香港龜友論壇

標題: 自私的新界居民 [打印本頁]

作者: takyura 時間: 2012-9-30 14:34
標題: 自私的新界居民

其實我好想知道，市區人係咪認為粉嶺居民好自私，阻住香港發展，阻住香港人買樓

作者: Kabc 時間: 2012-9-30 14:39
有錢就乜都得！最自私都係原居民！呀爺淨落！連祠堂都可以賣！

作者: 紅花 時間: 2012-9-30 14:42
原居民有好有唔好, 唔賣地果d固然好,賣果d就正人渣黎

作者: KaukcE 時間: 2012-9-30 15:12
人地既野人地鐘意賣就賣唔賣就唔賣！鬼叫我地唔係生出泥就有樓有地！
香港一日比d自由行啊新移民落泥香港買樓，一日都唔洗諗買樓！

作者: aaromyiu 時間: 2012-9-30 15:12
連祠堂都可以賣正人渣黎

作者: takyura 時間: 2012-9-30 15:26
新界居民不一定是有丁權的原居民
話說新界最後一個太監其實好黑人憎
[youtube]q-IYW7FptT0[/youtube]

作者: banseven 時間: 2012-9-30 15:50
其實依家好多公共屋村都係以前收原居民土地去建做，只不過以前無咁多政治問題牽涉，又無咁多環保問題去考慮，如果香港真係講民主，就應該少數服從多數，犧牲一小群人既利益去做就一大群人既幸福，但係香港無呢類形既投票機制，所以政府無論做乜，好定唔好都會有兩班人不停咁嘈！所以等得政府起樓黎比你住就不如靠自已！

作者: COLOR 時間: 2012-9-30 15:53
我係古洞村長大,唔係原居民,地係私家地,但係一d都唔想政府收地,
古洞村超過百年歷史,以前細個最鍾意爬山踏單車,春天可以見到百花樹木生長,下雨天可以聽到青蛙呱呱叫,燕子回來,夏天蟬兒在樹上叫,爬上樹上吃龍眼荔枝,秋天天氣轉涼,青蜓連羣結隊.冬天樹木光禿禿,滿地都係樹葉,此中都係我個根.
呢此收地其實最大得益者係姓侯既原居民,因從來收地都無佢地份,呢次政府發展新界西北,佢地敢係賣,因新界最窮原居民就係佢地,所以祠堂都賣,政府重留一半土地比佢地起丁屋.一部份私人樓,只剩小量起公屋及居屋,
其實政府幾次諮詢會,都係的村長及原居民閉門會議,好多非原居民根本唔知發生咩事.
所以近其敢多非原居民出來反對,我地一班非原居民唔係自私,只希望留得住個根.
如果樓主幾代都係到居住,而幅地唔係私家地,而家政府要你走,我唔知你會唔會敢自私

作者: oooooo 時間: 2012-9-30 17:03
如果你能接受你屋企樓下係中途宿舍，
屋企前面係堆填區，屋後係骨灰翕，
咁你就可以話人地自私！

作者: KPS 時間: 2012-9-30 17:28
如果政府真係為香港人着想而發展無問題，
但85%係私樓又無講明只可港人買就完全吾掂，
到時又係住滿大陸人，咪即係賣港

作者: 乂阿偉乂 時間: 2012-9-30 17:42
圖中係邊到黎呢._.'?

作者: takyura 時間: 2012-9-30 18:27
回復 KPS 的帖子

前港大教授姚松炎今日係明報講:「其實香港沒有居住問題，不需要這麼多土地去起樓」，只要美國加息，香港樓價跌，便有大量空置單位，不用建新樓，「現在的需求是由聯繫匯率帶動的投資需求，投資需求是很實在的，全世界的資金，特別是國內的資金都湧到香港。現在有許多人有現金在手，怕貶值，因此想買磚頭保值，就選中香港」，若東北再建屋，投資者便會繼續入貨。」

作者: KPS 時間: 2012-9-30 18:48

takyura 發表於 2012-9-30 18:27
回復 KPS 的帖子

前港大教授姚松炎今日係明報講:「其實香港沒有居住問題，不需要這麼多土地去起樓」，只要 ...

我覺得樓價高主因係部份有錢大陸人，不放心資產放在內地，
做成大量資產轉移，而香港樓成為內地人最返又最安全的資金轉移地，
所以香港多建幾多樓都無用，如果大陸一萬人有一個人來港買樓，
香港都供不應求@_@

作者: KPS 時間: 2012-9-30 19:43

takyura 發表於 2012-9-30 18:27
回復 KPS 的帖子

前港大教授姚松炎今日係明報講:「其實香港沒有居住問題，不需要這麼多土地去起樓」，只要 ...

我都覺得無需要港人港地，但香港有身份證的人係木有居住權呢？
而係咪可以限制下內地人來港買樓呢？^_^

作者: 龜俠 時間: 2012-10-1 02:02
本帖最後由龜俠於 2012-10-1 02:23 編輯

查實樓主知唔知 "原居民" 同 "非原居民" 的陪償方案是否相同？

作者: 龜俠 時間: 2012-10-1 02:20

Kabc 發表於 2012-9-30 14:39
有錢就乜都得！最自私都係原居民！呀爺淨落！連祠堂都可以賣！

何以見得 "最自私都係原居民"呢？你都話人"阿爺淨落"，莫非你阿爺冇淨落比你，你就唔抵得人有？至於賣祠堂亦真係唔知同自私有乜關係？你祇可以話佢不孝吧！

作者: CKL 時間: 2012-10-1 03:04

KPS 發表於 2012-9-30 19:43
我都覺得無需要港人港地，但香港有身份證的人係木有居住權呢？
而係咪可以限制下內地人來港買樓呢？^_^ ...

返學時得堂tutorial係出題果個講，搞到好多人sit堂，有人本來果堂無位坐，搞到有人擔凳繼續有堂上，有人吵喧巴閉走去投訴，結果吵果班一係轉一係索性唔返。。樓主意思係當眾人去搶既誘因都無解決到，趕走一班自然有另一班人走黎搶，只有自己識諗變通先揾到著數。

歡迎光臨香港龜友論壇 (https://hkturtle.org/)