兔仔問題

牙娸 · 發表於 2014-8-10 22:17:19

隻兔兔成日都痾好多屎咁樣係咪正常呢？
成日換完木槺冇耐就已經有幾粒屎係度

養左冇耐佢好似五俾我抱咁
就算想抱佢,冇耐佢就想走
有時未抱到佢佢就已經走左去
咁樣都係正常架可…？

ron410 · 發表於 2014-8-10 23:15:15

全部正常

牙娸 · 發表於 2014-8-10 23:16:03

好的

浩洋凰 · 發表於 2014-8-10 23:19:57

本帖最後由浩洋凰於 2014-8-10 23:22 編輯

非常正常，兔仔直腸直肚，一路食一路痾，痾完仲會食番啲便便，再痾過，二次消化；有得食有得痾，消化正常，可喜可賀
十隻兔仔，9隻半怕人，走開避妳好正常；有時隻兔仲會後腿不停拍地，即係好唔喜歡妳騷擾佢；雙耳仲會縮向後面，準備隨時衝前去咬妳隻手仔。
想佢親近妳多啲，首先最好只養1隻兔，等隻兔覺得孤觸，佢就會願意親近人玩多啲；另外，妳要買啲兔零食，只可自己親手經常1粒1粒噉餵佢食，等佢知道妳一出現，就有好嘢食，佢知妳係美食主人，佢就會月來月唔怕妳；
到佢每次見到妳，就又抓籠又咬籠，想引妳主意，妳就可以開始一路餵佢食零食，一路用另外一隻手去輕輕掃下佢個頭，如果隻兔無反抗，妳就可以開始輕輕掃下佢個背脊，無反抗，就可以掃埋落PatPat，如此類推，一步步來建立感情關系。
切記不可打鬧，只可氹～

ron410 · 發表於 2014-8-11 00:21:20

温馨提示 : 俾多啲草佢食，因要磨牙，如果牙長就手尾長，唔好買咩乾零食佢食，因糖份高對兔仔有害，食得多呢啲野，連草都唔食就麻煩，我有10年養兔經驗，我講少少野知！

浩洋凰 · 發表於 2014-8-11 01:18:37

我只有5、6年經驗，最高峰同時養5隻兔，兩男3女，我的兔都讓我任摸任手餵，但我不會抱她們，她們根本不喜歡我們抱，因她們在半空中會覺得無安全感，所以會反抗。
我同意兔要食好多乾草，但不要餵 alfalfa hay，因蛋白質過高，食後很容易痾爛屎、痾軟屎，全天候餵 timothy hay 最好。
食兔專用零食，根本沒可能攪到隻兔偏食，因為兔是很大食的，而兔零食又很貴，所以只會用經濟大包的兔糧做主食；另外，兔零食只會在氹兔仔時才親手1粒1粒的餵她，根本沒可能餵得飽她（除非妳家中有其他人，貪得意胡亂餵她呢!），其餘時間只會也只可供她經濟大包主食糧和 timothy hay，讓她自我進食。
養兔有太多心得，不能盡錄，講極唔完

牙娸 · 發表於 2014-8-11 06:53:52

佢呢排成日係個籠度好嘈五知做乜
嘈到係整醒左我
俾左草俾左糧佢食佢都係咁
其實咪事？

科拿仔 · 發表於 2014-8-11 10:05:47

但我見過有d兔好痴人，主動撩人玩架架。

牙娸 · 發表於 2014-8-11 14:07:01

我個隻五係

係咁跑梨跑去好鬼嘈

ron410 · 發表於 2014-8-11 14:28:12

人睡覺前你有冇俾足夠既草佢食，冇野食佢地都會嘈

牙娸 · 發表於 2014-8-11 21:52:36

有呀！我有俾草佢食架

jackielee · 發表於 2014-8-13 12:44:44

本帖最後由 jackielee 於 2014-8-13 12:57 編輯

兔仔晚上活躍,日間多數静Ｄ,你要比多Ｄ草佢,買Ｄ草磚比佢玩,磨牙,我都有買咬木比佢,早晚放適量乾糧,最重要是草,我有4隻兔,都９歲多,Ｄ草可以磨牙,不吃草Ｄ牙會過長,要剪牙............兔仔Ｄ牙不停生長,同麻一路食一路便便,不好養1男1女,會不停生B,一個月就可生,一生會3至9隻,我Ｄ兔仔全部都绝了育的

帳號		自動登錄	找回密碼
密碼			註冊