香港龜友論壇
標題:
琴晚發生的事令我很難忘.....
[打印本頁]
作者:
龜心似箭
時間:
2014-10-13 14:07
標題:
琴晚發生的事令我很難忘.....
本帖最後由 龜心似箭 於 2014-10-13 14:41 編輯
我是一個的士佬...平時喜歡養養烏龜, 叫叫雞, 生活簡單...
琴晚晚上十點幾,生意認真麻麻地,我去到觀塘APN等客...
乘客:司機大佬,唔該旺角....
(見到佢一身黑衫黑褲黑社會既造型,大約估佢去旺角佔中,立刻無名火起,想踼佢落車,但由於生意真係好差,唯有忍住啖氣先。。。)
我面帶微笑:好,係唔係去佔中果度呀?
乘客:係阿,琴日我地被人搞,今晚要去支援,要去覆桌。。。
我仍然很有禮貌面微笑的道:支援好,覆桌好!
乘客:司機大佬,你都支持佔中呀?
我深呼一啖氣:支......支...
我心諗: (支你老母)
乘客:反佔中班人擺明就係收錢搞事啦,一點良心都無。。。
(去度呢一刻,我真係忍唔住)
我:老老實實,我琴日都有份去反佔中,你口口聲聲話反佔中有錢收,請問係邊度收錢?
乘客:下,你唔係支持佔中架咩?
我:我係支持佔中,唔係支持佔旺,佔銅,佔金鐘,你地係唔係唔知道中環係邊呀?駛唔駛我車你去呀?
乘客:司機,你冷靜d先!
我:成日話佔中佔中,你地旺角佔過少少去旺中(旺角中心),我都當你地係佔中,呢家塞住條阿皆老街,彌敦道都唔知做乜?
乘客:佔旺係想令到民眾醒覺,令到大家關注我地呢個行動。。
我:咁比你地搞一搞,我直頭成個人醒覺晒啦
乘客:唉,司機,我都知佔中對你地做成影響,但要鬥爭,就必然要有所犧牲,你要怪就去怪689啦
我:你要鬥爭,就要我地犧牲,呢個係乜道理呀?
乘客:咁d差人捉左d打人既人,然後私下放左佢,又咩道理呀?
我:差人點做關我能事!老老實實,佢地成日抄牌,我恨不得你地燒左個交通部佢,問題係你地的的確確阻住條路呀!
乘客:為民主自由係咁架啦,司機你都唔好埋沒你既良心,一齊黎支持啦
(講到呢度,我實在頂唔住氣,將架車泊埋阿皆老街近九龍城警署一邊,決意同佢理論一番)
乘客:司機,你做咩停車?
我:呢程我當送比你,唔收你錢,我問你,你地成日話香港無自由,到底你地覺得邊度無自由先?
(這時我抬頭一望倒後鏡,看到這個乘客咬牙切齒,手握拳頭,而且面色陰沉,在的士界打滾多年經驗話比我知。。。不對路,經歷多件靈異事件既我,亦都不自覺地心寒起來)
乘客:共產黨d暴行,你唔係唔知下麻。。司機。。
(我問佢香港有乜唔自由,佢竟然答我共產黨,我絕對有理由懷疑佢精神狀況極度不穩定,為了自身安全,我決定先去安慰佢)
我:你。。冷靜d先,共產黨係仆 街我都知,不過要反共產黨都要食飯ga,宜家你地咁塞住條街,係阻住人地搵食喎!
乘客大聲喝道:我地香港人唔係豬,唔係餵飽我地就得,我地要真正民主,真正自由,司機,你真係甘心只做一隻豬咩?
(這句我真嚇左一跳,除左係因為佢大喝一聲之外,最大原因係一個香港人努力工作,安居樂業,對佢地黎講只不過係一隻豬既行為。。)
我:我.......
(當我正想把話講落去時,這個乘客已經搶先把我既說話打斷)
乘客:你等等先,我未講完,你地唔好咁自私,淨係掛著搵食得唔得呀?
我驚訝地:我.............我自私?
乘客:我地為左爭取民主自由,係條街度訓左不知幾多日,你地唔支持唔緊要,都唔好阻住我地
我一臉無耐:我....我阻住你地?
我心諗:(你地霸住條馬路,搞到民不聊生...係我自私?,你地搵d雜物封著條馬路,竟然變成係我阻住佢地。。。係唔係痴線架?)
乘客:如果香港人個個都好似你咁,呢個香港就無得救。。。
(呢一刻我終於明白到,身為一個平民,係唔應該介入學生同政府之間既鬥爭。。)
(點解?因為好明顯,呢場並唔係一場普通既所謂公民抗命,而係納粹黨大戰共產黨,像我這種平民百姓介入當中,只會弄得屍骨全無,身敗名裂......)
我:你既說話令我矛塞頓開,小弟佩服萬分,我真係諗唔到你地為左民主自由,可以咁偉大
此時,呢個乘客既電話響起來...
乘客:我聽個電話先...
"喂,未到阿,我岩岩講服左個的士司機支持我地既佔中行動.."
