急問！醫療失誤，非常擔心！

pkgod

早兩星期帶龜龜係獸醫診所做完手術後，每隔三日都要帶佢返去打針，
剛剛照樣帶佢去打，護士叫：到龜龜打針，咁我入到去，醫生問我佢好
唔好胃口，我話胃口好好，之後就同佢打左兩支針，我返出去比錢，
護士同我講，黃生，多謝$xxx
Shit ! 出事！我唔係姓黃！
我望下坐係到真正黃生隻龜，over 2 kg ，我隻龜b才200g
叫護士同醫生查清楚，真係打錯！
佢地搞左一陣再叫我入去，醫生講英文，護士同返我講中文
話打多左小小，比隻粉我沖水，話應該問題不大
我出返去，護士教我用時我再追問護士，最壞情況會點？
佢話最壞會損壞腎臟，叫我留意住，另外如果可以，最好日日都黎比醫生望下


我而家好擔心，唔知點好

R之迷

pkgod 發表於 2011-7-28 20:14
早兩星期帶龜龜係獸醫診所做完手術後，每隔三日都要帶佢返去打針，
剛剛照樣帶佢去打，護士叫：到龜龜打針 ...

陰公-_-
睇黎都係一個相當大既醫療失誤...
2kg 同200g 遠好遠...

ah林-3-

pkgod 發表於 2011-7-28 20:14
早兩星期帶龜龜係獸醫診所做完手術後，每隔三日都要帶佢返去打針，
剛剛照樣帶佢去打，護士叫：到龜龜打針 ...

真係好陰公
希望你隻龜龜無事吧;`!

harrypoi

嘩@@
咁大件事...邊間黎嫁...

LOVE_TABO

咁大劑?真係要觀察隻龜

烏龜的

你隻咩龜@@?係邊到打針ar?@@
真係唔好去先得...

cow1308

係咪大圍個間

boap

開名啦咁大件事，仲要去獸醫管理局投訴佢，入面有仲裁法庭，專審醫療失誤，佢可能會被釘牌

http://www.vsbhk.org.hk/

boap

就咁睇，會唔會係助護與醫生溝通出錯

pkgod

如果比我知道佢想隱瞞或者無盡力保救，我一定開名+追究到底
不過呢d遲d先算，我而家主要想救返龜龜先，
我而家可以做既係，比多d暖水佢浸？仲有咩可以做呢？
非常多謝各師兄關心

COOLBIRD

希望c兄 隻小龜 平安啦  ~

boap

pkgod 發表於 2011-7-29 00:41
如果比我知道佢想隱瞞或者無盡力保救，我一定開名+追究到底
不過呢d遲d先算，我而家主要想救返龜龜先，
我 ...

首先，無人知佢打咗咩落去，我哋亦唔係醫生，無從判斷，喺度問亦都無人識答，點解唔搵多個醫生問呢? 如果另一位醫生覺得事態嚴重，口供分分鐘可以成為控告失職醫生嘅罪證，又救到你隻嘢，一舉多得

boap

你仲有必要向涉嫌失誤的醫生索取詳細的醫療紀錄，包括用藥資料，方便另一醫生跟進，拒絕交出報告同樣可以構成專業操守失當

boap

真係好嚴重，佢無繼續收你錢呀?

pkgod

我開左兩個貼，一來想聽多d師兄既意思
二來呢間診所都有醫陸龜，我真係唔希望有其他人中招

補充資料，我隻龜b係巴西龜，之前係因中耳炎而做手術
唉，其實我之前都爭鬥左好耐，應唔應該帶佢去睇獸醫，
$25就買到一隻，比二千銀去睇醫生？夠我買多一百隻！
最後都係帶左佢去睇醫生，救龜一命勝造七級浮屠。
只係估唔到佢咁命苦，做完手術仲要再受此一役。

pkgod

包粉無收錢，打針錢照收

pkgod

我而家醒起... 一入到診室,佢叫護士問我,好似輕左,隻龜好唔好胃口,我答佢胃口幾好,無問題

咁即係..佢睇到個report上寫上次龜龜幾重..今次幾重...咁如果個report
寫左 2.1kg 變左 2.0kg ... 佢重打落我隻 200mg 既龜b到...

pkgod

尋晚同今朝佢都唔係好食野..咬兩淡就唔食..不過都仲算4肢有力..
我一陣試下打去診所叫佢email個醫療紀錄比我,就算我搵第二醫療意見,都要知打左咩針,幾多份量吧... 睇下佢比唔比我先..

pkgod

剛剛打左去問，個護士話醫療報告唔可以比主人，只可以sent比其他獸醫，我再同佢講，你幫我問下醫生，我真係想要醫療報告，而且係你地打錯針在先。如果真係唔比，我就打去獸醫管理局投訴！

而家等緊佢覆

pkgod

剛剛診所打返比我話可以email 比我，不過佢老細睇返cctv話無打錯針!我睇返email，只係打左兩隻藥名同份量，而唔係醫療報告，而最重要係佢而家唔認！咁即係將來佢都會當無事咁醫！我已經對佢地無曬信心。我決定帶龜b去睇第二個醫生+開佢名同去獸醫管理局投訴佢。

荃灣城x獸醫 打針既係外籍男醫生，身份略胖

如果當時坐我旁既黃生睇到呢篇文，請pm我，謝