(意見徵求) 會員交易注意事項

龜痴

有鑑於近日會員交易區爭執頻繁, 經常有人甩底, 借錢唔還, 龜隻跟描述有異, 本人想打一篇"龜友會員交易注意事項"並長期在交易區置頂, 如果大家對以下內容有意見或補充的話, 請不妨提出, 我會依照修改, 所有提出有用建議的人將會被加分...

1. 交易前必先用電話溝通... 人的心理好得意, 網上承諾通常不當一回事, 電話溝通會認真好多...

2. 在電話約會出來交收時, 一定要有確實的時間和地點, 不要說"星期二放工去旺角交收啦"等不明確的話... 時間地點沒有確定, 對方甩底的機會大增...  並緊記必須要求對方在出門口前打電話通知你, 仲要講多聲"我收到電話才出門口"... 如果對方真的有心交易, 不會介意在出門前打電話比你 (因為對方都怕你甩底)...

3. 臨出門前如果對方無打電話俾你, 你必須致電再確實多一次時間地點... 如果致電多次都無人聽, 便 sms 對方查問, 依然沒有回覆的話便禮貌地 sms 對方你仲等緊佢電話才會出門口, 並準備取消今次交易, 在交收前打不通電話, 通常對方在交收時都不會出現... 由於你一早講好收到電話才出門, 你沒有出現的話錯不在你...

4. 交收前, 清楚檢查烏龜是否如描述一樣, 檢查程序如下:
@ 檢查烏龜是否精神, 健康的烏龜不會因運送路程而變得精神不振, 烏龜因環境改變而變得怕人龜縮是 100% 正常, 但如果烏龜失去警覺性, 你出力攪牠都依然渴睡, 又或睜眼有困難, 你便要小心...
@ 檢查四肢是否有力, 可能的話用手指頭輕輕把龜手拉出, 之後再推入... 健康的龜龜會有力地掙扎或對抗... 如果覺到烏龜的手手無力, 任由你擺佈, 你便要小心... 即使冬眠中的烏龜也不會任你擺佈...
@ 留心有否錯甲, 所有烏龜(海龜除外)的背甲都是 4, 5, 4 排列, 沒有例外...
@ 留心龜甲是否完整, 有否傷痕, 腐甲, 爛甲等... 留心皮膚是否正常, 有沒有爛皮, 腐敗等...
@ 留心有否斷指, 大部分烏龜的手腳指都是前五後四, 只有極少數例外...
@ 水龜的話要留意兩腮有否腫脹, 如果不正常腫脹的話有機會是中耳炎...

5. 完成檢查並感滿意後, 才一手交錢, 一手交貨... 如龜隻狀況跟描述有很大分別, 便要求取消交易... 不要覺得不好意思, 是對方描述有誤在先, 錯不在你... 千萬不要在檢查完成前付錢...

6. 不要在交收時無故要求加價/減價, 不要在交收時借錢俾人...

7. 由於賣家不可能知道買家把龜隻帶回家後如何飼養, 所有活體龜隻交易, 在情在理也不可能要求退貨... ALL SALES ARE FINAL, 所以買家有責任在交收時清楚檢查龜隻是否健康及合乎描述, 不要覺得不好意思, 如果不懂得如何檢查的話, 可以找朋友或網上認識的龜友出來幫忙...

呢個 post 只係想教大家保障自己利益... 大家唔好攪錯... 龜友論壇只係一個自由平台比大家進行交易... 我無意去改變現有交易版的政策, 我地無足夠人手對交易區內每一個 post 進行審查... 這個亦不是我的意願... 呢個 post 只係想教大家保障自己利益, 並不是討論改善交易區的交易規矩... 歡迎大家提供意見

Star

Thanks 龜痴 Ching

沙發支持

ppp1212

絕對認同，第七點更是精結所在，活體生物處理不善的話，一分鐘就可歸天，請珍惜牠們的生存價值。

anthonywoo

point 2 & 3, 通常是買家放飛機，所以建議應該是買家主動聯絡

麒麟仔

推呀~~推呀~~推呀~~嚴飛機友同黑商！

iamnero

檢查龜的程序中建議加入“檢查眼睛”一項

龜痴

anthonywoo 發表於 2012-2-16 12:40
point 2 & 3, 通常是買家放飛機，所以建議應該是買家主動聯絡

thanks,

我收集晒大家意見之後一次過改...

anthonywoo

為防止賣家借相，偷相，可否要求那些"生面口"的龜友，相中要放一些有他本人ID的物品，例如有佢login ID 的紙?

