聞吃鱷龜 寵物主不安

mm8100

http://hk.apple.nextmedia.com/template/apple/art_main.php?iss_id=20110821&sec_id=4104&subsec_id=12731&art_id=15542824
「寵物嚟㗎！煮嚟食，於心何忍」。寵物店負責人阿文對有食肆賣鱷魚龜供食用感到相當不安。阿文在店內養了一隻 33歲、身長 3呎多、張開口可放入整個拳頭的巨型鱷魚龜，視之為鎮店之寶。
他說，與巨龜的緣份始於 16年前，由朋友手中收養牠時只得兩隻手掌般大，在其悉心照顧下，大龜已變體重逾百磅的巨龜，他笑言預計十年後，大龜頭部「可能會成個籃球咁大」，阿文說：「家抱起佢要兩個人，唔同以前，可以攞住佢喺手玩，隻衰仔隔日就要食兩條魚，唔新鮮佢唔鍾意㗎！呢隻我點都唔賣！」
阿文說，喜歡鱷魚龜外貌夠原始，明知鱷魚龜兇猛，他售賣鱷魚龜時亦有自己的堅持：「要符合我三個條件，第一，佢一定要好鍾意隻龜；第二，要有足夠空間；第三，一定要做好防禦，落網落鎖。如果拎去放生我都唔賣，因為唔知佢哋會放去邊，何況煮嚟食！」
《蘋果》記者
注.大家去萍果睇下.有DV睇.

mm8100

香港又唔係無野好食..點解要食D咁既野呢?

Bonbon

Crazy！早兩日仲幫襯過佢食飯，以後唔會再幫襯呢間嘢！

STAR_115

唔止鱷龜,之前有間酒樓賣黃頭,$100一鍋湯,隻隻黃頭係魚缸度等死,好慘....

古蘭修

番大陸玩我就見得多...估唔到而家香港人退化喇.......腦殘...食鱷龜醫風濕都信......

=食牛鞭會壯陽咁...咁勁係咪要食人鞭呢? 人唔勁過牛@@?

烏拉龜

我親眼見過呢隻巨龜...

LOVE_TABO

回復 STAR_115 的帖子

hk????

old100200300

河鮮名店無牌賣鱷魚龜
漁護署：雪櫃有龜肉，唔肯定佢哋有賣
2011年08月21日

【本報訊】除了枱凳，中國人可謂吃盡天下四隻腳背朝天的物種，曾獲米芝蓮推介的本港連鎖河鮮酒家「肇順名匯」，自 08年開業後引入受進口管制的鱷魚龜，奉之為補身珍品，聲稱對治療風濕及關節炎有奇效，每隻動輒索價過千元。《蘋果》記者調查後發現該店涉嫌一直無牌售龜，中醫師亦踢爆鱷魚龜藥效無根據，吃龜治風濕更可能有反效果。漁護署日前到酒家了解，指未有實證酒家賣龜，僅作口頭勸喻。
記者：馮詩媚、黃熙麗、司徒韋桐

肇順名匯屬百樂門飲食集團，董事長張國雄亦是新光酒樓及鳳城酒家等食肆的老闆。肇順名匯九龍灣總店曾於去年獲評為米芝蓮推介食肆（沒有星級），目前共六間分店，經營順德菜，以河鮮作招徠，其中以鱷魚龜、淡水蘇眉較罕見，除香港仔及屯門分店外，全線皆可預訂鱷魚龜。根據資料，食家蔡瀾及老友倪匡亦曾幫襯肇順名匯，但未提及食鱷魚龜。

