深入了解 EDEN 511 濾桶！

cys487980

之前入手了兩部 EDEN 511 濾桶，今日終於有時間可以作深入了解一下！



爬過好多帖子，有很多師兄師姐都有用呢個名牌子，而本人就一直用開國產貨，
所以今次特意入手作深入了解，希望藉此能幫到各龜友們能進一步認識！
好作購買前有一個心理準備！


300-600L/H 流量，11W ！實測流量是足的，比起某些牌子虛標流量，呢點值得一讚！


用料方面，實而不華，有質感！對比國產貨贏哂！配件齊，唯一美中不足是入水喉管太長，
一枝過，無駁位，！對於養龜的朋友九成要自己改短了！


跟住就用來對比我自己用開的森森 603B 濾桶！
流量明顯強了一級，操作上之聲音基本上是聽不到，超靜！
不過洗桶時就比較麻煩，主因是沒有水閘制，所以要扣少少分！經師兄提點，原來掛架紅色位是閘制，現在完美了！


至於濾材方面，跟機的可以無視了，放入垃圾桶吧！
很多龜友同我講 511 不能用白棉，對於我個人來說，白棉是濾桶的靈魂，
不可不用，所以我在入水位即是下圖左手面放入白棉，中間用原裝棉，最右面當然是放生物環啦！






機頂右面有個圓型蓋，裝好所有配置後，可打開入水，入滿後開機便可，很方便！
約等二十秒左右，水流便一切正常，實測平排甚至高過缸少少都無問題！


最後嘗試將 511 作前置，折去軸蕊(轉子)，左右用白棉，搭配 打爆 MA環的603B 濾桶作尾關，
希望比我家全真七子(全部亞成體，糞便勁多而且全粗體)有更好的過濾系統，更舒適的環境！
跟住用番本身 1500L/H 的泵頭，直上511，先過濾第一重的糞尿，跟住再到 603B 做菌！
一齊都想得很完美，所有配件都裝好！準備…………開制………大件事了！


水壓………………………………………………太大了，EDEN 511 頂唔順啦！
現在可做的……………就是拖地！511 竟然頂唔順漏水了！
最慘是所有配件全部裝好，又要重新拆下！


其實我都知有可能會發生，所以一早準備了另一個 603B 做後備，以防萬一！
點知真係一語中的！最初我估計應該頂到的！
下圖是我現在串連的兩個分工的 603B！





結論：


EDEN 511 是一個非常不錯的濾桶，無論質量、操作、安全性等等都有很好的表現！
不過大家要留意，它是一個細桶，唔好當佢係超人，要匹配得宜！
苗仔三四隻， 18吋缸以下，水位三四吋左右，對於它來說是絕對無問題，勝任有餘！
如果是養亞成體，超過20吋缸！水位六七吋的！請大家考慮其它吧！不要強它所難！
另外一提，名牌貨品，果然都是度身定做，無一位置可改！如果想玩 DIY 的，國產貨有無限空間比大家！寫到呢度差不多要完結了，大家如果有任何意見，或有任何問題，可提出一起探討！


以上祇是我個人中肯和客觀的見解，如有什麼不對，請多多包函！
希望對於想入手此濾桶的龜友們有所幫助啦！






同場加影我現在龜龜的全景圖：














打了好多字呀，希望大家加多 D 分，最好加到升級啦！

qwerasd123

謝謝分享






按揭成數

freeking0700

師兄仍在？有問题！

Mike記

cys487980 發表於 2014-5-25 00:34
謝謝師兄的建議！等我盡力同中央取批文換缸！

不過機會很微！

比師兄你笑死。

Uncledash

回復 cys487980 的帖子

左雪櫃右電視，牆架/缸/濾有咩事，電器一掂水咪完蛋

cys487980

XMEN 發表於 2014-5-25 23:15
全缸景，第二幅相個缸，曬台下面果條野咩黎，咁似死魚

哈哈哈！是金琵琶，反轉吸緊格仔板 D 污積！

XMEN

全缸景，第二幅相個缸，曬台下面果條野咩黎，咁似死魚

cys487980

Uncledash 發表於 2014-5-25 16:26
回復 cys487980 的帖子

上面兩個細缸變成一個大缸會唔會好少少?

