新手想養陸龜!!!!

perorwong

本人其實一直都好想養, 而最近又因為跟家人達成了協定!
所以這幾天都不停地在找尋不同關於陸龜的post
希望可以更加了解, 但經過這幾天的找尋過程
我發現了幾個問題, 希望各位師兄師姐幫幫忙!

1. 請問陸龜的活動時間是幾時到幾時?? 我返工時間會唔會正好係佢最活躍既時候?
    我收工返到屋企佢會唔會已經休息?? 我每天大約7點左右出門口, 7點返到屋企!
    請問各位師兄姐平時幾點會餵食和打理呢?

2. 我本人就睇中左盾龜的, 但睇過唔少POST 發覺盾龜如果成長後會變得好大!
    請問有邊隻龜係成長後不會太大的呢?
    雖然我都知陸龜成年都好大,但會否有一些是比較細小的呢?

3. 好多人都說養陸龜會增加好多電費, 但其實大約係幾多左右呢??
    等我可以有個心理準備!!

4. 好多師兄姐都話買龜之前要先做好個SETTING, 但買龜後係咪即刻可以放入去呢??
    我見有人會幫龜龜滅蟲先, 請問這是需要的嗎??
    仲有冇其他係需要係買龜後做的呢??

5. 食物方面, 想請問各位係咪會買定然後放入雪櫃?
    到需要既時候先餵食呢??
    另外我見到有好多好多不同的食物, 到底每次只餵一樣還是幾樣一次食呢??
    有冇那些食物會令龜龜食得健康呢??

好似有好多問題,但我都係想了解清楚先去養!
我唔想養左幾日先發現養唔掂, 因為龜都係一條生命!
而且仲咁可愛!!!

leoyuchiu

回復 perorwong 的帖子

個人建議唔好轉凍果時買新龜，一來你新手，二來新買返黎佢唔適應環境又凍好危險

perorwong

回復 leoyuchiu 的帖子

其實呢個問題我都考慮過!
所以我諗住呢段時間就research, 到4, 5月左右先買龜!!

leoyuchiu

回復 perorwong 的帖子

盡責好主人！
陸龜問題要請其他師兄師姐答

ngj3

回復 perorwong 的帖子

我既想法大概都同樓主一樣；想先解決左啲疑問先去養~
當然最重要既都係，唔想將一條寶貴生命白白糟蹋左...

boom76

態度正確

manchan

perorwong

請問有冇師兄師姐可以解答到我呢個問題？

愛龜如命

回復 perorwong 的帖子

你太多問題，我識答就答幾多！
多數陸龜bb都係會訓多為主，夜晚活動時間唔會太多！
我同你返工時間差唔多，我8點幾返屋企隻盾b多數都訓緊教！
比較細隻既陸龜有星龜，紅腳，R，赫曼等等要睇返你接受到幾大隻！
我本人就無杜蟲，日後睇你自己有無雖要先決定加咩裝備！
我地只係想提供多圓化既食物比龜食，我多數一次一款易掌握龜龜的習慣！
同埋多數會放雪櫃因為唔洗日日去買，最多都係一至兩星期先去買一次菜！
希望幫到你，我都係新手如有錯請師兄指教！

petervhwong

perorwong 發表於 2012-11-19 21:27
本人其實一直都好想養, 而最近又因為跟家人達成了協定!
所以這幾天都不停地在找尋不同關於陸龜的post
希望 ...

Your item 1.
I have a large 盾龜 and been keeping outdoor all day long. He nornmally will wake up at 10:00 am, get himself warm up in the sun for 30 minutes or so before he go out to look for something to eat. During the day, he will baked in the sun and relexed after eating. At around 4:30pm, he will then go back to his resting place.
This was his timetable in the summer. During winter, he will get up at least an hour late and get back to rest sometime at early as 2:00 in the afternoon.

