（求救）好擔心，龜好似白眼病！

小草

各位，我隻龜仔大約一月前因雙眼腫，我帶左佢睇醫生，醫生話細菌感染引起眼腫，同唔夠維他命，前後共打左6針抗生素，見好返好多就唔駛覆診了。以為康復啦，但過左幾日佢左眼合埋左，而家兩眼都腫。前日佢打開左眼我望到裡面眼珠係白色的，又見佢少少張口呼吸，心諗佢應該感冒同白眼病，於是爬文後買左支genoptic眼藥水滴眼鼻，今日買埋龜精靈浸身，今日就少左張口呼吸，但都有少少氣聲。佢雖然眼腫睇唔清楚，但食慾非常好。
其實我哩次希望自己醫到佢，因帶親龜仔去睇醫生，醫生都只會幫打抗生素針（仲要係多年前肺炎時打果隻抗生素，而家眼腫又打同一隻藥），我感覺唔太可靠。：（
之前未帶睇醫生前，已滴過zoomed眼藥水，無效用才見醫生的。
請問我而家應該點幫龜仔？滴多兩日genoptic 眼藥水(而家叫gentapro) ？定係轉返滴zoomed眼藥水會比較有用呢？謝謝！

kea

佢張口呼吸係因為肺炎（可能係因為冷親）
眼腫好大可能係因為水質污糟而引起
所以你要注重水質同埋溫度

小草

因為無濾水器，我每日換水，有暖管
佢應該未算肺炎，我最擔心佢隻眼，都唔知點算好

kea

係咪冇晒燈啊  晒燈（UVB)或晒太陽可以令佢提高免疫力同抵抗力
一日換一次水太少喇

Kam999

我之前隻龟龟執番嚟嘅時候两隻眼都不能張開,
眼腫得很厉害, 我就用眼葯水給龟龟滴了两星期,
治文疗過程要乾養,龟龟會逐日好轉的.
以下是眼药水的牌子

小草

係無咩機會晒，屋企得夜晚有人，只能夜晚晒燈太陽燈，盡量星期六日帶出街晒

小草

Kam999 發表於 2018-3-16 22:43
我之前隻龟龟執番嚟嘅時候两隻眼都不能張開,
眼腫得很厉害, 我就用眼葯水給龟龟滴了两星期,
治文疗過程要 ...

請問晚上放回缸內可以嗎，怕冷親

Kam999

要乾養, 可以用乾淨毛巾覆盖

小草

龜仔今朝開返眼啦，對眼無咩事，眼珠黑色的，雖未算好精神，但都精靈多了，感恩，我再滴多兩日眼藥水同浸多幾次龜精靈先！多謝你地

Kam999

有好轉就好嘞, 千祈唔好冷親, 得嘅話早午晚滴三次眼药水.  希望龟龟快啲好番, 健康精靈

lukehui

可以佢天生眼的抵抗力較差...
zoomed眼藥水有維他命A對眼睛有益...
平日隔幾日幫佢滴下都好