兩鑽紋，一被咬。

ron

是咁的。鑽A同鑽B買返嚟睇2日，見到鑽A左後腳腳掌邊有少少脫皮，以為買果時已經係咁。好啦，到咗第2日，脫皮地方有個好細傷口，我唸會唔會水質有問題。到咗第3日，傷口越嚟越大，我觀察咗一陣，發覺鑽A好怕鑽B，經常逼開佢，原來鑽B耐唔耐就咬佢隻腳，馬上分開，幫鑽A搽藥乾養。乾養咗4日，傷口癒合，再放一齊養。結果鑽B更加變本加厲去咬，每次鑽B想咬，我都敲下佢過背，裸佢出嚟乾養。訓練咗幾日，再放埋一齊養，觀察咗15分鐘，見無打架，安心返工。結果放工返嚟，恐怖事情發生啦。鑽A後腳兩腳掌都被咬咗一忽肉，右腳最尾個腳甲都無埋。當時激到我真係想殺咗鑽B。事隔一段時間，鑽A差唔多痊癒啦，想再試下放埋一齊。結果，鑽A見到鑽B，馬上游去缸角，郁都唔敢郁，鑽B仲係追住鑽A後腳咬。又要再分開。。。呢度請教下大家，有咩方法可以令兩隻龜唔打架？

ron

遲咗啦，已經放咗鑽B。

twbb

方法一:送鑽a比我/方法二:送鑽b比我/方法三:缸中間加塊格仔板，每星期放埋一齊睇下有無改善

ron

賣咗其中一隻比朋友啦，等受傷果隻痊癒再決定入唔入多隻。

siumaiguy

爛肉會令其他龜追住有爛肉的龜來咬
龜身上爛肉的地方放出化學信號引其他龜咬
你唔應該怪隻龜，講到底佢不過只係隻龜
而且鑽龜具攻擊性，比較適合單隻單缸養

你可以先用格仔板將龜缸隔開兩邊？

neillam

分開養好D

ron

咁恐怖。。。如果換第二隻會唔會咁呢？

龜之友

試下分開養一段時間，等大雙d再混養過。之前我都有咁情形，大隻左就沒問題。傷口未完全愈合有血腥味放落去實咬。

leonardomonster

回復 ron 的帖子

現時呈况都要先分開養住先。

ron

回復 leonardomonster 的帖子

明白，多謝分享。我都有唸過會唔會本身有病所以被咬，點都好啦，已經有人要咗隻咬的龜。

leonardomonster

我都有四隻鑽，兩個月前都有呢個問題！我覺得這現象有兩個主要因素，一就是缸的空間开始不足，二應該係被咬的龜本身有病，例如腐皮、生蟲、角化質等等。

edgar~y

我都有咁既問題,但冇咁嚴重, 一隻鑽仔5CM底甲,一隻紅肚4CM底甲, 鑽仔咬佢隻腳拉佢落水,所以我依家都密切觀察中, 鑽仔一蝦佢我就狂拍佢個頭

ron

即係話要賣咗佢啦。。。

kmb

其實鑽紋苗，經常會發生咁既情況，建議分開養,遲D冇埋條尾添

Nicole1010

ron 發表於 2014-8-23 10:54
如果無辦法，唯有賣咗鑽B，見到鑽A咁樣真係好心痛。我相冊果兩隻，深色D果隻係鑽B。 ...

絕對

ron

如果無辦法，唯有賣咗鑽B，見到鑽A咁樣真係好心痛。我相冊果兩隻，深色D果隻係鑽B。

Steve

好難,我現在分缸養4隻

ron

就係唔打算長期分開養，依家大缸深水養，點樣勁多障礙物？

bwpm3288

兩種,一係一缸一隻,一係勁多障礙物