關於東豹，西豹，混豹。

ron

之前賣咗隻西豹，之後比人話我厄人！話隻西豹得一塊甲有兩點唔係西豹！之後我點解釋佢都話問過好多人，話唔係。
我隻西豹稀鰭買，雙方都知上年果批貨，佢話人地賣假貨比我，我再賣比佢！
呢件事發生之後，我問過好多龜鋪老細，批發商，搵埋中國靈龜之家幾個大商戶問過，背甲唔代表全部。
我想問，邊個話西豹甲上一定係全部兩點？專家？科學家？生物學家？還係基因學家？我就見過一點都無同埋全部甲都得一點的西豹。(相信唔少人睇到呢度心入面笑我傻仔)
我寫呢篇嘢唔係想表達咩，你話我坤你唔緊要，你唔好亂話人地舖頭賣假嘢。如果你搵到個有公信力的人出嚟指明確實唔係西豹，你想點都得。
如果仲係懷疑，可以比大家睇下你隻豹係唔係西豹，大家評下理。大家亦可以睇返之前稀鰭D西豹，歡迎指教。

HUGO16

http://www.herpera.com/leopard.htm
發現左個網~畀你地參透下

Vandalic

有無圖睇下被指是其他品種的豹？

ron

D相我無啦，不過可以睇返之前稀鰭影果D。第三張圖果隻。
http://www.hkturtle.org/forum.ph ... F%E9%9D%9E%E8%B1%B9

aldc168

確實南非西部豹龜頭前甲係有2點,轉載http://www.paludarium.net/5/post/2013/02/124.html

ron

咁你話果隻係唔係西豹。
我知網上D西豹相全部都兩點。我都真係見過無點同一點的西豹。

玄武門

講笑.............有無機會東豹行咗去西面咁啱比人捉咗所以變咗西豹呢.....................

ron

好多人話，會唔會係同東豹雜咗，就算雜咗，都係以身形特徵嚟分，東豹同西豹一睇就唔同啦。我淨係知豹龜分東豹，西豹，索豹。我真係唔知除咗無兩點的西豹叫咩豹

ron

玄武門 發表於 2014-2-12 13:47
講笑.............有無機會東豹行咗去西面咁啱比人捉咗所以變咗西豹呢.....................
...

咁黑人去白人地方打工都會變白人？
我都係講笑。

巫師義

解決方法好簡單姐，買家話你果隻唔係西豹，話你呃佢，
咁你買返原本你果隻西豹，
再賣比，應為你果隻是西豹的人咪得囉，


利申：我絕對唔識買你隻龜果個人 。

ron

我都有過呢個唸法，不過唸真一層。。。點解我要咁做？為啖氣？我又唔係賣假嘢，如果個個人都可以退貨，仲有邊個敢賣嘢。
如果你係我，你會咁做？

玲珑

收回才是诚信呵

Yingpig1129

咁你打個文出黎做咩？傅咩？你既確實係東豹！你同人講係西豹！錯五係你係我？定幫人地鋪頭做推銷？你講野都好好笑！如果有人話隻係金錢龜！點知後來知道左係南石！問題五係賣家到？係買家到？

Yingpig1129

應該話我都有問題！冇睇清楚就買！我都錯！之後搵你都冇用！未講到好似賣家完全冇問題！

爬蟲城

Yingpig1129 發表於 2014-2-12 16:02
應該話我都有問題！冇睇清楚就買！我都錯！之後搵你都冇用！未講到好似賣家完全冇問題！ ...

但如果係相果隻, 就係西豹.

Yingpig1129

回復 爬蟲城 的帖子

咁東豹係點？問題係件事都好耐了！

爬蟲城

Yingpig1129 發表於 2014-2-12 16:11
回復 爬蟲城 的帖子

咁東豹係點？問題係件事都好耐了！

東豹甲型, 甲質硬度, 甲邊顏色分佈厚度都唔同. 再者, 西豹面甲前端較向前, 似坦克車.

西豹細時甲型似坦克車, 扁平.  東豹就算扁, 但就扁圓似隻蛋.

東豹鼻較大肉厚, 西豹鼻明顯比較細小.

另, 唔少西豹都冇兩點, 東豹都可以有兩點.

ron

如果我將東豹當西豹賣比你就係我錯，依家你一口咬定係東豹，仲話你買之前無睇清楚，講到我真係厄咗你咁。件事有幾耐？上年11月發生。依家講返出嚟有咩問題？
我幫人地舖頭做推銷？人地D西豹早就賣曬啦，推D咩？我唸你睇電視劇睇多咗啦。無可否認，真係好搞笑。

ron

講咗舖頭名出嚟唔好意思，希望大家唔好將焦點放在邊間舖頭賣，依家係講緊我有無賣假嘢比人。
爬蟲城係爬店老闆，多謝出嚟指教。

巫師義

真金不怕洪爐火，你怕什麼??

另外：
買家都可以post隻龜相出黎比大家睇