龜龜生蟲有咩徵狀

williams_ng

請問陸龜體內生蟲有咩徵狀?

sukky

williams_ng 發表於 2011-10-29 11:37
請問陸龜體內生蟲有咩徵狀?

柯的屎有蟲
食慾不好(?)

kenbb

屎會有蟲..

8ways

有啲蟲用眼係睇唔到, 可以聞吓啲屎係咪比平時臭, 仲要係好臭個隻. 再加埋食慾不振, 冇乜精神.

hyy

回復 8ways 的帖子

師兄,你隻藥有冇話食幾耐要停?

8ways

回復 hyy 的帖子

10日為一個療程.

阿豪

sukky 發表於 2011-10-29 11:39
柯的屎有蟲
食慾不好(?)

完全認同.

STAR_115

唔一定會痾蟲，痾蟲的話係體內好多蟲。生蟲會痾啫哩狀物體

Norrishill

hyy 發表於 2011-10-29 11:54
回復 8ways 的帖子

師兄,你隻藥有冇話食幾耐要停?

你隻龜要食炭!

hyy

回復 Norrishill 的帖子

我知呀

ericboy

陸龜體內有寄生蟲唔一定有特徵, 大家要明白大多數陸陸體內都有寄生蟲, 問題多定少, 少既時間可以對隻龜完全冇影響, 到有特徵(柯屎有蟲, 食慾不振) 已經很比較嚴重了...

仁仔

水龜會唔會有蟲?

ah林-3-

仁仔 發表於 2011-10-29 14:30
水龜會唔會有蟲?

緊係會有喇.

williams_ng

如果隻龜冇咩徵狀係咪唔需要定期殺蟲?

windleaves

所謂生蟲，其實分兩種，一種係肉眼可見嘅寄生蟲，例如各類線蟲；一種是肉眼不可見的原蟲，例如最出名嘅阿米巴原蟲。

無論是哪種寄生蟲，都可以通過龜嘅大便觀察。

普通寄生蟲很明顯，大便裡出現一條條白色的線狀蟲子，就要杜蟲了。
而受致病性原蟲感染嘅龜，大便會呈現啫哩狀，伴有惡臭；嚴重的，龜精神及食慾差，甚至拒食。

普通寄生蟲可以使用腸蟲清（Albendazole），此藥主要靠抑制蟲體對葡萄糖的吸收，餓死d蟲。不過，根據我哋以往使用經驗，對龜黎講，此藥副作用相對較大，要求用量準確，同時最好配合注射生理鹽水。

至於原蟲，可以使用替硝唑（Tinidazole ）或 甲硝唑（metronidazole ），兩者都是硝基咪唑類抗原蟲和厭氧菌藥物，不過後者為第一代藥，前者為第二代藥物。甲硝唑效果大但副作用相對較大，替硝唑效果差不多但相對安全，所以我們通常會選用替硝唑。
人用嘅藥物無論係效果和安全性上黎講，都比動物用嘅好得多，而價錢反而仲平（貌似任何野加個寵物專用嘅logo，個價錢就即刻double甚至triple）

windleaves

williams_ng 發表於 2011-10-29 23:04
如果隻龜冇咩徵狀係咪唔需要定期殺蟲?

對於寄生蟲，新龜回家，如果大便中看不見蟲子，暫時可以不杜蟲，等養定了先定期打蟲。龜始終是食生野嘅，難免會食到d蟲卵之類嘅野。所以養定後，我哋一般會定期一年一次杜蟲。

對於原蟲，新龜回家，杜原蟲是常規處理之一。就算大便正常，都會餵一個療程嘅替硝唑。養定以後基本唔需要杜原蟲，除非大便有原蟲感染症狀。

windleaves

此外，其實我哋都會建議大家一年餵自己一次腸蟲清，始終作為飼主，接觸龜只及其糞便都有機會感染寄生蟲。

williams_ng

windleaves 發表於 2011-10-30 00:37
所謂生蟲，其實分兩種，一種係肉眼可見嘅寄生蟲，例如各類線蟲；一種是肉眼不可見的原蟲，例如最出名嘅阿米 ...

請問「替硝唑（Tinidazole ）」是否在一般藥房可以買到?
份量9cm 250g 的龜要用多少?

windleaves

我無係hk買過，答你唔到，你可以嘗試到有十字嘅藥房買。我見呢度有師兄係藥房買到metronidazole。

你確定是原蟲感染嗎？有大便圖嗎？

williams_ng

windleaves 發表於 2011-10-30 17:25
我無係hk買過，答你唔到，你可以嘗試到有十字嘅藥房買。我見呢度有師兄係藥房買到metronidazole。

你確定 ...

大便正常不是爛屎，我都唔確定龜龜有冇蟲，
只是發覺2隻星龜養了10個月重了50G，但就只長1CM，
所以唔知係咪有蟲