大家要小心不負責任的買家

gelato

大家要小心HO1998呢個人，佢唔係一個負責任的買家。2月尾果陣，佢想同我買兩隻豹B，叫我HOLD一星期，直至3月1號星期六，我同佢HOLD啦! 點知到星期五我同佢CONFIRM交收時間地點果陣，佢就突然話第日要補習，話要再HOLD多個星期先得，咁我見同佢交易過信得過佢所以幫佢繼續HOLD，點知我星期一再問佢係咪時間地點照舊果陣佢完全唔覆機，直至我話會上網同人講佢放飛機先應我，仲話未必會買晒兩隻，其中一隻係個FRD要買，個FRD又話唔要，咁佢話問清楚再覆我，到左星期四佢就話佢個FRD真係唔要，淨係買一隻。大佬你當初叫我HOLD兩隻，而家HOLD左個幾星期又突然淨係要一隻。到左星期五我再CONFIRM佢時間地點果陣，佢又玩失蹤，最後應我話兩隻都唔要....呢條友真係好不負責任，HOLD左成兩個星期，突然間又話唔要，對我好唔公平，期間有師兄想買都買唔到。

大家要小心呢個人，唔係一個負責任的買家。

Sa1046

應該係小學生

Joker7

同佢交易過 ?

ron

同我同一遭遇，我隻豹都係留咗差唔多兩個星期。都係呢個人，住東涌，樓上ching估岩咗，係小學生，我同佢what app過。考慮緊要唔要公開電話同what app記錄。

ron

本嚟話星期六交收，最後what app無回，電話無聽，見佢有上what app。大家唔好信呢條友。

超級瑪利奧

係唔係其他賣家開新帳號玩野 呢度好黑暗嫁

jefferyooooo

呢個人， 第一次已經試過叫我hold, (一年前),  前個排佢又叫我hold, (佢應該唔記得左玩過我),  之後我答佢， 你之前已經玩過我喇波， 但仲sd whatsapp 過黎叫我hold,  我真係o 曬嘴

ron

到底呢條友咩心態？依家D小學生好多係玩電腦，一係就玩手機。打下機咪算咯，點解要玩龜友？我what app有佢兩段錄音，我懷疑係唔係佢本人，把聲真係好細個。

亮亮

唔怪得ron兄隻東豹仲未賣

gelato

我同佢交易過架!!上次都好成功，的確係小朋友，好似話讀中一

ron

我無同佢交易過，本嚟約咗星期六交收，搵佢唔到啫。

ron

你同佢交易過，證明人哋真係會買啦。你係唔係對佢做咗D咩，搞到人哋變成咁

gelato

ron 發表於 2014-3-17 10:55
你同佢交易過，證明人哋真係會買啦。你係唔係對佢做咗D咩，搞到人哋變成咁 ...

咩都冇做過...

CHEUNGKWAIKONG

佢一早已經出晒名！佢交易區原名叫雷司浩！成日都叫人hold最後又唔要！我好耐之前已經比佢挽過!仲要hold左成個月比佢，最後都係唔要！又要狂壓價，又要就佢去東涌！成日都話要補習!唉…

CHEUNGKWAIKONG

佢係一個小六生....

charlie-wong

我中左兩獲，第一次佢同我買隻日石雜，佢講完價我平比佢，仲就埋佢東涌交收，到交收時話考慮下，我算……
第二獲佢話想用隻豹加錢換緣，原本隻緣我賣比另一位師兄，點知果位師兄到交收先尼block 左whats app, 唔聽電話，咁我將隻緣同佢換，又就埋佢東涌交收，點知又玩唔聽電話，唔應whats app, 真係黑西……

ron

睇嚟要搵人起佢底，睇下佢讀邊間學校，叫佢老師教下佢點做個誠實的小學雞

turtle_2014

睇黎佢已經出左名....

hang88

啲小朋友責任感都未有，就唔好学人養龜啦……生命来的

周仔

映哀曬我地滴學生。。。。