讀書為咩野

李子火鍋

有位人兄佢貼自己張F紙 出黎,見到好多人討論話長大後會後悔

後悔-.-?  一個人長大就係應該自己決定左既事,唔好後悔

好多人都會好普遍咁諗  唔讀書等於無出路

點解咁悲涼既....

對我黎講,讀書果班友得兩種人

第一種就係 真係求知識,為目的(例如做咩大醫生 大律師),同埋 言究 可能變成第二個愛因斯坦 發明左D 本生無害但因人有害而害到人既終極武器  果D咁樣之類啦~

第二種 都係極大部份既人   俗D講句,無腦阿.... 講緊既唔係智商,係智慧    一個人又唔係聰明,出黎打份工都係為搵錢,本身又唔識搵錢,味要讀書讀上去咁先將來有份輕鬆D  人工又唔差既 打工仔 ~ 唔洗做苦力阿MA~~雖然大家都係打工仔  人地隨時仲可能高人工過你

無第三種嫁啦,姐係 逃避社會果D 基本上我都唔當佢地係人


讀書係味真係咁絕對咁一切先?

我本人當年讀書唔係訓就係玩,歡樂時光  快樂無邊  
我讀三間學校
中三成績差俾人踢,中四中五去唔同既私校   唔好以為我犯事俾人踢,我地係成個中四一齊轉校

呢三間野 中文科老師都叫我出書   

但我中文會考0分 阿,唔係,我成張紙全部都F   作文好似兩粒星定唔知零星,因為我係唔會俾條題目限死我點去寫,我照寫我自己鍾意寫既野

但我唔知點解小組討論會有4粒星(其實4粒星係味有分-.-?)    當年如果唔係有個得意妹  我諗我都唔會出聲....開頭又係我,帶動又係我,結尾又係我
我主要都係帶動個得意妹~  其他果2件男丁...我同意  我附意 我好支持你既講法

我頂,大佬阿~你英文唔識就話JA~  中文黎嫁,咩野我同意 我附意JA  你有無靈魂嫁

完全變左我同個得意妹傾計,直頭都無當果4個老師存在,當然得意妹為左唔好俾果2丁友拖累大家既分會引佢地講野

係呢個時候我先諗起一樣野....點解會有成四個老師監考-.-?  咁多考生...咁多班房....咁呢間學校味好多老師=.=?!!!!!係味扮野搵校工搭夠 撐人數炸

我中國歷史全班第一   會考0分..因為我訓左教      當然有咁既表現係我知道自己唔會有足夠既分去讀到其他野

你對果科有興趣既話好難唔高分,我平時得閒都會去圖書館睇下D歷史書,姐係學校D教科書果D唔係內容  只不過係標題黎嫁炸
有個同學成日話溫中歷好難,我味話 : 拎黎睇過~   喂,呢D題目黎炸WO~  你當自己溫左?

係呢段中學時期,我無聽過書,只係識玩    咁開心既日子係得童年先有,只有對果D 認為我聰明讀得到書,好照顧我既老師  感到唔好意思

不如講個教仔俾大家聽....一個連上網都唔識既清潔工故事

有個男人,佢去見微軟清潔工,公司就問佢 識唔識上網,因為如果請佢既話會公佈係網上
下?! 唔係丫,做清潔都要識上網?
男人就話:對唔住 我唔識上網
公司就話啦 : 唔識上網仲想黎微軟見工,有無搞錯阿
咁故之言,個男人係見唔成呢份清潔工
佢摸下自己個袋 得十美元,係佢僅餘既十美元
佢走左去買一大袋 薯仔
然後好辛苦咁走去每家每戶拍門拜訪同埋出售佢既薯仔
經過一段時間,估唔到真係賣得晒,10美元變30美元
於是佢就靠呢種方式去賣野
慢慢開創事業,從幾百蚊美金到開一間 蔬果宅配公司,並建立好大既連鎖賣場
就係咁佢做左億萬富翁
有一日有個賣保險既走去搵佢買啦,就話 : 我地仲有好多產品係網上邊,你識唔識上網?
男人就話 : 唔好意思,我唔識上網
保險佬: 唔係丫,億萬富翁唔識上網??
男人就講左佢見微軟既事,之後講左一句
:「如果當年我識上網，我如今仲係一名清潔工。」


我自小就屋企比較窮(相對你地依家既屋企)但又比真正既窮人好
我幼稚園既時候,屋企係板間房  一屋住左七家人 我係果間野撞過鬼,不過呢D另外講
爸爸係公務員,月入過萬,我媽日頭派傳單,晚上又會拎D 褲頭帶返屋企穿 幫補家計,我都會幫手~  通常穿到11點幾先訓
到我小學,父母草到錢 買左D農村丁屋2層

