求救濾桶有蟲問題!!

y2kyeung

剛才清洗濾桶打開冲洗時發覺有d紅色蟲仔係入水口流出,應該點做好,果桶2-3星期洗一次都係洗洗白棉其他就冲冲就算 缸就1星期換一次水 養3隻巴西2成体1亞成

twbb

棉全部換過，桶用滾水消毒吧

rongruo

y2kyeung 發表於 2013-5-29 01:24
剛才清洗濾桶打開冲洗時發覺有d紅色蟲仔係入水口流出,應該點做好,果桶2-3星期洗一次都係洗洗白棉其他就冲冲 ...

我都有試過甘既情況呀，不過而家沒了，似樓上的CHING甘講解，可以試試

wel524

如果唔想洗, 可以直接响龜友買賣區 低價賣/ 免費送 睇下有無人要, 不過要註明 無洗有蟲

講笑咋 其實好似上面位C兄咁做就OK, 一係洗乾淨抺乾水, 放番個零兩個月再用,
不過其實好少會生蟲, 可能係水草 / 會唔會直接响缸餵野食, 無分開~另一個箱餵? 真係好耐無換水?
要分析下原因, 唔係有機會又再生蟲蟲~
我用咁耐都未試過生蟲, 最多試過好多小強

808204

回復 y2kyeung 的帖子

如果你有養魚，你就會知道，其實主要原因系因為你將肉類或高蛋白質抽了進濾水器。

有時候會有線蟲，有時候會有紅蟲，

其實以我養魚的經驗，我覺得應該搞一個水草缸一樣的生態缸黎養水龜，就咩問題

都無，當然吾建議你學魚街個D咩C02，咩水晶缸，簡簡單單有底沙，有D植物水草，

吾使買架，有時間去行下山，帶幾條返屋企種就得， 最好有埋食腐肉的蝦蟹仔，有

食蚊魚，過濾器我建議你用大功率少少，成個生態系統一完成，你養咩都OK

y2kyeung

回復 wel524 的帖子

小強

平時都係直接响缸餵糧,間唔中餵下生果
水都係1星期換1次

y2kyeung

回復 808204 的帖子

咁可能同d糧有關而家食緊e款一咬勁多啐

808204

回復 y2kyeung 的帖子


吸水口放翻高少少, 吾好系底.
響吸水口加個面綿套。魚街賣5蚊個。

wel524

回復 y2kyeung 的帖子

所以餵食最好分開另一個箱, 餵食D水會好污糟, D龜鐘意食野前后排便排尿, 又有食物殘渣, D水放得耐都會有臭味, 何況不斷响濾桶循環, 所以試過 養過好多好多小強, 係個桶外部既底部,側面等等, 桶隔離個鞋盒先經典, 成個鞋盒都係大大小小既小強, 簡直係成個家族,

想像一下拿起個鞋盒打算拎野果時, 一打開........哇...都好平靜,只係有幾隻小小強走出黎, 咁本身每次洗濾桶果時都會有N隻小小強走出黎, 咁我覺得好似好平常O者,因為裏面有個山洞 之后再想像下個山洞裏面住滿D咩?!(果日我打開個箱, 就係打算拎個山洞)...

哇........................一郁個山洞, 簡直係驚嚇 以打計既小強四處逃竄, E個情景令我諗起盜墓迷城某一幕.........見到咁既情景你估下我會做咩?

所以C兄考慮下分開餵, 果時我都係簡唔中偷懶用缸餵, 再加上我偷懶少換水, 就變左咁既樣, 都好耐以前既事, 自從完全轉左分開餵之后, 只係簡唔中响缸餵少少同佢地玩下, 大致都無發現小蟲蟲小強強