一個老闆!

肥仔昌

一個老闆!
想養只豹仔,訂了箱準備養,上了間龜舍買點用品.
一講起我初玩,佢就一句;唔好以為龜易養,好易病!病左睇醫生幾仟蚊.
跟住我比相佢睇<養龜的環境>佢就話:<你的環境唔啱養,等有地方養先好買.買左一定因為唔通風患肺炎,分分鐘醫唔番,有可能醫成年!>
我見佢店有細隻龜仔得意想買,佢話:<新手唔養得細龜,賣一佰隻龜B比新手,2個月內一定死晒>
聽佢講左2小時龜經,聽到我唔敢玩陸龜.佢話你的環境只可養箱龜<但佢冇賣!>
香港點會有這種人,香港點會有這種老闆,香港點會有這種龜舍老闆!
雖然浪費了點東西,但獲益良多!
知道買了隻寵物就要記得佢有機會病,病左會用你好多錢!
如果對該寵物沒有足夠認知,沒有時間照顧,沒有多餘的錢比佢睇醫生,沒有合適的環境比佢居住,沒有持久性的悉心照顧,咁我就冇資格養.

肥仔昌

回復 billy815 的帖子

我反話讚人,佢睇唔明駡我(語障)?!?

billy815

開佢名

肥仔昌

回復 honeychu 的帖子

師兄
如果我在標題只說(好老闆，傾談二小時)
會吸引到讀者的目光及好奇心嗎?
冇端端話我(語障)!
你讀書都只看標題不看內容不用心理解箇中意思。遇到一些看不過眼的字眼，就立刻(發炮)。為何不再翻看一次，認真了解作者寫的真意。
如果你是一位學生，請把我的原標題及(所有文字)呈給中文科老師鑑閱。看是我(語障)定你理解力低，浪費父母栽培十數年給予你優質環境學習。

肥仔昌

回復 honeychu 的帖子

剛下班先有機會回應C兄,因為我開08:00到08:30所以今早冇法回應那位C兄對(澤師傅)的誤解。
對不起!澤師傅令你無辜被人批評。
在此深深道歉。

肥仔昌

回復 Ioujacky 的帖子

所以我為一個生命體而放棄養龜。先

肥仔昌

回復 glock17 的帖子

用金錢去買一個生命容易。用精神及時間去養育佢(難)
見阿澤對那只左眼失明的變色龍的態度，我慚愧之至。
{怕失明的變色龍受惊,要餵牠飲水時先把水輕輕的噴向缸邊，等反彈的水可讓變全龍喝到，又不會引起驚嚇。
這變色龍如果養在家就正常，但養在几萬蚊租的店就真係難能可貴。個位本來可以擺其他可以賺錢的動物，徧徧擺只缺陷寵物。}

肥仔昌

回復 LCT 的帖子

啱!
我都係有心人所以未買之前到了好几間店增加對寵物的認知。
聽完(澤師傅)的教導再檢討自己可以給予該生命的居住環境，
就立刻停止(玩龜)的想法不(養龜)。。
多謝C兄分享經驗!

陸叔

回復 肥仔昌 的帖子

一樣米養百樣人,
他說的没有對與錯,
我只覺得,
心動不如行動,費事後悔

肥仔昌

回復 mkmc 的帖子

又多一位C兄理解，多謝！

肥仔昌

回復 minicooper 的帖子

終於有一個明白我拙劣的表達方式！

肥仔昌

回復 lamlamho 的帖子

終於有一個聽出弦外之音！

肥仔昌

回復 aldc168 的帖子

C  兄誤會.佢講我唔養得係因為我養在密閉貨倉內的魚缸柜內,空氣唔流通.

肥仔昌

回復 mkmc 的帖子

多謝了解!

mkmc

其實一睇就知樓主係讚緊阿澤   大家明就得喇

honeychu

回復 肥仔昌 的帖子

我不敢苟同閣下的文筆
如閣下贊同阿澤的敬業與樂業 題目標示應該不用"怪老闆"或"審犯"等措詞
"人言可畏"4個字 你不是未聽過嘛？
"原諒"不在於我本人 只是你不明白辭不達意會增加誤會 甚至誤導
即是你說的煽風點火罷了
慎言方為上策

808204

回復 阿澤龜舍 的帖子

我個人非常贊成你的做法, 值得鼓勵, 加油 !   

808204

不如我都講一下呢件事啦, 事關肥仔昌有都向我問及此事, 我都用左D時間卑左好多建議, 當中建議同阿澤都差不多, 肥仔昌的確係非常想養陸龜, 所以先會向多方求教, 知情的幾位人士, 會明白當中情況, 而可能肥仔昌深深體會到, 會教人養龜的店鋪不多, 所以先會在此有感而發, 或者是因為辭不達意, 所以先引起大家誤會.

肥仔昌

回復 honeychu 的帖子

對不起!我知錯.
可否原諒我?
及不要煽風點火.