黃緣一問

山貓

小弟的緣苗一向有和其他箱龜混養,數月來相安無事.
近日小弟發現牠一隻右前肢不能完全伸出來,可以縮入龜殼,但最多只能伸出半隻手.
這應該是外傷吧,我想應該是被其他龜弄傷或者自己扭傷,可以排除其他疾病如肺炎或皮膚病對嗎?
那麼請問我可以怎樣做?有藥水可浸嗎?抑或要看獸醫?這個問題醫生幫到忙嗎?

seamus

去問問友緣龜屋，親身帶隻龜去！

佑鳥仁子

可能比其他龜咬傷咗

佑鳥仁子

應該5係肺炎、皮膚病，放心

山貓

回復 佑鳥仁子 的帖子

謝謝ching,隻龜如果好返或者出事,我都會話聲你知.我上網搵過資料,有人單獨養巴西都好似我咁.

山貓

回復 佑鳥仁子 的帖子

終於俾我搵到原因喇,原來烏龜突然有一隻手伸唔到出黎,呢個情況唔算罕見,而且死亡率相當高.
點解之前無師兄願意解答我既問題呢,我相信呢度大把高手,但係無人理我,嗚...

山貓

回復 johnng9879 的帖子

我很好奇,想知道呢度有冇人知道我隻龜發生什麼事.
如果早2日有人教我,我隻緣苗救得返既機會會大增(雖然佢應該未死).
如果真係無人知道,我今晚或者聽日會開估,post條link上黎,其實我都係上網查,唔巴閉.
我上呢個網,都係想同d鍾意養龜既朋友互相交流,分享.我隻龜要死都無人伸出援手,一時感觸,不多說了.

flower07223

應該被其他龜弄傷

山貓

大家唔好當我發晦氣,就當係無獎問答遊戲啦,估下都無妨,聽日開估.

山貓

回復 flower07223 的帖子

其實我唔係百分百肯定咩野事,不過應該唔係外傷.
呢個情況,內地網站既龜友經常遇到,有d人單獨養一隻緣都出事,所以應該唔係外傷.
俾個網址大家睇睇: bbs.cngui.com//thread-268429-1-1.html

bmw_81

肠胃炎，先泡药梯吓有无效。

山貓

其實黃緣腸胃有問題,就有機會出現頸腫手腫同腳腫既問題,情況就好似在癱左一樣,條頸唔多郁到,手腳又唔多郁到.
我隻龜會攪成咁,應該係我平時餵佢食太多野(龜苗每日食20粒開口糧).下次如果有其他師兄遇到呢個問題,大家不妨叫佢加溫(幫助消化),乾養,浸BAC同ReptoBoost.
參考網站: http://book.cngui.com/Article/2005/344.html

山貓

佢4條腿,1條縮左入去唔識伸出黎, 3條伸左出黎唔識縮入去, 條頸都唔多郁到.
足足一星期,我每日都幫隻龜浸BAC同ReptoBoost,其餘時間就乾養同加溫,完全無俾佢食過野(其實佢都唔會有胃口).
每次我幫佢換水,d水都好清既,今朝我一起身幫佢浸BAC,半小時後,佢就柯左大便.
令我更加相信佢係腸胃病,因為佢一個星期無食野,但依家有大便.
另外,各位可以睇下佢隻右手,已經可以伸返好多出黎.

***呢個帖一直都無乜人回應.如果你係我,你會有什麼感受?