關小小係未感冒？

candydeep96

水温同水面温度一直保持28度。之前有師兄話過我射燈太近所以掛左喺牆。有30cm以上。
但e幾日我發現佢有開口又合口，淨係開少少，好快又合返，發出格格聲。
其他正常，胃口一樣大，一樣活潑。無側身游。
因為加左濾水器，所以我每次佢食完野就會吸殘渣同排泄物，水溫會相差2度。係未換得密得濟？
格格聲令我好緊張，各位師兄師姐有無頭緒？

candydeep96

我終於知道點解啦。
我舊木時不時會有陣透明薄膜滲出黎水面上。好似養魚嗰d咁。
我見有濾水器，就唔一次換曬d水佢，
今日我大清個缸，一次過換曬d水，佢就無格格聲啦。
我懷疑係佢伸個小鼻孔呼吸時，層野有張力，佢伸頭上水面，層野就塞住佢小鼻孔，
阻住左佢用個鼻呼吸，所以，我決定e幾日買合適嘅台換左佢

Mike記

candydeep96 發表於 2014-11-9 13:28
我密切觀察多一兩日先，多謝你同各位成日答我問題

唔洗客氣！唔提議等多一、兩日，未聽過水龜問攞嘢食會發出聲響，只會向住你狂爬。快d去中蜂到買藥同敢經啦！我以前病死隻巴西龜，我就係久唔久聽到好微弱嘅「滴滴」聲，我嗰時就係懷疑自己聽錯，諗住觀察多陣先，點知兩、三日後就暴斃。

東方不敗

回復 candydeep96 的帖子

如果你下次養忍者龜,可以改名叫關人隱士

東方不敗

回復 candydeep96 的帖子

東方不敗

回復 janede1314 的帖子

咁你而家都小心d啦 ,突然凍咁多

janede1314

回復 candydeep96 的帖子

上次我家乖乖病時都係睇這間，那時不斷張開囗呼吸且有聲，有白色黏液，有水時不願落水，之後干養，用黑葯滴鼻也醫不好，仲要拒食，日間仲合埋眼冇精神，真的心痛又嚇死我了

余醫生好旺場呢，因為要急睇，所以睇了黃醫生，乖乖在鬼門關兜了個圈才回來呢

candydeep96

東方不敗 發表於 2014-11-9 13:38
http://faithfulvet.com/
我唔知係咪你講個個,因為我冇睇過, 你半夜二,三點仲唔訓去睇佢呀

係呀，就係e間呀！多謝你花時間搵俾我。感動

東方不敗

http://faithfulvet.com/
我唔知係咪你講個個,因為我冇睇過, 你半夜二,三點仲唔訓去睇佢呀

你試下一個星期都比蝦干佢, 睇下佢係咪冇聲

candydeep96

Mike記 發表於 2014-11-9 11:23
九成九傷風感冒，最好快快手醫。

我密切觀察多一兩日先，多謝你同各位成日答我問題

candydeep96

東方不敗 發表於 2014-11-9 12:49
但你後來放溫度計睇過係二十八度左右架,咁唔算過熱喎, 你一係去睇獸醫,有好多人話土瓜灣個間好好 ,因為我見 ...

我知你講邊間。之前上youtube講愛護turtle嗰d節目重溫都有佢，係未講嗰個？

candydeep96

小小佢而家都好鍾意落水。
我發現自從餵蝦乾零食俾佢食幾次就開始咁，
我餵完糧，無俾蝦乾佢食，佢就會開口合口係咁格格聲。
行開陣唔理佢，再行返過去，佢又格格聲，係未叫我：喂！你好拎蝦乾黎啦喎！
定我諗多左？
如果照janede1314咁講，佢又無咁嘅情況。
係有時佢下巴會跟呼吸脹大，同埋夜一夜都唔瞓，2，3點幾先見佢瞓著。

我要觀察多幾日再帶佢睇醫生，我唔想如果小小無病，我又俾藥佢，會令佢免疫變差

janede1314

如果在水入面開合就無事

如果不願落水，在離水地方個口不斷開到好大抖氣又發出聲音就是病了
還有留意有冇白色黏液

東方不敗

但你後來放溫度計睇過係二十八度左右架,咁唔算過熱喎, 你一係去睇獸醫,有好多人話土瓜灣個間好好 ,因為我見好多獸醫診所都冇醫龜, 一係去睇中鋒

Mike記

九成九傷風感冒，最好快快手醫。