因為多蚊,賣左,搬左去元朗唐樓
之後租出去,又搬左去租D農村屋住
我爸過身前幾個月,我地又搬返去元朗間屋自己住
我爸過身,屋企直達面臨仆街既邊緣,所有有少少錢同埋 好有錢既親戚都避我地  怕我地問佢地借錢
而我爸生前係佢地有難既時候幫過佢地....
其中一家最有錢既我諗爆佢名出黎都無人識,講件產品出黎可能就略有所聞       原吉XX仔茶
不過我無怨過果D 親戚咁樣睇我地....
同時因為我爸平時對人好好,所以去修到一條好去路   我屋企都多得好多人既幫助  雖然係要捱,但都順風順水
係果段日子,我食既早餐就係 X康 丟出黎既過期麵包 蛋糕  (我係度多謝果位阿姐幫左我地咁大忙)

果時日日早上都未訓醒,我媽就會迅雷不及掩耳塞落我口度

我好多時睇返, 喂,阿媽~ 過期嫁WO

阿媽 : 無事嫁,個日期印出黎炸MA  (不過呢樣係真,有D日期係最佳食用期限,過左期唔代表即時件野變質  期限通常都會早幾日)

我:  唔係WO~ 綠色嫁WO件野,奶油蛋糕 綠色WO~

果時我媽做份清潔工,4千幾定唔知5千幾一個月,好在仲有1,2間屋仔收租幫補下   供我訓私校  供我家姐讀大學
之後草到錢賣左D物業 我家姐讀得成書,做會計加職就2萬幾起步  不過佢都仲讀落去,進修法律  咁又係阿,做呢行唔識返幾條法律傍下身 點幫公司做野丫
我地搬左去美孚住....

我讀唔成書...走左去讀VTC  出黎做左2年野   兩年時間 如今20歲  我擁有一個市值58萬既車位(不過呢D通常地產吹嫁JA~到賣果時會平1,2萬)  其實大家想起我底好簡單,我係自貼區有POST~ 睇外表基本上就係一個MK仔黎之麻

唔係話讀書唔好,但更加唔會因為讀書唔成而唔好

讀死書  死讀書  讀書死

如果認為我有唔岩  你又比我利害既
        你
有資格評論我

栢Ling哥

係咪話緊我-.-????

李子火鍋

栢Ling哥 發表於 2011-7-13 09:18
係咪話緊我-.-????

唔係=.= 你13分鍾  我打左成半粒鍾     只不過好多人都認為 讀書唔掂就無出路
我唔係話讀書果D人唔岩丫,相反我都成日同D細既講  努力讀多D書  

栢Ling哥

回復 李子火鍋 的帖子

我而加想讀好d 但係d英可以話係小3-4程度<----吾好笑我
都吾知點入手好

李子火鍋

栢Ling哥 發表於 2011-7-13 09:26
回復 李子火鍋 的帖子

我而加想讀好d 但係d英可以話係小3-4程度

有咩好笑,我英文只係識A至Z   

我家姐當年係睇外國新聞 (係書店都有賣果D  咩 國家頻道定唔知咩新聞  有光碟有書 教你英文)  

唔好怕左佢,去了解佢自然就會好好多~  其實語言係人類天生保命技  無可能學唔識
好似我咁,好多字學校都無教到,但我睇書,睇睇下就會留意到原來呢D字眼係用係呢度 可以做成咁既效果同目的

好似講粗口咁,無人會同你解釋個粗口係點解,
喇,仔丫,呢個"撚"字阿,其實中國有幾個字係同撚同一意思嫁WO 分別有鳩 同 柒
有D人又會幫佢地取代表你個姑姑仔既大小
撚呢,係以前姐係  好拿手咁,撚手小菜 撚手小菜   姐係話呢個人煮果樣野食好叻,好拿手
粗口就係取其音  正解中文字呢就係  $#^#%@%%#$$%@#$@#

但你就係識得個粗口所代表既意思

你可以試下,睇多D報紙,之後自己用英文寫小說,寫下寫下,用下用下就會有記憶 同埋更加靈活咁運用到
同埋你多D同鬼佬講英文阿 ^O^ 唔好害羞~ 鬼佬係唔會好似香港人咁笑人地英文唔好~
不過唯一問題就係話...你會唔會搵錯左一個都唔係咁識講英文既鬼佬 =.="!!!!

栢Ling哥

李子火鍋 發表於 2011-7-13 09:41
有咩好笑,我英文只係識A至Z   

我家姐當年係睇外國新聞 (係書店都有賣果D  咩 國家頻道定唔知咩新聞  有 ...

英文對我黎講真係一件難事
英文粗口我就識-.-
果D碟 講得好快

wilson

回復 栢Ling哥 的帖子

我都係!!!我都唔知點樣入手好><

李子火鍋

栢Ling哥 發表於 2011-7-13 09:47
英文對我黎講真係一件難事
英文粗口我就識-.-
果D碟 講得好快

._."  YAHOO 字典幫到你
唔好驚阿 @0@  努力~~  

leung1308

為前途定錢途先？

前途咪讀書囉
錢途咪等奇蹟等運到囉

李子火鍋

leung1308 發表於 2011-7-13 10:10
為前途定錢途先？

前途咪讀書囉

你岩

只不過 讀書又會帶到咩前途,前途係味就要靠學歷?
又有幾多人係有前途過有錢途既人,又有幾多個有錢途既人係駕馭係有前途既人之上

你所講既前途就姐係我講既第一種讀書人

而大部份既人前前下就會係向住錢而前進 搞到人生停步不前  

sing昇1378

屋企直達面臨仆街既邊緣...請改改用詞...