餐單上有鱷龜菜式
記者上周以顧客身份到九龍灣 MegaBox總店查詢，姓陳店長表示鱷魚龜每斤售港幣 188元，最小一隻重逾 5斤，約售 1,000元，可供五人食用。陳聲稱鱷魚龜有藥用價值，對治療風濕及關節炎別有奇效，又說該店鱷魚龜全是內地野生，在本港甚罕見，強調「全部生劏」。陳又說，鱷魚龜甚受歡迎，有不少客人一吃再吃，他游說記者指老火龜湯需熬製半天，着記者預早一天訂購，說：「燉湯最補，風濕關節炎飲佢最好，拍得住水魚！」更建議記者一龜兩食：「龜肉就紅燒啦，頭、尾、手、腳用生熟土伏苓清燉，最正！」還說：「食唔晒一隻唔緊要，可以買半隻！」記者上周四晚再致電表示欲訂半隻鱷魚龜，職員均表示沒問題，說口頭作實後翌日就可前往享用。該酒家門外設水池養鱷魚龜，餐單上亦有鱷魚龜菜式。
鱷魚龜有平背（小鱷龜）及凸背（大鱷龜）兩種，後者是《瀕危野生動植物種國際貿易公約》的受保護動物，雖可合法食用，惟進口需有出口地發出的證明文件。酒家聲稱所賣野生鱷魚龜（包括平背及凸背）全部來自內地，但本報向漁護署查詢鱷魚龜進口紀錄，漁護署回覆指去年進口的凸背鱷魚龜全部來自美國。此外，法例規定售賣爬蟲類動物必須領有「動物售賣商牌照」，漁護署發言人稱，該連鎖店並未領取此牌，日前曾派員了解，但因未有實證顯示酒家養龜出售，故只作口頭勸喻，「就算雪櫃有龜肉，但唔能夠肯定佢哋有賣」。

中醫師未聞可入藥
記者昨午表明身份致電肇順名匯九龍灣總店查詢，經理表示：「我哋今個月 13號起已經冇賣（鱷魚龜）。」而姓陳店長則說：「我哋年頭已經冇賣。」對於其他問題，他一概不回應。
原產自美洲的鱷魚龜在中醫學上真有療效？香港中醫師公會會長關之義直言：「恕我孤陋寡聞，我行醫 40幾年，都係第一次聽到呢個名稱！」關說，未聞以鱷魚龜入藥，更遑論以此治療風濕及關節炎，其藥效未經科學驗證，但「以我個人經驗同學識，呢種食材係譁眾取寵，故弄玄虛」。關指風濕病人食用鱷魚龜可能有反效果，因龜類性質滋陰，而風濕是由陰邪引起的風寒濕症，進食滋陰食物或令病情惡化。
傳染病科醫生勞永樂亦指，進食未徹底煮熟的龜類可感染寄生蟲，「好似鑽地龍咁游走於肌肉、血管，稱為裂頭蟲游走症狀」。勞永樂說，若寄生蟲游至腦部可引起腦癎症，但以紅燒或清燉烹調應足以徹底煮熟。勞坦言：「有好多更安全嘅選擇，點解要食龜？」

唔好幫襯佢地呀!!!!!!!!!!!!!

tikiawgn

係国內, 一早就當係食用龜. 超賤價, 1000人仔可買到8-10斤.

sukky

岩岩睇到我即刻話:食到無野好食咩....
我1定5會幫襯!!等汁粒

STAR_115

LOVE_TABO 發表於 2011-8-21 12:41
回復 STAR_115 的帖子

hk????

係呀,係葵涌

jellyfish

龜有靈性~我養龜之後已經唔再食龜苓膏~

ns1011

為左賺錢真係乜都夠膽死

mioplyah

回復 STAR_115 的帖子

期實....可唔可以去到就禁買隻龜番去.(活體)

sukky

mioplyah 發表於 2011-8-21 17:54
回復 STAR_115 的帖子

期實....可唔可以去到就禁買隻龜番去.(活體)

你月買佢地月入多d貨=.=
同街市買龜原理1樣...
當無人再買自然5會再入貨@_@

mioplyah

回復 sukky 的帖子

禁又係..

sukky

mioplyah 發表於 2011-8-21 18:01
回復 sukky 的帖子

禁又係..

愛莫能助=3=
好想搞到果d酒樓汁粒-.-

harrypoi

回復 jellyfish 的帖子

我都係~~

mioplyah

回復 sukky 的帖子

期實我想買多d...等佢地冇貨源\=_=
不過諗諗下..上網狂唱衰佢地冇人幫襯佢地汁粒 放生d龜好過.

kkiop

sukky 發表於 2011-8-21 18:03
愛莫能助=3=
好想搞到果d酒樓汁粒-.-

買起佢