

唔好諗到龜咁脆弱,你餓佢一星期都唔會死, 分開養,走前餵飽佢,一星期唔食野都得,加上佢有便便,餓會食返便便,唔好覺得核突,因為便便中GE草OR糧食一次兩次都未消化晒,仲有營養。總之旅行前餵飽佢地,浸水,就冇問題。分開養只係防止佢地打架,始終你唔向屋企,萬一打起上來都制止唔到,或者其中一隻突然有咩野問題eg.病,傳染比其他龜

TimChan

回復 OTKC 的帖子

有趣問下?
咁隻龜反轉左又點呢?

OTKC

回復 TimChan 的帖子

驚反轉咪拎走d障礙物,水盆....,剩係俾平地佢地,斷估隻龜唔會冇lala自己反轉呱

abcma12345

反轉呢啲野無得防。。
我試過全部平地豹仔都反轉。。
佢周圍爬。。。雙腳站立咁就反轉

TimChan

回復 OTKC 的帖子

如果系一隻, 應該冇問題, 不過我見過佢地龜踏龜反轉左.................暫時我都冇計 (要返工),只能睇佢地等唔等到我回家 (仲未試過 24 小時冇人在家)............(我系新仔一名)

OTKC

回復 abcma12345 的帖子

都係ge,只能盡量避免,

OTKC

搵人養又驚人地唔知點對你d龜, 放向屋企又驚反轉。一係睇下呢度邊個師兄姐幫手囉。
我個人見解就係寧願放向屋企,我覺得萬一你擺向托養服務度or 其他師兄度,龜龜有咩事,都冇得點做,擺向其他師兄度,人地義務幫你,唔通叫人賠咩
我自己一年幾次旅行,幾年來,龜龜都平安無事,可能好彩la。不過都唔擔心得咁多嫁喇,放向邊,搵邊個睇,一樣實搵到大把野擔心。

我講講我第一次旅行dum低龜龜ge經驗, 我第一次旅行時又係同樓主一樣,好驚冇人睇住龜龜,之後就搵左一個師姐照顧,但去旅行時都日日擔心龜龜。又驚個師姐會唔會冇睇佢,又驚個師姐d龜會唔會集體咬佢,蝦佢。又驚會唔會唔夠溫。又驚染到d病.......

我唔係唔錫龜,叫大家dum低龜龜去玩,可能大家覺得我點可以咁鐵石心腸dum低隻龜,一d都唔擔心,但我可以同你講我係比我屋企人&朋友都話我錫龜錫到傻,話唔擔心就假la,但經過咁多次經驗,真係擔心唔黎。

要唔擔心只有兩個方法:唔好旅行/唔好養動物
唔好養等於叫大家去死,因為向得呢個壇的會員都好中意龜
咁只可以揀唔好旅行,但可以避免咩?
若果係公司出trip呢??

所以睇開d吧,其實放屋企同搵人睇都冇問題,樓主可以根據自己,托養服務or師兄姐ge時間地點去決定
以上都係我個人感覺同分享,多謝大家耐心睇

OTKC

回復 abcma12345 的帖子

另外提提,如果放屋企,起住搵實色ge野圍住個缸,用紙都ok, 因為龜唔知玻璃呢樣野, 透明佢地見唔到,就一路爬,爬爬下就容易爬到雙腳企,再反。放d實色圍住個缸係俾龜知道前面係冇路。
咁佢地就唔會爬到企各度再反。唔洗圍太高,約高10cm都ok我諗abcma12345師兄 個缸都冇圍,所以d豹不斷爬先爬到唉住玻璃企向度,再反。呢個方法係好耐之前ge師兄教,因為個時我隻龜都不斷向玻璃爬,好容易就唉住塊玻璃,我就係驚佢會反,所以問個師兄,佢教我咁做,之前龜龜就知道玻璃就係盡頭,幾年都冇撞or唉到企向度, 各師兄姐可以試下,ps.唔排除有d過度活躍ge龜冇效

TimChan

贊同 OTCK 師兄, 我都系咁...........

abcma12345

OTKC 發表於 2014-1-20 20:20
回復 abcma12345 的帖子

另外提提,如果放屋企,起住搵實色ge野圍住個缸,用紙都ok, 因為龜唔知玻璃呢樣野,  ...

搵著靚仔紙放係玻璃到先。。。

OTKC

回復 TimChan 的帖子

就係因為咁,我就建議要分開,可用幾個箱分開,以免龜踏龜,釀成反龜

OTKC

回復 TimChan 的帖子

英雄所見略同, 但我係otkc,唔係otck,哈哈

陸叔

最重要唔好凍親熬親就可以了

minniewong

自從養龜開始, 我決定在低溫的日子唔去旅行, 例如11至3月