情報收集:醫生,平d得唔得呀

twbb

養龜一年,發覺龜其實都幾易病,而有病去睇醫生就係人都知啦,但有好多人因為價錢既問題因而唔敢/唔捨得帶隻龜去睇醫生,但其實何謂貴,何謂平,幾多錢你願意付出,我想信有九成未睇過龜醫既人根本唔知睇龜醫要幾錢,因而淨係覺得會好貴而卻步,所以想係到收集一下情報,希望各位有經驗既龜友多多支持,等龜龜多一份保障啦
.
1.龜龜睇病日期:

2.所睇動物/龜醫院:
   (如有分院請註明地區)

3.龜龜所患既病:

4.醫療過程或行為:
   (如打針或灌食等,可以既請提供埋係邊位醫生)

5.收費:
   (可以既請詳細一點,如檢查收幾多,打針收幾多,藥收幾多等)

6.評語或補充：
   （睇完醫生後滿意嘛或我d咩我無提及既）

麻煩各位了

龜小B

回復 twbb 的帖子

師兄講得啱呀~
另外心入面有個預算很重要呀！

twbb

janede1314 發表於 2014-6-29 22:46
我又分享一下
龜龜端午節開始病，成日張開口，有白色黏液，試了黑葯冇好轉，又開始拒食，令到自己成日心掛 ...

當然唔會有人話你傻，愛龜既自然就想隻龜健康，分享醫藥費既原意只係比一個參考大家，作一個提前準備，當有需要既時候知道要預幾錢去睇醫生啫

龜小B

回復 janede1314 的帖子

好多謝你既分享~

放心~你呢D唔係叫傻，係真正愛龜既主人呀☺
我要好好跟你學習至真！

龜小B

回復 kellyyeung 的帖子

哈哈~~~
多謝師妹既分享~~~^^

janede1314

我又分享一下
龜龜端午節開始病，成日張開口，有白色黏液，試了黑葯冇好轉，又開始拒食，令到自己成日心掛掛睡也不安穩，所以在9/6帶龜龜睇醫生（那天我剛巧放假而這天得黃醫生有期余醫生要等到星期六我怕龜龜等唔到）

龜龜所患既病:感冒，呼吸道感染，未確認是否肺炎，因為醫生話佢太細照x光也照不到（幾老實），仲有底板感染
醫療過程或行為:幫龜進行灌食，刮走底板真菌，開抗生素，止咳藥，reptoboost 補充體力，碘酒同silversurf cream醫底板，第二天即刻無再張開口，持續餵葯十天，而家感冒呼吸道感染好返，又肯食返野仲好開胃，令到我開心安樂返，不過底板仲仍需努力 ，最後診金加埋藥共$1200

這隻龜買回來才$28，$1200 可以買到42隻龜，但無一隻可代替佢㗎，希望佢以後生性d少d病，同埋希望唔會有人話我傻！

ant_727

我諗呢到大部份人都係去搵余醫生ga la...

一去土瓜灣動物醫院都起碼250-300落樓....

kellyyeung

回復 龜小B 的帖子

我係師妹唔洗客氣

龜小B

回復 kellyyeung 的帖子

師兄，雖然你隻龜龜最後都走左，不過你已盡力了，不要氣餒！加油呀！
今次呢個經驗都會幫到你日後養龜龜架！

仲有你提供既資料好有用，感激感激！

kellyyeung

回復 twbb 的帖子

謝謝你呀

Nicole1010

twbb 發表於 2014-6-28 12:18
我成日都覺得肯帶龜睇醫生既都係好主人，不過龜苗抵抗力實在太弱喇，祝你隻新豹仔身體健康，快高長大啦 ...

我隻賀曼也只是有4.8cm

twbb

kellyyeung 發表於 2014-6-28 11:28
我唔係咩高手，不過都帶過隻豹龜睇醫生，可以分享一下
龜龜睇病日期:4/4，14/4
所睇動物/龜醫院:土瓜灣動物 ...

我成日都覺得肯帶龜睇醫生既都係好主人，不過龜苗抵抗力實在太弱喇，祝你隻新豹仔身體健康，快高長大啦

kellyyeung

我唔係咩高手，不過都帶過隻豹龜睇醫生，可以分享一下
龜龜睇病日期:4/4，14/4
所睇動物/龜醫院:土瓜灣動物醫院，余醫生
龜龜所患既病:爆原蟲，感冒，缺鈣，眼發炎
醫療過程或行為:4/4杜蟲，睇ge第二日要即刻灌食，包括草粉，坑生素，鈣D3，至14/4再覆診，蟲減少了，感冒好返，不過仍出現缺鈣，      眼都有發炎收費:4/4:診金$295，杜蟲$315，加埋藥共$899，14/4:診金$240，杜蟲$315，加埋藥共$600

評語或補充:雖然最後豹b都走左，但至少我都嘗試過救佢，可能係我個setting做得唔好所致，所以宜家搞好個setting，再養過豹仔，希望少d病

Kitman

新手留名學習～