尋晚同幾個朋友去食pizza 點知食到比人趕出餐廳..

龜心似箭

尋晚同朋友A慶祝生日 朋友A另外帶左佢既4個朋友B C D E黎 連同我6個人去左食pizza

諗食咩既時候 朋友E(佢叫阿明)已經對我有d不滿 佢向全部人問準備食d咩時無人出聲
佢就專登埋黎問我 我話自己無所謂跟大隊就得 佢就用d唔滿意既語氣話左我兩句
大致上係話我扮野 問我想搏d乜 我一時反應唔到佢既問題
佢就話我咁無主見 等等佢選左叫我唔好呀之呀佐 我話自己唔會

一路上傾計 傾到電影頒獎 咁大家又講下自己睇過今年邊套電影 但阿明不停話我..
我大部份電影都入戲院睇 佢話我岸9 又話我唔download想扮有錢仔
(事後聽朋友A講 朋友E原來做酒樓待應既 我同朋友A都只係低級文職)
咁我就話係尊重版權同想睇質素好d 佢又話問我係唔係屋企裝AV裝到無哂位down
多次無故比佢話之後 呢個時候我已經刻意避開 唔同佢講太多野
但每次同其餘既人講野 佢都插入黎話我
大部份時間都係話我扮哂野 叫我唔吹水(佢情緒仲要激動同大聲 街上d人以為有人鬧交)
我愈細聲講野愈避開同佢講野 佢就愈激動(我開始佩服朋友ABCD點解EQ咁高 可以應付到呢種朋友)

最後一班人行到附近一間食pizza既店鋪到 阿明話食pizza 咁ABCD同我都無反對 阿明就叫我去攞位
點都要有一個人去攞位 我去攞位都無問題 攞左位阿明問我要等幾耐 我話6人桌仲有3張枱到我地
點知阿明發火好大聲咁話佢係問我要等幾耐 唔係幾張枱 (呢個時候周圍d人都望哂過黎 我都以為自己serve緊老闆咁)
我話我都唔知呢3張枱幾耐先食完 如果想知不如直接搵派位既知客問下大約要等幾耐
阿明聽到之後話我正廢物 攞位都攞得衰過人 我已經感覺到佢明顯針對我 我有少少唔開心無再應佢

入席時 如果同佢坐得近我都知道可能會有更多麻煩 所以我等佢坐低左我先坐佢既對角
但佢可能發覺左 佢話佢個位冷氣凍然後要求朋友B掉位 佢專登坐我隔離
過程唔講太詳細 如果唔係有排講...
我用手食pizza 佢就話我粗魯 連刀叉都唔識用 (然後我見到佢自己用刀叉切得好辛苦 最後唔用刀 轉用叉叉起成舊黎食)
待應上菜時撞到佢隻手 佢爆粗同怒脾待應 待應say sorry走左後 佢又望住我 問我見到佢比人撞係咪好開心 想落井下石
我話我無 我正話靜靜地食野無留意到 跟住佢又好大聲咁鬧左我幾句 話我扮野 黑心咁
(呢個時候餐廳d人又望哂黎 如果有巴打係果度做既話應該知道)
d野食黎齊哂後 朋友A問呢餐係咪我地請 朋友BCD同我都話無問題 但阿明話自己無錢(唔係無帶銀包)
聽到佢咁講 朋友ABCD即時語塞 過左一陣阿明又開始話自己無錢 係咪唔得先之類
(後來知道原來朋友A根本無約到阿明出黎 阿明只係痴朋友B出黎慶祝)
點知食到一半 阿明同朋友C都嘈起上黎 差不多大打出手(回想之前 如果我態度差d 比人打既可能係我)
搞到差唔多要報警 最後比餐廳經理趕左出黎 咁大個仔出門銷費從來未試過比餐廳趕出門口..

Heelys

師兄你eq都好高，比著我已經一早鬧左交

山貓

師兄, 我淨係睇左你頭兩段,大致上知道係有人針對你.
其實最聰明既方法,係唔好太在意別人既說話, 因為只要你一動氣,就已經中左計.
入戲院睇戲都可以扮有錢嗎?
去大家樂食個豐富少少既晚餐都要五十幾蚊.
一張戲飛六十幾數, 仲有信用卡優惠,學生優惠.
對你朋友來說, 睇戲係一個負擔嗎?

602151

回復 龜心似箭 的帖子

Ching, 好彩你脾氣好咋, 如果唔係, 佢會同你打起上嚟

Puiki

師兄你eq高，我自問去唔到你個境界

龜心似箭

講多小小
大家都知食pizza時可以拿芝士粉(條?) 咁朋友C佢切左一舊千層麵上自己碟 就開始倒芝士粉
可能佢比較鐘意芝士味 所以佢倒左好多芝士粉 完成左之後 阿明突然話 "喂 整d黎呀"
跟住阿明用自己食過隻spoon 去筆朋友C 碟上既芝士粉(唔知點解佢唔拿支野自己倒 要筆人地果d)
結果朋友C咪同佢口角繼而動武

Puiki

師兄當識少個吧，呢啲人唔洗再聯絡

龜心似箭

山貓 發表於 2013-4-18 12:54
師兄, 我淨係睇左你頭兩段,大致上知道係有人針對你.
其實最聰明既方法,係唔好太在意別人既說話, 因為只要你 ...

佢話佢幾年未去戲院睇過戲,
咁貴ON九至去睇,
我心諗,正一死窮鬼

shirley

龜心似箭 發表於 2013-4-18 14:08
佢話佢幾年未去戲院睇過戲,
咁貴ON九至去睇,
我心諗,正一死窮鬼

每個人的對金錢的价值觀都是不同。你唔洗唔開心, 正所謂 "道不同，不相為謀" !

wohglam

你遇上一個契弟..........

花心大少

c兄我好佩服你,如果係我既話只會比面壽星仔餐飯唔會食落去,自己去第二度食過,因為再食落去只有一個情況出現.就係"打交"

lsyxd

佢應該係身痕 想打交

songshu

發窮惡?

我愛爬蟲類

如果我係你，佢早就俾我打到豬頭咁

CHRIS

師兄，不須努氣，大肚能容天下事，阿明無氣量，憎人富貴厭人貧，侍應幾多人工 ，不見為妙。

龜友

我成日人最憎人用食過GE餐具一野隊埋黎
比我真係雕漆佢

wel524

回復 龜心似箭 的帖子

哇....原來係咁 除非好熟, 唔係真係無咩人忍到佢

wel524

如果係我索性扮有急事走先eg.屋企人無帶鎖匙無門入 對住D咁既人點食得落飯
最多之后打番電話俾壽星仔A同佢講第日補請佢一個, 係佢一個, 單對單食飯~
走得大體, 又顧存面子~~

泥頭佬

我竟然睇曬成篇..我係你一早走左，同埋佢既精神應該有問題

lishuikuen

我EQ勁低..比著我仲唔拿拿淋反佢檯..錢佢又唔駛比..又咁Q多意見..仲要同你三九唔識七...面就人地比既,架就自己扔...
前幾日我公司都有個叫阿明既後生仔過黎試工....
教佢點做點做..佢就牙芝牙左又話我覺得咁樣咁樣比較好,咁樣咁樣比較快..唔係唔比你比意見,只係,你過黎試工..連最最基本既要求都做唔到,就唔好係到豬多意見扮哂博士咁...(大長大激氣唔講喇..)
反正就係..遇到呢D人..就當佢有被迫害X想症...心裡同情佢就算..之後聽到佢把聲就自動消音..咁樣應該會好D 0.0