|
兩隻豹B買返黎個多星期就突然開始拒食, 係咁訓, 然後浸水時發現佢地痾D白色便便。
3月31日想帶佢地去睇醫生, 點知余醫生個邊電話無人聽, 心急之下約左大圍個間第二日睇, 外國人醫生, 幫佢地照X光杜蟲, 用左成2千幾蚊, 但無講過佢地咩問題, 淨係叫我地返去每日浸3次reptoboost+鈣, 約左4月6日覆診, 除左第二日有食過少少野之外, 之後都無再食野, 成日訓, 唔覺佢地有好轉, 有日帶佢地出去曬太陽, 都有周圍走, 但四肢無乜力。
爬文之後諗住加濕加溫去改善, 於是4月5日專登走去魚佬個度買兼問埋佢地既經驗, 睇下有無其他野幫到兩隻龜龜, 佢地一聽到話痾白色便便就已經話應該係爆原蟲, 最好睇余醫生, 因為佢有經驗, 其他睇過既人feedback都positive, 同埋話照理上次杜左蟲的話應該會見到好轉, 無既要再杜多次。聽完佢地既經驗, 再加上不斷爬文, 睇左好多病癥同爆原蟲既個案, 已經心急如焚, 想約余醫生聽聽佢建議, 點知撞正清明公眾假期, 余醫生個度休息, 咁仲去唔去大圍覆診? 個人好frustrated. 到6號一早打去約余醫生, 點知佢當日放假, 要7號先有得睇, 唯有照去大圍覆診睇下佢會點醫。
一開始等醫生既時候問個va上次杜蟲有無杜埋原蟲, 個va話有, 仲話當中有3隻藥, 已經可以杜成三百幾種蟲, 到醫生黎到, check下佢地個殼同條脷, 除左話佢地個身體好凍, 比上次差左之外, 都無乜其他comment或者suggestion,係我地追問佢駛唔駛做第二次杜蟲, 佢先話下次有需要可以做, 我地又問佢成個幾星期無食野, 洗唔洗灌食, 佢就唔建議, 話灌食時有機會整傷佢地既下顎或腸胃, 同埋如果佢地自己唔食野, 灌食左佢地都消化唔到, 只會為佢地既腸胃增添壓力, 然後佢開左抗生素針俾我地, 要我地返去每3日打一次, 一個星期後返黎覆診, 咁又千幾蚊, 但弊在龜龜返到去依然呆呆滯滯, 其中一隻第二朝浸水時唔開眼, 心感事態嚴重!!
卒之等到下晝帶佢地去睇余醫生, 一黎已經幫佢地睇便便, 好快手確診係爆原蟲, 顯微鏡之下睇到好多原蟲, 余醫生話如果1-10級, 佢地係屬於10級! 如果之前係有幫佢地杜過原蟲, 應該唔會有10級咁多! 好明顯大圍間野係無杜過原蟲…… 仲要話杜左, 攪到龜龜辛苦左成個星期, 然後余醫生幫佢地灌藥灌食, 仲教埋返去點樣灌食, 余醫生認為灌食係有需要, 如果唔食, 好快會脫水, 只會越黎越虛弱, 咁余醫生呢個理論又make sense喎, 唔食野仲邊有力量去打低d菌呢?
第二日同佢地浸水, 終於有返多d反應, 同埋睇落好似無之前咁辛苦, 希望佢地快d自己食到野啦。
講真, 我地俾得錢出黎, 係希望以醫生既專業知識去幫隻龜龜, 唔係就咁睇兩野講兩句就算, 就連簡單睇便便都無做過, 如果唔識醫就直接講唔識, 唔好同我DUMP症囉!
都只怪自己之前爬文爬得唔夠徹底, 累到龜龜辛苦左咁耐. |
[複製鏈接]
發表於 2014-4-9 11:40:28
收藏
分享
提升卡
置頂卡
變色卡
樓主
祝豹B早日康復！
我都想要，可以pm埋我嗎？謝謝！