超人

乂阿偉乂

我從小已經有個好遠大既理想,我想成為超人...我覺得超人好偉大,佢知道消滅怪獸係一種殺生既行為,每次佢都比怪獸打到半死先會出超必秒殺,等自己良心好過D,超人奕都無糧出,係無私既...
所以自我有記憶以黎,我已經好想做超人,讀緊幼稚園果陣都有D同學仔會同我玩超人打怪獸,果時大家都仲係好純真,無機心,所以玩得好開心,上到小學之後小息果陣我建議玩超人打怪獸,已經無咩人理我,衰D既果某D同學仔仲笑我低B,排斥我, 上堂分組活動唔受我,仲話超人自己一組就得啦,洗咩搵人姐!? 所以我有個唔太開心既小學回憶,好啦上到中學 , 仲記得第一次提議玩超人打怪獸, 同學仔們應承陪我玩, 當時既感覺係好開心好感動, 因為無人笑我底能仔, 點知一玩,就3,4個同學一齊打我,我問 : 做咩咁多個打我一個呀!?玩野呀!? 點知佢地答我...宜家有3隻怪獸...你(超人)比我地打到咁上下就比你出十字死光啦 , 不過我地唔會爆炸, 除非你有炸彈 。我負傷番到屋企~好唔開心,話比媽咪聽同學仔恰我 , 點知媽媽了解完成件事之後 第一句竟然係問我幾歲?仲喊住口咁講話含辛茹苦咁養大我係想我第時做個醫生或者律師,但我竟然想做超人,佢好嬲咁趕左我落街...我自己一個係屋企樓下喊左好耐, 好不容易等到老豆放工番黎, 我喊住咁跑過去攬住佢喊,講哂成單野比佢聽,佢竟然笑笑口咁就算, 我講多兩講就話我好煩...果一刻,我無左親人,朋友...呢個世界...係灰色既...
經歷過一 D咁傷痛既事,我決定學壞,我染金毛扮勁,周圍撩街童,同佢地宣揚超人既偉大,同講出自己既理想,有時仲走去廟 街搵D南亞裔古惑仔講 , 因為我知道超人係無國界...點知佢地仲打我, 我唔夠抽,佢地仲話我咁弱雞點做超人?點樣維護世界和平? 呢一刻佢地激發左我既小信心...我知自己弱雞, 開始去DVD鋪租碟睇 , 我睇葉問學詠春,睇冬陰工學泰拳,睇古惑仔學爛仔交, 睇神鵰俠侶學黯然銷魂掌, 但響我一路努力緊既時候, 對我當時好重要既人,我女朋友 , 開始有怨言, 佢開始話我KAI話我膠 , 講一D好難聽既說話黎評擊我既夢想 , 果時我覺得,佢係認為我未夠努力, 想用老土既激將法黎激勵我...但估唔到既係最尾佢真係因為呢個原因飛左我,果一刻我傷心慾絕...放棄埋自己既理想...成為超人既呢一個理想一直閣置到今時今日...因為我怕...我怕我既理想會影響到身邊人對我白眼...工作上...我唔可以同人講我想做超人...咩野情況下...我都要收收埋埋... 我覺得好唔甘心...點解我要因為一D 歧視既眼光而放棄自己既理想?但無奈呢個世界就係咁 , 有理想既人又可以點? 即管笑我膠啦下!我係認真嫁!!!

殺破狼

你大可以穿上超人戰衣,叫你個fd拎住部錄影機出去親民~你會見到唔小人係咁笑住咁睇住你!

乂阿偉乂

殺破狼 發表於 2012-6-25 00:51
你大可以穿上超人戰衣,叫你個fd拎住部錄影機出去親民~你會見到唔小人係咁笑住咁睇住你! ...

認真D好無~_~"!

殺破狼

回復 乂阿偉乂 的帖子

我都好認真架!點解你既夢想係做超人又唔敢穿上戰衣?!

乂阿偉乂

殺破狼 發表於 2012-6-25 00:57
回復 乂阿偉乂 的帖子

我都好認真架!點解你既夢想係做超人又唔敢穿上戰衣?! ...

