多謝各位隻巴西B終於好番 但係仲有幾個大問題想問下各位

zornxe886

隻巴西B買左番黎3日, 但尋日龜龜唔知點解雙眼通紅,聽完各位師兄意見,嚇到即去買龜精靈同龜眼藥水
今日終於好番哂, 仲食好多野, 但係好偏食, 只係食蝦

但係我有好幾個問題想請教師兄



1) 我爬文睇知道龜精靈係無毒, 但我買個時個老板話可以滴多幾滴(5-6), 比龜龜浸, 但係我好怕滴禁多龜龜會飲左會有問題
同埋滴左龜精靈個D水要幾耐換左佢, 因為佢完全無說明書睇



2)因為我屋企成日開冷氣, 而家陣又有養龜, 所以家人好合作會保持室溫在25度
但我知道龜最好係25-28度水溫生活, 而我所知因為熱傳遞所以水溫應該同室溫一樣, 有無錯?


3)睇圖我禁樣佈置會唔會有問題, 因為我屋企唔會比太陽直射到, 平時好暗, 所以放係窗會比較光, 但係我又怕會光親佢, 所以就整左個黑紙箱仔CUP住一邊比佢休息, 禁樣會唔會有問題?


4)上面提過我屋企好難比太陽哂到, 所以龜龜比較難哂太陽, 但係其實係咪一定要買UV燈比龜龜, 因為我爬過文睇過其實UV燈又未必需要, 因為佢食野會吸收到鈣同vitamin D, 而我有放龜鈣溶入水比佢飲 , 反而射燈可能比較重要?

Mike記

咁快好返，好消息！最好可以將所有龜用品消毒，同埋落龜精靈喺水到多幾日，買個保險。
龜精靈應該對龜接近完全冇毒，包裝寫住一升水落一滴，落多冇所謂，唔好落少。有師兄話個濃度提升一百倍都冇事，我信。飲咗落肚唔會有事。
冷氣25度，d水一樣係25度。最好可以搵個冇冷氣嘅地方養，溫差大可能出問題。如果焗住養喺冷氣室內，盡量唔好比冷氣直吹個缸。
唔好買UV膽，side錢，以前嘅有用，e家全部呃錢。一定要定期曬太陽，提議睇精華文章，有教關於出外曬注意事項。個人有d擔心水龜鈣粒會整到有礦物質沉積喺個殼到，不如買墨魚骨。
個黑紙箱係好設計，比到安全感佢。如果全日太陽都射唔到窗邊個位，個缸可以放喺到，否則要換位。

Mike記

射燈係必需品，可考慮Philips R63射膽，平靚正！
提議除咗綠色橋之外，其他嘢全部攞走，佢e家冇位游水。
水太淺啦！可慢慢逐少將水位加深，要比時間佢適應水深度。

Mike記

如果射膽太熱，就要用普通鎢絲膽。

Mike記

佢唔食嘅糧要拎走，會影響水質。

zornxe886

Mike記 發表於 2014-6-26 22:13
如果射膽太熱，就要用普通鎢絲膽。

感謝 大約明白哂

其實平日12點到4點都好光猛E個位 仲好暖
但係就唔會有太陽直射到, 慘在屋企無個位會有太陽射到

我平時又要出去 得星期六日有時間攞佢出去哂太陽
我都有睇個精華大約明白點樣哂

但係平日1至5我又無時間攞佢出去哂
如果唔買UV我怕佢哂唔夠

另外一問射膽OR鎢絲係咪單純比佢到保暖, 無UV個個效果?
同埋一日開幾耐比較好 我怕哂干佢

佢家陣仲係BB 係咪應該盡量喂飽佢  
我跟精華講一日喂兩次
但次次都喂到佢唔食為止
會唔會出問題

zornxe886

Mike記 發表於 2014-6-26 22:11
射燈係必需品，可考慮Philips R63射膽，平靚正！
提議除咗綠色橋之外，其他嘢全部攞走，佢e家冇位游水。
水 ...

同埋暖板係咪有同樣效果

車厘妹

回復 zornxe886 的帖子

1. 水污糟我就會換
2. 室溫同水溫係一樣架
3. 學MIKE師兄O甘講,太少地方比佢游水啦!放低一個台比佢就OK,
   巴西游水好叻架而且好鐘意哂太陽,可以既話多D帶佢哂太陽,記得下午4點後先哂呀!
  每次哂15-30分鐘都好夠
4.VIT D同鈣都要哂太陽先可以發揮到最大效用同吸收得好D

車厘妹

回復 zornxe886 的帖子

唔好喂到唔食呀....
7-8成飽就OK 架啦!
其實BB一日一次都夠,
寧願餓下佢,都唔好太飽,
會有脂肪肝,對龜仔健康唔好

zornxe886

車厘妹 發表於 2014-6-26 23:11
回復 zornxe886 的帖子

唔好喂到唔食呀....