"轉移去金鐘?,咁啦,係洗衣街等啦,個的士司機好支持我地,唔收我地錢"
(聽到佢係電話既對話,我內心泛起莫名既恐懼,腦海裡浮現著"騎劫"二字)
乘客:司機大佬,唔該先去洗衣街接一接人,然後再去金鐘。。唔該
(我所擔心既事終於發生了)
(騎劫我既民意,我可以忍,想騎我架的士!?我吥!妄想!)
我:下?金鐘,我係九龍車,香港果邊我唔係咁熟路喎,咁啦,呢程我免費車你去到旺角,你地去搭第二架車啦
乘客:唔緊要,我識路,我可以帶你去
我:其實我今日屋企有d事,諗住車埋你出旺角就收工架啦
乘客:講真,屋企既事你之後可以慢慢再處理,但係爭取真普選,如果今次過左,以後再無機會既啦
(真係生舊叉燒好過生你)
我:言下之意,你認為爭取真普選比起屋企重要?
乘客:咁講,屋企係屬於個人既事,爭取民主自由係全香港人既事,我地佔中,日曬雨淋,我地唔係為左自己,我地係幫你去爭取,幫香港人去抗爭......
我:.....幫我去爭取,幫香港人去抗爭....
你地日曬雨淋,日日訓街,爭取左咁多日,就係為左我去爭取........封左幾條馬路,我簡直感動到想喊
乘客:我地日日咁辛苦為香港,你地又做過d乜呀?你為社會做過d乜呀?
我:原來你覺得日日訓街塞住條路就係為香港付出,為社會貢獻,我真心覺得,你地將來唔駛去搵工,直接去做一個職業流浪漢....
乘客:講極都唔明,爭取民主自由,你識個屁咩?!
最後,個佔中人士都有比返程去旺角既的士錢我。。
-完-
作者:
TakTak
時間:
2014-10-13 14:28
如果可以加一萬分,我ㄧ定加比你,
2014 港版丁蟹大時代萬歲
作者:
燕赤霞
時間:
2014-10-13 15:01
提示:
作者被禁止或刪除 內容自動屏蔽
作者:
龜俠
時間:
2014-10-13 17:42
港式紅衛兵,自己想要乜自己都唔知,正廢hen,人收唔到就比天收,天都收唔到就真係要出兵收,到時真係千奇唔好走吖!
作者:
enginechan
時間:
2014-10-13 17:43
的士司機直頭係對牛彈琴
作者:
Teddy西瓜
時間:
2014-10-13 18:06
唉佢地真係痴能線,
講到幾能明白政治幾能偉大,
真係讀屎書!
仲要覺得自己說服左人,
除左蠢都唔知講乜好.
作者:
燕赤霞
時間:
2014-10-13 18:31
提示:
作者被禁止或刪除 內容自動屏蔽
作者:
TakTak
時間:
2014-10-13 19:06
其實呢個係真人真事,定係比喻,
不過無論如何,呢斑友已中毒太深,
病入肓芳,未期,唔死無用
作者:
龜龜ying
時間:
2014-10-13 19:21
回復
龜心似箭
的帖子
同佢地講多都嘥氣~
留返啖你暖肚好過~~
作者:
燕赤霞
時間:
2014-10-13 19:39
提示:
作者被禁止或刪除 內容自動屏蔽
作者:
Tony_Chu
時間:
2014-10-13 19:56
Democracy = Demo Crazy
作者:
乾坤
時間:
2014-10-13 20:24
佢地得到祖先恩赐,腦細胞不健全,典型腦殘决..
作者:
bennycwp
時間:
2014-10-13 20:27
青山醫院可能要擴建了,因要收留D民主病態學生,讀書讀屎片,讀壞了腦,可怜他們父母辛勞養大他們,供書教學,供他們讀大學,未出來社會工作,只會享樂,難怪香港大學排名不停下跌,欠下父母一身債,不自愛,攪到好似過街老鼠
作者:
michaelphone
時間:
2014-10-13 21:41
香港已死,而家就睇下是繼續呢場罵劇定開創新局面。
作者:
Tony_Chu
時間:
2014-10-13 23:41
本帖最後由 Tony_Chu 於 2014-10-13 23:49 編輯
大家細心去觀察下D民主鬥士, 冇個正常, 有長髮鬼啦, 女長毛又係傻傻地, 有河童啦, 有招先生啦, 仲有好多眼神恍惚, 其貌不揚既人, 分分鐘攞菜刀斬人果D人
冇個正常. 一講到民主, 你意見唔同就即刻反檯, 大聲鬧人,有佢講冇人講. 呢D人最易被人擺步, 因為本身已經係D頭腦簡單衝動,不可理喻,既不正常人類!
老毛, 塔利班, ISIS, 飯民漢奸都係好中意利用呢種人 - 被社會排擠既反社會不正常人類. In other words, 人渣。
作者:
地獄火
時間:
2014-10-14 00:05
Tony_Chu 發表於 2014-10-13 23:41
大家細心去觀察下D民主鬥士, 冇個正常, 有長髮鬼啦, 女長毛又係傻傻地, 有河童啦, 有招先生啦, 仲有好多眼 ...
佔中人士個個非常靚仔 ga
我打算改去佔中,係佔中度媾件靚女,然後將佢佔中再佔中
歡迎光臨 香港龜友論壇 (https://hkturtle.org/)
Powered by Discuz! X3.2