我怕既係比人歧視,所以我都無奈接受我既理想係唔會有達成既一日...只係發洩下,,,

大烽

咁又到我分享下啦啵`
我自細有一個重大理想...就係成為一位出色既小精靈訓練員....因為我自細就好鐘意睇寵物小精靈同數碼暴龍...我覺得D小精靈又可愛進化左又型英帥靚正 我睇見D訓練員又可以周圍同人挑機 又有免費午餐食 又可以同D小精靈玩@@" 生活無休無累 簡直係天堂@@
我讀緊小學果時囉住部GAMEBOY周圍同人挑機 睇下邊個隻小精靈勁啦 點知條友唔夠我玩 .....跟手將我部GAMEBOY扔爛左 我當時好無奈 又不鋸佢 米同佢打起上黎啦 點知佢東一拳 西一腳 就將我重重咁被擊敗 之後我番到屋企同我呀媽講啦 話部GAMEBOY比人整爛左 咁樣重大獲 當場比人打左十幾下 又話你點玩....可以整得爛咁西利.... 之後我心中一直不憤
直至小5果時 電視岩岩熱播爆船陀螺 我就玩左個又去同人挑機啦 點知我唔夠人抽 我輸得好唔低 我就見條友想坐果登果時 我特登拎走佢張登 佢就卜一聲 訓左係地下 我當時即偷笑同即閃.....         
之後升到中學時代...我一直都重追緊寵物小精靈同數碼暴龍啦 當然..因為我最熱愛佢地麻
之後識左幾個FD 佢地都幾傾得埋....之後有日...有條友話出黎啦比卡超...我靈機一觸....即刻跳左出黎 就大聲叫:比卡@@超..... 之後對手係一位大隻佬-口- 之後我個FD就話:去啦 .....
我真係衝埋過去 用手指吉左佢幾下 後來我被重重既一拳星過黎 當場被擊敗........
之後一直都......唉 傷心事 唔好提啦 去片啦!!!!!!!!!!!!

一夜白髮

做超人既下場....

乂阿偉乂

一夜白髮 發表於 2012-6-25 01:23
做超人既下場....

頂~地獄火黎既喂

乂阿偉乂

大烽 發表於 2012-6-25 01:15
咁又到我分享下啦啵`
我自細有一個重大理想...就係成為一位出色既小精靈訓練員....因為我自細就好鐘 ...

我比個爆旋陀螺既戰神蓋係比卡超~

大烽

回復 乂阿偉乂 的帖子

當然係地獄火教你去做超人啦

大烽

回復 乂阿偉乂 的帖子

咁型!?
可惜你D神獸蓋都唔夠我型 我貼左D
A_A A_A A_A 草泥馬做神獸蓋 問你怕未

乂阿偉乂

大烽 發表於 2012-6-25 01:28
回復 乂阿偉乂 的帖子

當然係地獄火教你去做超人啦

=_=就憑佢...

乂阿偉乂

大烽 發表於 2012-6-25 01:30
回復 乂阿偉乂 的帖子

咁型!?

我痴左成隻比卡超公仔響個戰神蓋到呀!!

乂阿偉乂

大烽 發表於 2012-6-25 01:30
回復 乂阿偉乂 的帖子

咁型!?

講起爆旋陀螺我有D心得想分享

EDWINWAN.

但你而家係黑社會...

大烽

回復 乂阿偉乂 的帖子

分享黎聽聽

乂阿偉乂

我高峄期, 安左8個重力環6粒鋼珠落隻青翼白虎到, 底部安左隻有紋既環,用AA膠痴住,用鉗仔將陀螺一D多既位剪走哂,要黎裝重力環, 底部仲磨利左,增加持久力, 側邊痴左綿花+強自己既防禦同減弱敵人既攻擊力, 所以我爆旋陀螺未輸過!!

乂阿偉乂

EDWINWAN. 發表於 2012-6-25 01:38
但你而家係黑社會...

但你而家係火雲邪神...

殺破狼

回復 乂阿偉乂 的帖子

咁你都可以試下係d cosplay穿呀

乂阿偉乂

殺破狼 發表於 2012-6-25 01:42
回復 乂阿偉乂 的帖子

咁你都可以試下係d cosplay穿呀

D人會當我傻嫁