新手的十萬個為甚麼 (感謝賜教)

日堯

大家好！
小妹屋企近日新添兩位龜龜，事緣吾母係街度見到農村婆婆賣龜，覺得同小龜有緣，就將佢地帶返屋企。媽媽用舊時係鄉下養龜既方法養佢地，我覺得唔係好妥當，所以想請各位版友指點一下。謝謝！

先貼小龜近照 (2014.04.24)：



請問：


1. 兩隻龜龜都有成年女士手掌咁大，請問龜龜大約幾歲？


2. 請問龜龜係咪巴西？


3. 媽媽起初將龜龜擺浴室乾養，一隻活潑啲，會周圍爬，一隻比較靜。放佢地出黎自由行，佢地反而唔願郁，淨係匿係牆同傢私中間。後尾我將佢地放入大膠盤，放少少隔夜水，兩隻龜龜唔知好驚定好興奮，成個晏晝都不停爬向盤邊。我驚佢地太攰，趁佢地屙左便便就倒哂啲水，放佢地係暗角乾養一晚。佢地有安靜左，夜少少去睇佢地，兩隻都瞌眼訓。請問遇到呢種情況，應該由得龜龜係水度郁，定係暫時乾養？


4. 今朝起身再睇龜龜，佢地都係無咩點郁，都冇再屙便便。我將龜龜浸水，喂左啲浸軟左既蝦米碎，兩隻龜龜都有食，活潑果隻食得多啲，兩隻食既份量等如一個頭仔咁多，食剩兩三粒。請問龜龜肯食野，係咪代表身體無大問題？


5. 如果想將龜龜放水中養，水深應該到邊度？因為未黎得切去金魚街買設備，如果暫時無離水平台，放佢地係水一兩日會唔會有問題？

第一次養龜龜，咩都唔識，先多謝各位解答！

evelyn_hml

回復 日堯 的帖子

1. 目測 6年?
2. 紅耳龜
3. 沼澤龜是要有浮得起她們的水. 準備可以給她們爬上去發呆放空的陸地
4. 有水的時候比較易拉屎... 建議每隻食量是她的頭大小.. 多少少沒問題.  食剩就拿走.. 不要留下來.  她自然會習慣食乾淨食糧...
5. 至少水位就是你放她入水後... 用手指戳龜背..會看到她在水中彈下彈下咁樣... 咁就有浮力了.. 這是最少最少最少要求水位..

Stevewong

巴西龜  話曬都水龜 最好用水養  每日換一次水就得 如可以就買個缸/膠箱比佢啦 你個桶太細啦
睇多d水龜區既post

Uncledash

買個大膠箱啦，巴西龜好游得，水深幾吋都ok。
要有地方乾身同休息，得閒曬下太陽，無就整支射燈射住個曬台。
無曬台的話用淺水養住先。
龜肯開口幾好，最好餵龜糧，留意下有無皮膚病。

etvdavid

用隔夜水!!!

billy815

兩隻巴西龜乸尼，好粗養日日式隔曰換水就得，二三曰餵佢1次，嘢食，餓起上尼人都食