李子火鍋

sing昇1378 發表於 2011-7-13 10:36
屋企直達面臨仆街既邊緣...請改改用詞...

好的,我會注意
但係無咩其他俗語可以比呢個更加能夠充分咁表達到當時既情況  就算包皮環境都唔得

sing昇1378

李子火鍋 發表於 2011-7-13 10:47
好的,我會注意
但係無咩其他俗語可以比呢個更加能夠充分咁表達到當時既情況  就算包皮環境都唔得
...

=.=...
絕望得吾得...

李子火鍋

sing昇1378 發表於 2011-7-13 10:49
=.=...
絕望得吾得...

完全唔掂

仆街原意係咀咒他人去死  仲要係仆街到死
咁事實上仆街...仆係地上..又唔一定要死既 仲有好大生存機率

同埋其實好多人識講呢句都又唔知其實係叫人去死咁既意思
換言之姐係   你會死,.但你又唔知自己幾時死~ 又可能死唔去都大病一場
哇~~ 幾咁有想像空間

而絕望就係 零
我絕對唔讚成有絕望呢種諗法
Never say never

李子火鍋

riched122 發表於 2011-7-13 11:21
正如你所講 唔讀書都可搵到條出路
但我又想問下你
有幾多個可以好似個男人咁?

各位又何嘗唔係 鼓吹 讀書係唯一出路

我可以誤導到 本來有大好前途既人無前途 ^^ 咁睇得起我阿?

你認為 死讀書既人會有咩出路, 死讀書WO   ^^   姐係好似之前電視中大碩士生

有邊個成功既人會係  讀死書 死讀書    你真係要好好理解下我講既意思

求學不是求分數    你係有才幹既....學歷只係入場卷  實力先係最重要

而你所講既就係我講既讀書第二種人

我頭先回覆都講過,我無反對人地讀書,相反我仲叫D細既讀多D書


我差D唔記得你TIM  好在你張大頭貼夠醒目    隻龜依家點?

devimaycry

人品最緊要, 腳踏實地, 無學歷, 只要夠勤力, 聰明, 唔走偏門, 賺多賺少都無問題
幸福唔一定要好有錢, 家人,伴侶,朋友 有錢都買唔到

李子火鍋

devimaycry 發表於 2011-7-13 11:37
人品最緊要, 腳踏實地, 無學歷, 只要夠勤力, 聰明, 唔走偏門, 賺多賺少都無問題
幸福唔一定要好有錢, 家人, ...

岩  簡單 直接  清脆  自然

sooni

當有人放錢係你面前叫你拎，你當然可以唔拎。拎左唔一定有用，可能佢比你既係英鎊，你係香港用唔到，但你永遠唔知你會唔會有一日去到英國洗英鎊。

反正讀書不只是求知識，還有人生德行學習等等問題。

反問樓主一句，如果樓主既父親不是不幸在你少時離世，你今天還會一樣嗎。是讀書以外的東西使閣下成長。

經一事，長一智。但不是每個人都會經歷很多，所以書本中前人的經歷便能成我們的踏腳石。

希望你明我up咩

devimaycry

李子火鍋 發表於 2011-7-13 11:39
岩  簡單 直接  清脆  自然

呢d睇似簡單, 又好似人人都知既普通理論, 但有幾多人做到呢
其實要做得到, 個人修養先最重要
如果我有小朋友, 我會德育排第一, 人係有吸引力, 只要你個人好, 好多野會被你吸引, "機遇" 看似等運到, 其實背後係有原因既... 慢慢長大就會明

李子火鍋

sooni 發表於 2011-7-13 11:40
當有人放錢係你面前叫你拎，你當然可以唔拎。拎左唔一定有用，可能佢比你既係英鎊，你係香港用唔到，但你永 ...

人生德行學習 你認為時下既學校 教得到嗎?  反而越學歷高既人越衰  相信你都唔反對
我講多最後一次,我無話過讀書唔好,只係想表演出 條條大路通羅馬   道道道道通大道
唔好以為讀書就OK   

答你條問題.....如果我爸爸當年無過身,我一樣係咁  呢一切既野唔係我成長起黎,我從小就已經識咁諗   我同我家姐一樣,無人做到榜樣俾我地學習   不過分別在於  佢讀書好叻   我讀書唔得
都岩,經歷 環境 會改變一個人,但係我地既心係唔會變

書本中前人的經歷便能成我們的踏腳石..........你講得實在太岩....咁...請問關 學歷 咩事?_?

讀書呢兩個字真係好玩....但基本上主要都針對 學歷  黎講

我突登整大   讀死書 死讀書  讀書死  ,但點解你地好似未完全吸收到我想講既意思 然後反思先再作出評擊