新手養龜，求敎水質問題

dandelion1

各位好，我約2個禮拜前執左隻ipad咁大既巴西龜。
我無養龜經驗，所以真係由0開始咁學。

因為隻龜好大隻，又驚人，我係屋企揾左個裝衫既大膠箱，即係日本城等家品舖買到果隻好長既，有轆，有蓋既大膠箱。
我地都日日換水，但啲水好快就好臭好dirty.

依家考慮緊好吾好用過濾器，但好似好複雜咁，想問

1）我用果啲膠箱可吾可以裝濾水器？
2）邊啲濾水器最好？
3）去邊間舖頭買好？想揾間有耐心解答既舖頭買
4）淘寶果啲信吾信得過？
5）如果吾用濾水器，會有咩壞處？

吾該晒！

我愛爬蟲類

首先，咁大隻龜要水深先住得舒服，所以一定要用濾水器。EDEN521或以上既最適合，其他牌子你可以問其他師兄/姐

dandelion1

我媽反對，話驚啲電 好危險

dandelion1

咁點算好？
有無啲簡單，吾多電線的？

janede1314

dandelion1 發表於 2016-6-23 18:51
我媽反對，話驚啲電 好危險

我有養大龜，都冇用濾水器，每日一至二次換水

食野在另外一個兜，等佢食完便完才回膠箱，水質無咁易污染

dandelion1

janede1314 發表於 2016-6-23 19:04
我有養大龜，都冇用濾水器，每日一至二次換水

食野在另外一個兜，等佢食完便完才回膠箱，水質無咁易污染 ...

因為隻龜身上呢幾日出現白斑，問過人話係因為水質不潔，但我媽又話佢日日都換水，都吾知點解會咁。
估吾到養龜咁難，我養開貓，真係完全吾知龜需要咁多野。但既然救左條生命，都想儘力給牠最好。

想問下咁你用乜野裝住隻龜呀？你果隻都係巴西龜？

我間吾時放佢出廳到行下，因為吾想成日困係咁細既箱入面，活動空間咁細，好似好慘，但個地下雖然日日抺地，但都會有啲dirty, 隻龜係上面行驚吾驚？ 因為上網睇講到龜要好乾淨好乾淨既環境先得...
但我媽又話野生啲龜啲水都無過濾水器，又吾見佢地病，但我估野生自然環境可能有啲野係食啲垃圾野從而清潔返啲水。

隻龜因為被救前係比人放左落海入面，救左返黎已經2-3個禮拜，佢仲係好驚人同無乜精神，都吾知點可以照顧得佢再好啲。

我地依家除左比龜糧，仲會比3-4隻生蝦佢，佢好鍾意食蝦，菜佢就吾肯食

dandelion1

希望各位好心龜友睇完我件事後可以分享多啲養龜資訊，因為我都吾知我做得岩吾岩

dandelion1

janede1314 發表於 2016-6-23 19:04
我有養大龜，都冇用濾水器，每日一至二次換水

食野在另外一個兜，等佢食完便完才回膠箱，水質無咁易污染 ...