哈哈哈！無計！中央祇批呢個地方！

就是因為牆身落個大缸唔夠力，所以用兩個細缸，再加上用部CRT借力，已測試過無問題！

至於左雪櫃，右電視有什麼問題？會有咩事呢？請師兄賜教！

Uncledash

回復 cys487980 的帖子

上面兩個細缸變成一個大缸會唔會好少少?

我都幾服你，牆架都放兩個魚缸，仲要係電視頭頂，雪櫃隔離，有咩事真係好傷

cys487980

Italyroma 發表於 2014-5-25 01:01
回復 cys487980 的帖子

師兄 玩串聯最好買個水陸泵玩 你而家咁接駁桶泵都會好大壓力 ...

是呀！知道的！謝謝師兄提點！
師兄有無好介紹！

Italyroma

回復 cys487980 的帖子

師兄 玩串聯最好買個水陸泵玩 你而家咁接駁桶泵都會好大壓力

cys487980

khip 發表於 2014-5-25 00:25
我既建議係用回普通一個過濾筒就算，無必要簡單複雜化。

因為加壓我已經講左唔Work，所以唔會再研究呢點 ...

謝謝師兄的建議！等我盡力同中央取批文換缸！

不過機會很微！

khip

cys487980 發表於 2014-5-25 00:02
我是完全明白的！祇是我個是潛水泵，是由缸內抽水出的！

想問問師兄以現有器材，抽水泵由缸內抽出的水應 ...

我既建議係用回普通一個過濾筒就算，無必要簡單複雜化。

因為加壓我已經講左唔Work，所以唔會再研究呢點。

其次你缸細動物多，其實唔洗搞太多，等將來換缸先搞吧。

cys487980

khip 發表於 2014-5-24 23:55
咁咪姐係唔得囉=.=........

同埋個原理邏輯錯晒，冇人會加水壓去測試幾時谷爆個筒，因為你冇咁仔細去計算 ...

我是完全明白的！祇是我個是潛水泵，是由缸內抽水出的！

想問問師兄以現有器材，抽水泵由缸內抽出的水應怎樣搭配最好呢？

謝謝師兄賜教！

khip

cys487980 發表於 2014-5-24 23:29
哈哈哈！差小小炸，如果無加串連的 603B ，加左阻力，

D 水出唔切，否則直入 511 即出是無問題的！

咁咪姐係唔得囉=.=........

同埋個原理邏輯錯晒，冇人會加水壓去測試幾時谷爆個筒，因為你冇咁仔細去計算流量同埋隨著佢過濾效能愈黎愈差，阻力增加水壓就會再升高，係一個隨時爆既炸彈。

要玩呢D最安全既做法係減壓，姐係用水泵把水由筒抽出。

過濾筒都係同一個原理，你明解未?
你仲要用過1500去谷個 MAX 唔過1000L既筒，等同找死

cys487980

khip 發表於 2014-5-24 23:24
另外如果你想玩過濾變前置，就唔應該泵水入511，反而應該係用泵由511抽水。

1500L既水流打入幾百L既 ...

哈哈哈！差小小炸，如果無加串連的 603B ，加左阻力，

D 水出唔切，否則直入 511 即出是無問題的！


因另一龜友現正在用呢個配置！

600L/H 唔夠呀！我個 24吋缸，七隻亞成！

khip

另外如果你想玩過濾變前置，就唔應該泵水入511，反而應該係用泵由511抽水。

1500L既水流打入幾百L既筒內，唔爆水就奇

cys487980

khip 發表於 2014-5-24 23:20
樓主...係有水閘嫁.....出入水喉大圓餅就係，向右一檸就得。

原來呢個是水閘，多謝師兄提點！

之前就係大廠無理由無考慮呢點！

現在完美了！THX！等我改改先！

khip

樓主...係有水閘嫁.....出入水喉大圓餅就係，向右一檸就得。

cys487980

cys487980 發表於 2014-5-24 23:14
都可以，始終放環的地方太小，記住要定期換炭呀！

還有！唔好放錯位，入水位放炭，否則效果差很遠！