香蕉

一手交錢一手交貨...減小因財失義嘅機會發生
並可澈底導絕   <<<賴皮縮頭乞衣呃龜賊>>>   嘅出現

龜痴

anthonywoo 發表於 2012-2-16 13:55
為防止賣家借相，偷相，可否要求那些"生面口"的龜友，相中要放一些有他本人ID的物品，例如有佢login ID 的 ...

提議都不錯..

問題係... 如果佢唔放 id, 我地都奈佢唔何... 無理由要刪佢 post 架...
買賣始終係雙方的決定... 論壇只係一個自由平台... 唔可能花太多力氣去干預...

jason1111111111

回復 龜痴 的帖子

組個黑名單出黎,買龜之前睇下會小心d = =有相post佢杷

龜痴

但如果龜龜係有腸胃病好難睇得出,見意唔好賣龜苗

買賣係雙方的決定.. 只要賣家一早聲明龜隻大細, 我看不出理由呼籲大家不要買龜苗...
病龜都係一樣.. 只要賣家一早聲明龜龜有病/缺憾, 而買家又知情之下, 賣病龜亦無不可...

龜痴

jason1111111111 發表於 2012-2-16 14:00
回復 龜痴 的帖子

組個黑名單出黎,買龜之前睇下會小心d = =有相post佢杷 ...

完全不同意...

1. 你估 black list 之後人地唔識轉 id??? 花很大資源去維持一個沒有用的 black list 來干麼??

2. 私隱原因, 論壇不會讓人公開他人相片或電話... 好似香蕉呢單野:
http://www.hkturtle.org/forum.ph ... &extra=page%3D1
公說公有理, 婆說婆有理, 要證明那一方有錯根本不可行...

lktq

如果所有買賣上既確定都必須用PM黎做，白紙黑字寫明(時/地/人/物)會唔會好D? 起碼唔會到最後口同鼻拗 ^^

龜痴

lktq 發表於 2012-2-16 15:54
如果所有買賣上既確定都必須用PM黎做，白紙黑字寫明(時/地/人/物)會唔會好D? 起碼唔會到最後口同鼻拗 ^^ ...

多謝你的提議... 但係我想先向你解釋清楚,
網上交易, 最大的問題不是黑紙白字 or 白紙黑字,
白紙黑字人家都可以甩底, 都可以賣病龜, 貨不對辦, 都可以壓你價, 叫你借錢唔還...
你根本奈對方唔何, 白紙黑字只在去法庭對簿公堂時有用,
但係你告一告人, 閒閒地洗你十萬八萬律師費,
根本無人會為幾百蚊一隻龜攪咁多野 (即是交易安哥 and 金錢龜亦不值得)
贏左都得不償失...

呢個 post 只係想教大家保障自己利益...
如果你已經俾人放左飛機甩左底 or 買了一隻病龜在手 or 借左錢比人而人地唔肯還,
到時候俾大家知道誰對誰錯來有甚麼作用...

黑旦

讚.....繼續加油吧!
壇上還有好多問題....請跟進

龜痴

黑旦 發表於 2012-2-16 17:18
讚.....繼續加油吧!
壇上還有好多問題....請跟進

例如呢...
唔好講 d 唔講 d...
比少少提示好啵...

黑旦

回復 龜痴 的帖子

例如交易區....不可批評別人出的價錢/一日最多可以開3個交易post(不是相同的post)/........

zero_1

有幾點我覺得好有問題,係度想發表下自己淺見


1.有些賣家將回帖設為僅作者可見,亦即是說除管理人員及樓主本人,其他會員根本看不到他人對該帖

的回覆.我發現回覆多是非議,批評,某些人自知理虧,如價錢過高/得來方法不正富/描述與事實有誤,被

人踢爆左又不敢面對等等而利用這功能掩飾,個人認為這會令買家蒙受損失,理應廢除.當然也有使用將

回帖設為僅作者可見這功能的賣家是好人,但就本人所見,少.

2.有些賣家賣物不盡不失,冇標明價錢,本人測試過,有些根本是海鮮價,視乎對象開價,建議要求賣家明碼

3.有些賣家賣物不清不楚,相片係上一手甚至係偷相當自己相,建議規定賣家係帖子放新相.

就算吾放都要以手機程式,e-mail ,msn sd相 ,斷不能一句"放XXX,有意Pm" 算

4.設定信用評分

星仔

整個信用評分,,,,