另外想問你可吾可以比相我睇下佢養龜的箱？等我參考下

你比幾多水呀？

另外有個難題就係好難買到岩咁大隻龜既浮台

我依家個係假山咁款，但水大多就飄黎飄去，如果塞啲石入去係可以坐低佢，但啲石又要洗

同埋雖然係膠箱，但每次換水都要刷乾淨個箱都幾吃力，你係咪每次換水都揾刷刷返乾淨個箱？

janede1314

dandelion1 發表於 2016-6-23 20:16
另外想問你可吾可以比相我睇下佢養龜的箱？等我參考下

你比幾多水呀？

我用宜家個d大膠箱養，水過背多一倍，有台可以上岸，平日會有UVB 燈曬背

每星期放假天氣好更加會帶佢地出街曬太陽，紫外線有助殺菌，對佢地個殼生長會好點，又幫助消化

換水我用吸管吸走便便及大部分水先拎個箱去洗

糧建議zoomed, 櫻花

附上兩爬協會基本飼養手冊，希望幫到你

http://www.hkherp.org/document/caresheet/Trachemys_scripta.pdf

oooooo

乾養，定點一個矮盤水日日換，
隔幾日日開盤水浸，餵食，排便。
到咗天冷再問，再教！

古羅洛斯

唔用過濾冇問題,想換水方便啲可以試下用靚啲嘅火水泵吸污漕水就快捷又冇咁辛苦
其實外掛式過濾都好方便,但我唔知你個膠缸邊厚唔厚,可唔可以掛到
清缸養咩都唔放最好,又方便又唔易積聚污漕嘢

Hangying122

我想問你系邊度汁 點解你知佢系比人放落海?
我純粹買 上星期我見有人汁左隻巴西系荃灣友緣問野……

dandelion1

janede1314 發表於 2016-6-23 21:50
我用宜家個d大膠箱養，水過背多一倍，有台可以上岸，平日會有UVB 燈曬背

每星期放假天氣好更加會帶佢地 ...

Thx
咁你用咩台呀？可吾可以映相比我睇呀？
要夠大夠高又易爬又吾會郁黎郁去既台好難揾..

dandelion1

古羅洛斯 發表於 2016-6-24 10:02
唔用過濾冇問題,想換水方便啲可以試下用靚啲嘅火水泵吸污漕水就快捷又冇咁辛苦
其實外掛式過濾 ...

Thx回覆！火水泵？我research下係乜先...第一次聽
我都吾知個膠邊算吾算厚，其實就係普通膠箱，size大約2-3呎長
http://www.uwants.com/viewthread.php?tid=6949054
類似呢種

dandelion1

Hangying122 發表於 2016-6-24 10:10
我想問你系邊度汁 點解你知佢系比人放落海?
我純粹買 上星期我見有人汁左隻巴西系荃灣友緣問野…… ...

龜龜係係中環碼頭比啲職員發現和救起，放了上討論區求人救龜，果日係端午節，我晏就同屋企人飲緊茶無意中係討論區見到，又吾知發咩神經諗都無諗就好想救隻龜，就去接左佢返黎...

dandelion1

oooooo 發表於 2016-6-24 02:08
乾養，定點一個矮盤水日日換，
隔幾日日開盤水浸，餵食，排便。
到咗天冷再問，再教！ ...

Thx 回覆呀

dandelion1

古羅洛斯 發表於 2016-6-24 10:02
唔用過濾冇問題,想換水方便啲可以試下用靚啲嘅火水泵吸污漕水就快捷又冇咁辛苦
其實外掛式過濾 ...

sorry 想問下火水泵係魚佬有無得賣? 我其實吾係好鍾意去金魚街，覺得啲人見到我問多2問就好不耐煩咁，係魚佬感覺好啲...

janede1314

dandelion1 發表於 2016-6-24 17:17
Thx
咁你用咩台呀？可吾可以映相比我睇呀？
要夠大夠高又易爬又吾會郁黎郁去既台好難揾.. ...

火水泵我在aeon $12 店買,

我個台其實會郁黎郁去, 但我的龜又爬到.................

Hangying122

去金魚街卡奇事但搵個員工你有咩需要
佢地會幫你汁哂 亦吾會黑面

licha_sliver

我果隻之前龜都係有白點病，後來問返個檔主，佢話先將d白點盡量挑清，用龜精靈夜晚同龜龜抹干身之後滴落患處，乾養一晚，朝早食野擺返落水。我果陣早晚滴一次，每次乾養個幾鐘，我唔敢擺太耐因為我隻龜太細隻眼好易乾。一個星期左右就好返曬。記住如果用龜精靈唔好直接滴眼。仲有我果陣怕d自來水太毒，會用擺過夜既食用水每日換一次，不過而家好返就冇啦。同埋記住等佢食完野痾埋屎先換水。
希望幫到你，我都係新手黎