突然諗起之前遇到既怪事！！

Devil

　　暑假黎啦，今日係屋企好無聊咁睇片，岩岩就沖左個涼，諗起以前兩件怪事，想同大家分享下
第一件事，遇到同自己一模一樣既人（唔係孖生兄弟姊妹）

　　第一次，小學六年級果陣我成日同朋友去某條村同打兵兵波，就係果到遇到一個同我有九成半似既人，
我同我朋友都嚇親，對方既朋友仲以為我係佢細佬，果排我學校都有幾個同學認錯左果個人係我黎，之後番到
學校同我講。

　　第二次，中三果年同一班朋友去ｂｂｑ，有幾個女仔無啦啦係咁笑，我以為佢地笑我，我就去問佢點解笑
原來係佢地岩岩見到一個人同我地同行一齊去ｂｂｑ既其中一個ｆｄ個樣好似，然後我再望下，真係有十成似
我話比個ｆｄ知，個ｆｄ話我Ｏｎ８＋１，之後佢去望下，佢自己都嚇親，佢再行埋去，真係好似係塊鏡反射出黎咁

　　第三次，有次搭西鐵見到一個小朋友同我表分個樣一樣連髮型高度都差唔多，我就覺得奇怪，表弟明明係我屋企
訓緊覺，邊有可能會係呢度，仲比一個我唔識既人拖住左佢隻手，我上前去了解一下，點知佢唔係我表弟，但同我表弟個樣
一樣，拖住佢隻手果個係佢啊爺，佢啊爺都唔信，我就拎手機出黎比啊爺睇我表弟張相，再對比下，真係一樣

第二件事，成年發夢發埋同一個夢
　　小弟有年中四成日唔番學，每個星期番一日，仲搞到留埋級，原因有兩個除左係唔想讀書之外，就係中四果年唔知幾時
開始就發同一個夢，夢既內容既係咁，就係有幾個人好似係好熟既，唔記得個樣，過程就係我每次一發現左佢地既秘密佢地就會一個一個咁走，每次走一個人都會閃過一ｄ畫面，最記個畫面係一對公仔染哂血之類既汁液，但唔覺恐怖，Feel到佢地既走係迫不得而，但每次到最後一人果陣，我都會醒左，一發完呢個夢果日就無咩充勁，咩都唔想做，會好呆，但而家已經無再發果個夢。

pennymiko

真定假呀

11132

文太長，唔太想睇（在我小學時都有過有類似的事

龜友

人有相似，物有類同

快快長大吧

以短篇小說黎講寫得都算可以既

lsyxd

一開始仲以為係鬼故

tyson

如果係真嘅！肯定係你老竇，包二奶嘅私生子！果個應該係你細佬！快啲問吓你老竇！

Devil

pennymiko 發表於 2013-7-16 17:10
真定假呀

真              

Devil

龜友 發表於 2013-7-16 17:24
人有相似，物有類同

係,不過唔知算唔算好彩,遇上三次

Devil

快快長大吧 發表於 2013-7-16 17:49
以短篇小說黎講寫得都算可以既

唔係小說

Devil

lsyxd 發表於 2013-7-16 17:53
一開始仲以為係鬼故

唔係鬼故,不過都好怪

我愛爬蟲類

你撞鬼了

Devil

tyson 發表於 2013-7-16 17:55
如果係真嘅！肯定係你老竇，包二奶嘅私生子！果個應該係你細佬！快啲問吓你老竇！ ...

我老豆邊有能力包二奶，何況果個人大過我

tyson

我就唔信你講喇！如果係我，肯定第一時間用手機影低佢啦！

tyson

下次再見到，影低佢，咪有證據囉！

Devil

tyson 發表於 2013-7-16 18:26
我就唔信你講喇！如果係我，肯定第一時間用手機影低佢啦！

我小六果陣無手機，果陣仲未出touch，我都係帶十蚊出街買野飲

Devil

我愛爬蟲類 發表於 2013-7-16 18:13
你撞鬼了

咁又唔會

Devil

tyson 發表於 2013-7-16 18:28
下次再見到，影低佢，咪有證據囉！

成六年前既事，再見到機會都好微

長毛

咁邪？做場法事穩陣喎！

samyung0117

作古仔？