草龜斷尾斷到甘可以點?

豆腐玉女

本來之前都唔係甘..只係斷尾,不過算叫做斷得多.\之後我去左中峰到買左果隻藥水幫佢查下條尾,同乾養
乾養左都冇2個星期,岩岩幫龜龜再查藥水果時,就發現有D唔知咩爆左出尼?
我想問我可以點啊?(唔好講話睇醫生果D,實用小小的唔該)

豆腐玉女

回復 Uncledash 的帖子

係啊!不過都係之前的事

Uncledash

我記得你之前好多龜，仲有隻係綠毛，然後突然放曬。既然媽媽唔支持，自己又未有經濟能力，唔好咁多心喇，專心照顧好手上既龜先。

依家龜你就買左，隻龜就傷左，而一眾龜友都答左你，坊間無方法救佢喇，你咪揀第二條路解決件事囉。有人話送去SPCA啪左佢，有龜友甚至肯出錢拎去余醫生度啪，你有無考慮下呢?

的確好多人做決定前無諗清楚，咁樣唔代表你無錯。求助時，態度可以好少少。你花多D時間去解決問題，好過為啖氣打筆戰，隻龜就秒秒suffer.

呀健

回復 豆腐玉女 的帖子

睇醫生其實最實用
btw,可以試下用中草藥(去藥房問,用泥夫傷口用既)
買反泥幫龜龜夫
正常唔會好貴

gloriakhju

點丫⋯⋯送左佢去spca未？
如果未你又無時間無心機⋯你隻龜比左我啦⋯錢我就無⋯不過幾百蚊拎去terry到啪既$都有d既

豆腐玉女

回復 abcma12345 的帖子

問下姐，本人有一年冇買過龜

Mike記

大細巴西 發表於 2014-5-5 20:39
回復 豆腐玉女 的帖子

我都係學生, 但係學生又點? 就算係學生都可以有好多方法幫隻龜

師姐e個回覆寫得好好啊！最鍾意最後嗰句。

森苗

回復 abcma12345 的帖子

唉..... 講咁多 哂時間，樓主你有無睇過蛇頸點養? 隻草條尾都被不明生物咬到咁，蛇頸條頸咁長咁易咬 你諗清楚未呀? 不如你整好d個setting, 放上黎大家俾下意見先再買龜啦... 講真你都吾想好似之前d龜咁ga ma?
考完DSE 姐係你都已經中六， "做人處事"既態度真係要諗諗，俾意見你(睇獸醫外)你仲要話返人轉頭，你話係著緊隻龜就可以明白姐，但隻草都未死(可能已死)就轉身想買蛇頸，有錢有心情買新龜 都吾放d時間落隻傷龜度，我過左中六好耐，真係吾知宜家d細路個腦諗緊d咩。

abcma12345

mkmc 發表於 2014-5-5 23:24
我唔知你地幾位點睇
個人認為一時衝動已經係錯
做錯事仲甘多原因去解釋自己既錯係合理

http://www.hkturtle.org/forum.php?mod=viewthread&tid=101765

草龜命懸一線，但樓主已鐘情新蛇頸了

Cces1234

gloriakhju 發表於 2014-5-5 22:03
甘隻龜因咩事9到甘？

咁即是咩事令隻龜變成咁呢？

大細巴西

回復 小霸皇 的帖子

唔緊要
我有時表達得唔係咁好
我只係怕討論太激烈去到最後演變成罵戰姐
我都無惡意架

小霸皇

大細巴西 發表於 2014-5-5 23:26
回復 小霸皇 的帖子

因為討論去到後期, 我認為重點已唔係放係錢度

無事無事@@ 交流姐. 我無惡意

大細巴西

回復 小霸皇 的帖子

因為討論去到後期, 我認為重點已唔係放係錢度
而係點處置隻龜

我真係要講既係咁多, 我明白大家有唔同睇法
一切只係由於我關心隻草龜安危而發表下意見
我唔想成件事傾到好似我地對立晒咁
我表達左我既睇法, 你又發表左自己意見
我覺得我講得夠啦
多謝交流

小霸皇

豆腐玉女 發表於 2014-5-5 23:04
大家都好有善心吖。大家去spca令養龜啦！

對於你隻龜既情況 我諗交去SPCA對你隻龜算係一個較好既解決方法

mkmc

我唔知你地幾位點睇
個人認為一時衝動已經係錯
做錯事仲甘多原因去解釋自己既錯係合理
我真係睇唔透
何不反省？

小霸皇

大細巴西 發表於 2014-5-5 23:19
唉, 人地同你理性討論
你既語氣都係聽唔入耳, 不停為自己搵原因解釋點解唔去同隻龜睇醫生
無錢去醫唔係問題 ...

唔好話我幫哂樓主.
你一開始第2點
2. 你話你自己無經濟能力去同隻龜睇醫生,咁唔係一個藉口,你係養龜之前應該要好好考慮清楚佢既需要,如果你真係愛鍚自己隻龜既話,借又好,自己買少d食少d又好,都會用盡方法籌錢醫番隻龜,如果真係做唔到,嘗試將隻龜送比有心既龜友啦,請珍惜生命

就已經有份將個波拋左去經濟角度   依家你又話 無錢去醫唔係問題.   
你都幾矛盾  定係你 提出第2點  只係你隨口講下

大細巴西

唉, 人地同你理性討論
你既語氣都係聽唔入耳, 不停為自己搵原因解釋點解唔去同隻龜睇醫生
無錢去醫唔係問題, 問題係你既態度(我就係無錢架啦, 無錢係咪咩都唔養得etc.)
大家叫你送隻龜去spca 係知你真係無能力醫佢
唔係扮好心, 扮偉大, 扮聖人
而係希望你隻龜真係救得番
如果係度等人提供方法比你嘗試救隻龜真係最好既處理方法
我都想有奇蹟出現

小霸皇

豆腐玉女 發表於 2014-5-5 21:57
我都想問大家一個問題？
如果醫一隻龜要3000到4000蚊？照張x光都千千聲
人工得9000蚊，生活費，車費，家用 ...

我好明白你提出黎既論據
自問我第一次買隻巴西龜 已是小學三年班 果時心智未成熟
絕對唔知  無錢就唔可以養龜呢個事實 因為病左
就會比一班人話 做乜野唔醫龜
同某個朝代一樣..
百姓生活貧困. 無錢食飯   君主曰 何不食肉?  
就好似樓主自己都唔夠錢生活 有人會話 點解唔帶隻病龜睇醫生一樣

一個道理 買龜時既衝動 思想未成熟果班點會預埋隻龜病. 郁D就百百聲千千聲
你唔好用成人既角度同我講  龜唔係隨便玩玩下  政府都教人停一停
我同你講  停你條命 我依家就抱住 道德x既身份同你講
食豬食雞食牛既時候 你有冇一刻停一停諗一諗   
豬雞牛唔係生命 唔值得尊重?   就因為你鐘意龜 你養龜 你就覺得養病左唔帶佢睇醫生就可恥?
其實毫無資格  就好似一班養貓狗呢D主流動物既人. 認為蛇吞鼠殘忍一樣. 你食豬牛唔殘忍嗎?

窮人唔應該養龜  就同 窮人唔應該生仔 同一個概念
應該將心比己  自己能力做到 唔代表人地做得到

mkmc

哦   原來係DSE既小朋友，入世未深（個別例子？定係呢代都有甘既問題？）唔怪得甘樣講野既
比心機讀多D書，最好讀下歷史，學下做人

豆腐玉女

大家都好有善心吖。大家去spca令養龜啦！