如沒有用濾水裝置，冬天用暖管時，如何令暖水走勻整個缸

coco123

我用緊以下膠缸( 22寸*12寸*10寸) 養緊隻巴西龜仔
http://www.hkturtle.org/forum.php?mod=viewthread&tid=78056


水位大約5厘米，因為我日日換水，所以沒有用濾水裝置，現在開始物色暖管，心水想買Exo Terra 水龜專用防爆暖管50w 貪佢防爆，防龜龜咬管身&電線，又是外國大牌子(我呢啲新手，唯有信大牌子 =_=)  比龜仔過冬用，但我有個疑問，因為我個缸零水流，那麼如何令暖水走勻整個缸呢？請各師兄師姐賜教，謝謝！

siumaiguy

熱水向上升，冷水向下流
始終水都會走勻整個缸
用枝可以對打橫放的暖管放底，或者盡量放枝暖管落底

日日換水始終水質麻麻
新水不及舊水，你整番隻廢濾都好
而且日日換都幾煩

coco123

siumaiguy 發表於 2013-7-19 09:41
熱水向上升，冷水向下流
始終水都會走勻整個缸
用枝可以對打橫放的暖管放底，或者盡量放枝暖管落底

謝謝師兄/師姐回覆！
請問有無啲岩5厘米水位的小型過濾推介下呢？

siumaiguy

coco123 發表於 2013-7-19 10:04
謝謝師兄/師姐回覆！
請問有無啲岩5厘米水位的小型過濾推介下呢？

巴西好熟水性，你唔怕佢浸親
放高水位多好多空間被龜游水，用多D你個缸的空間
5cm真係好低，放暖管都有難度
好少設備係俾低水位用，要係缸多搞設備都係整高水位好

低水位呢個幾好
http://www.hkturtle.org/forum.ph ... E%E6%B0%B4%E4%BD%8D

高水位用呢隻，夠平但有用
http://www.amazon.com/Tetra-Whis ... ywords=tetra+filter

coco123

謝謝！我都知5厘米好低水位，但我個隻係龜b,  底甲5厘米都唔知有無，始終有啲怕佢浸親。
既然要用高啲水位去就缸內設備，咁唯有用格仔板整個濺水區比佢啦！
我都對果隻Suisaku龜缸低水位專用過濾器有興趣，外型都幾好，搵日一次過買暖管同呢個低水位濾水先，但要等出糧了！哈！再次謝謝師兄/師姐！

twbb

分享一下我既濾水設備,睇下幫唔幫到你,我既水位只有3.5cm,想要水溫均衡就一定要有水流,如果唔係近暖管邊會高兩度,另外我見Suisaku呢隻過濾抽水力只有180L/H,我覺得會唔夠力
另外暖管我覺得唔駛咁貴,市面上一般$5~60到(網上商店$30我都見過),基本上都係防爆玻璃(其實coco咁細根本唔會整爛,到佢大隻既時候都夠期換一支新既),再唔放心可以加配防撞套,都係十零蚊既事
有過濾隔既潛濾(1750L/H),打橫5cm水位可用,功效類似suisaku,可再駁濾桶




暖管只要水位遮蓋管身就可以



可以用潛濾再駁外置濾桶,我加炭所以駁兩個



或者直接用一個濾桶,我再駁雨林管令水流平均

twbb

或者可以睇下我之前個缸嘅佈置（16吋），主要係分上下層，下層放潛濾同暖管等器材，上層水位隨你喜歡：http://www.hkturtle.org/forum.php?mod=viewthread&tid=76124

coco123

twbb 發表於 2013-7-19 14:08
分享一下我既濾水設備,睇下幫唔幫到你,我既水位只有3.5cm,想要水溫均衡就一定要有水流,如果唔係近暖管邊會 ...

嘩！師兄，你有好多設備啊！又潛濾又濾桶，啲水一定好好品質，龜龜真幸福呢！但我略嫌太多喉了，唔係咁好睇 =_= 我只係養coco一隻龜龜，飼養密度低，諗住要個輕ken啲既濾水器就算了！
除左suisaku個低水位濾水，其實我仲見到有個叫Hopar H-300的，外型有啲似師兄果個。
至於暖管，有隻又係叫Hopar的防爆暖管，呢隻無咁貴啊！唔知好唔好用呢？

twbb

coco123 發表於 2013-7-19 16:10
嘩！師兄，你有好多設備啊！又潛濾又濾桶，啲水一定好好品質，龜龜真幸福呢！但我略嫌太多喉了，唔係咁好 ...

外觀上其實我唔太重要，首睇抽水力強弱，其實有濾格嘅潛濾隔渣嘛嘛，我都係比較喜歡濾桶多d，你可以選擇一d小型嘅，另外冬天要小心d，換水時唔好將coco暴露係寒冷嘅空氣中

coco123

twbb 發表於 2013-7-19 19:14
外觀上其實我唔太重要，首睇抽水力強弱，其實有濾格嘅潛濾隔渣嘛嘛，我都係比較喜歡濾桶多d，你可以選擇 ...

我知道了！謝謝師兄提醒。
冬天換水時，我諗住將coco放在一個無水的缸內，然後用射燈射住佢，當我逼佢曬太陽啦！:-D