奇門

如果你可以忍到4月5月先買龜既我一定一個月裡面每日+你一個評分

perorwong

回復 愛龜如命 的帖子

咁你每朝起身就放定食物比佢？
咁你點幫佢排酸呀？

火柴

回復 perorwong 的帖子

1. 請問陸龜的活動時間是幾時到幾時?? 我返工時間會唔會正好係佢最活躍既時候?
    我收工返到屋企佢會唔會已經休息?? 我每天大約7點左右出門口, 7點返到屋企!
    請問各位師兄姐平時幾點會餵食和打理呢?
... ...呢D野個個人都唔同, 日晚餵, 跟住如果係幼龜盡量日日浸水、有助龜排酸
2. 我本人就睇中左盾龜的, 但睇過唔少POST 發覺盾龜如果成長後會變得好大!
    請問有邊隻龜係成長後不會太大的呢?
    雖然我都知陸龜成年都好大,但會否有一些是比較細小的呢?
未養就驚D龜會長得好大, 用水養的水龜成長後會冇陸龜咁大.
咩都係, 養得好就會慢慢大, 養唔好, 第二日升天冇得大!
不如你諗下點養得佢好先
3. 好多人都說養陸龜會增加好多電費, 但其實大約係幾多左右呢??
    等我可以有個心理準備!!
睇下你用咩野設備, 以燈最食電,
大約如果你1日24小時計埋哂用左1000W,即係1度電, 1度電當1蚊計(只作參考), 一個月幾十蚊左右
4. 好多師兄姐都話買龜之前要先做好個SETTING, 但買龜後係咪即刻可以放入去呢??
    我見有人會幫龜龜滅蟲先, 請問這是需要的嗎??
    仲有冇其他係需要係買龜後做的呢??
搞掂個養龜環境先啦, 個養龜環境未搞掂就諗咁多野?一步步黎, 間屋個地基未搞掂, 就諗幾時入伙
5. 食物方面, 想請問各位係咪會買定然後放入雪櫃?
    到需要既時候先餵食呢??
    另外我見到有好多好多不同的食物, 到底每次只餵一樣還是幾樣一次食呢??
    有冇那些食物會令龜龜食得健康呢??
上網你會搵到好多陸龜食物資料, 最緊要低葉酸,低蛋白,少糖....
你可以一次買定D放起雪櫃,咁咪唔使到用果時冇得餵, 但係因為雪櫃拎出黎會比較凍, 所以拎出黎要灘下佢, 或者沖水,跟住抺去D水...

火柴

希望幫到你解決問題啦

愛龜如命

回復 perorwong 的帖子

係呀，我放比佢食我就返工跟著晏d屋企人幫我收返個食物兜出黎！
夜晚返到去整醒佢幫佢浸水！

JohnnySum

愛龜如命 發表於 2012-11-20 19:03
回復 perorwong 的帖子

係呀，我放比佢食我就返工跟著晏d屋企人幫我收返個食物兜出黎！

Me too, 做法一樣，一日三餐，中午果餐交俾家人處理。

小豹

JohnnySum 發表於 2012-11-21 10:58
Me too, 做法一樣，一日三餐，中午果餐交俾家人處理。

養龟唔同養人，唔洗一日三食，佢地消化好慢，俾咁多佢地食，跟本來唔及消化，更何况依家開始凍，温度唔够，小心腸胃炎，其實BB龟一日一餐，7成飽就够，再大D2-3日一餐！！！

JohnnySum

小豹 發表於 2012-11-21 11:10
養龟唔同養人，唔洗一日三食，佢地消化好慢，俾咁多佢地食，跟本來唔及消化，更何况依家開始凍，温度唔够 ...

我將一粒zoomed龜糧及一片芥蘭葉分成三餐餵，想佢活動多d，其實我驚餵得少得制，會唔會呢？

小豹

JohnnySum 發表於 2012-11-21 11:21
我將一粒zoomed龜糧及一片芥蘭葉分成三餐餵，想佢活動多d，其實我驚餵得少得制，會唔會呢？ ...

太飽係唔會增加活動架，想佢活躍D，就唔好俾太飽，同最好下午三點後唔好再食野

JohnnySum

小豹 發表於 2012-11-21 11:25
太飽係唔會增加活動架，想佢活躍D，就唔好俾太飽，同最好下午三點後唔好再食野 ...

想請問我俾既份量會唔會太少？