但係老實講  佢7-8成係幾多好難理解
完全無concept

Mike記

回復 zornxe886 的帖子

唔洗客氣！
冇陽光直射就ok。
E到大把人都係週末至攞龜去曬，問題唔大。UV膽真係side錢，如果你都係想買，可考慮exo terra隻sunray，我估35w都可能勁過頭。e隻膽要配專用燈罩，個罩好貴。我自己都考慮緊冬天買唔買。
射膽係冇UVB嘅，只係比龜自己調節體溫。買個時間制啦！我就教日出開到日落。隻龜太熱就會落水降溫，唔會曬乾。夏天個熱點set去33-35度，如開冷氣就32度。
你隻龜睇落唔似苗，提議度度個殼幾長，如果有5cm就隔日餵，如以下就日日餵。每次餵嘅糧大約等於隻龜個頭嘅體積，唔計頸部。千奇唔好過量餵食。

vvbb708

回復 zornxe886 的帖子

我都分唔到 每次都落一堆 但次次兩隻龜b都清場 我諗兩隻搶食 應該唔會兩隻都飽曬掛
有d人講 落龜龜個頭既大細既糧分量好似會較好(唔計頸)
btw我就靠自己直覺

Mike記

zornxe886 發表於 2014-6-26 22:50
同埋暖板係咪有同樣效果

唔明暖板係乜？

zornxe886

Mike記 發表於 2014-6-27 00:34
唔明暖板係乜？

之前有朋友提過 佢冬眠個時有隻暖板可以放入水到 比佢係上面訓

zornxe886

Mike記 發表於 2014-6-27 00:32
回復 zornxe886 的帖子

唔洗客氣！

佢成6.5cm 姐係兩日一餵啦應該 感謝

另外日出哂到日落咪成12個鐘 反而日間哂 夜晚唔哂?

我想知其實係咪唔可以直射到隻龜 要搵野姐姐個燈?

同埋計時加射膽大約幾錢 個射膽又幾多W比攪好

UVB又幾錢到同邊到買比較好
我想參考下UVB 好想養好隻龜龜 我擔心有時星期6,日都無時間攞佢去哂

zornxe886

vvbb708 發表於 2014-6-27 00:18
回復 zornxe886 的帖子

我都分唔到 每次都落一堆 但次次兩隻龜b都清場 我諗兩隻搶食 應該唔會兩隻都飽曬掛 ...

又學到野 thank you

車厘妹

回復 zornxe886 的帖子

你搵2-3日餓下佢地,
之後果日餵到佢地飽到唔食,
將餵既份量X0.7-0.8
就係7-8成飽,大概就OK
每個月都要重新度一次就可以

Mike記

zornxe886 發表於 2014-6-27 01:54
之前有朋友提過 佢冬眠個時有隻暖板可以放入水到 比佢係上面訓

我估你係講緊一集迷你發熱器，嗰隻野係比好細個缸用，大部份人都係用暖管。e家夏天冇人會用暖管，除非冷氣開到勁凍。
你隻龜已係亞成體，係要隔日餵，同埋唔好餵幼龜糧，要買成體或亞成體糧。
如果餵嘅份量好難因，可以試吓計時方法，逐少逐少咁比糧，睇住佢食，一食到四分幾鐘就停，總之五分鐘後，如果重有糧喺水到，就要不走佢。之後等隻龜痾咗屎（通常半個鐘），就換水。
射燈開十二個鐘冇問題架！夜晚就要熄，比佢訓覺。要直接射住個陸地。火數方面答唔到，因個個人嘅setting都唔同。R63分40同60W，夏天估計40W夠。鎢絲膽就分25、40、60W。
Sunray膽連罩35W嘅賣$1500，不過好似唔可以用喺膠缸，因個罩好似係黐死喺個缸到。加上你個缸太矮都唔係咁啱用，sunray嘅光度同UVB都好勁，要離個陸地有一定距離。Sunray唔係到到有，唔係好記得邊幾間有，你可以入貨品交易區，入子版塊，喺每間舖頭打sunray嚟search。

Mike記

計時器好似$45，R63大約$20，淘寶就7蚊人仔。

zornxe886

車厘妹 發表於 2014-6-27 03:39
回復 zornxe886 的帖子

你搵2-3日餓下佢地,

明白 唔該哂