巴西曬燈問題

小粒子

各位C HING, 我家亞成巴西青B剛剛曬完太陽燈後留係浮台上一直打噴嚏, 會不會生病？
另外請教各位C HING, 龜龜照完太陽燈後應該點做？小妹怕有溫差令到龜龜病...

照燈時間只能晚上, 因小妹清晨就要出門上班, 晚上才回家...

Cyranc

小粒子 發表於 2014-11-25 21:24
今晚亞成巴西唔肯食野, 只係水中不斷游, 家中而家制水中... 好勉強幫佢換到水同洗缸, 但應該唔係十分 ...

最緊要仲有活力.
睇埋中蜂睇下佢點講先.

Cyranc

回復 小粒子 的帖子

黑藥我冇試用過.
暖毯唔係好夠力, 除非好淺水, 如果唔係暖唔起的.

妳可以加少少切備, 就可以方便好多.

1. 時間制 - 控制開燈關燈時間

2. 加個恆溫器, set好個溫度, 再駁燈, 就唔怕過熱.

小粒子

今晚亞成巴西唔肯食野, 只係水中不斷游, 家中而家制水中... 好勉強幫佢換到水同洗缸, 但應該唔係十分之乾淨...

而家開左60W暖燈比佢, 佢即刻仆住爬上浮台哂, 仲哂到伸哂腳, 甘我係唔係一直開住比佢哂？佢一落水久唔久會吐一個好大既空氣泡, 好似係水中放屁甘, 但未有側身游水。

上網睇POST初起感冒唔好用藥, 甘我仲比唔比黑藥佢滴好？

PS. 佢仲有便便排, 一換完水就排..

東方不敗

我同事隻長期放廁所養， 冬天靠佢地沖涼時熱水， 令室內溫暖， 越養越大

小粒子

回復 Cyranc 的帖子

可能係太過呵護…… 果時隻大巴西係苗期冇落暖管照落水過冬……

今早亞成巴西胃口比起琴日好大對比，食剩好多糧，今早滴左黑藥，佢掙扎得好勁，我用針筒滴落佢鼻到，揸住佢一分鐘到先放返入水，但唔知d黑藥有冇成功入到去…………

其實可唔可以用黑藥浸糧比佢食？如果可以，藥既份量係幾多？

今早開左一分鐘暖燈，佢好想爬上來哂，我怕佢又照過頭太熱加重佢個病所以即熄，之後佢係浮台邊水中苦苦等候我開燈，害我今早出門口上班勁心up…
換個60w暖燈以37cm距離照住佢得唔得？我未買控溫，驚佢照過龍…… 我返工時間好長，出門開左燈既話我只能打返屋企叫家人幫手熄燈，其他佢地唔識。

琴晚諗過好唔好去買暖墊取代暖管？放缸外底熱度平均d。

我最快都要28號先帶到佢去睇中峰兄，果日剛剛轉返夜班，可以返工前帶佢去睇，所以要依幾日唔好比佢惡化。Orz

Cyranc

小粒子 發表於 2014-11-25 00:44
回復 東方不敗 的帖子

再買器材會比家人鬧, 因為大巴西係咩都冇之下裸缸長大到12cm, 而家中巴西同草b們太 ...

巴西其實好粗生

細個時, 唔會有咁多野,
是但一盤水就養得大,  嗰時都未知要加暖管

只要過到幼體期, 成龜應好壯.

另一個角度, 會唔會而家太過呵護, 所以龜的抗病能力反面弱左....

Cyranc

小粒子 發表於 2014-11-25 00:33
回復 Cyranc 的帖子

如果再要拉遠少少距離就冇得拉了, 缸附近冇野比燈夾夾住, 我有隻齋uvb5.0白燈, 唔熱的 ...

照UVB, 要配合溫度先有效

不過我d龜都唔會成日有機會接觸UVB, 又唔覺有乜問題.
所以我自己本身都懷疑是否真係要照UVB.

有機會就俾佢地直接曬下太陽

以前養過大草龜, 佢地直係會爬到屋內有太陽的地方曬.

Cyranc

東方不敗 發表於 2014-11-25 00:25
回復 Cyranc 的帖子

唔記得邊個post睇過,話龜好易焗親,唔係淨係凍親

都好似係.

東方不敗

回復 小粒子 的帖子

咁你搵好d溫度分怖先

小粒子

回復 東方不敗 的帖子

再買器材會比家人鬧, 因為大巴西係咩都冇之下裸缸長大到12cm, 而家中巴西同草b們太過多野用... 所以佢地應為唔需要甘多儀器養佢地

小粒子

回復 Cyranc 的帖子

有棉有生物環 ,有keep住換 但都係病死, 所以我幾隻龜缸都係冇過濾

寧願自己辛苦少少換水, 硝化系統對我來講太恐怖, 我對複雜既野冇符

東方不敗

回復 小粒子 的帖子

uvb未必要晚晚影, 而家d糧 有鈣 , 如你一星期比佢晒一陣太陽,咁都可以了, 點解唔買多個燈罩 ,我見養龜的個個都二,三個燈罩, uvb ,暖燈 ,夜燈

Cyranc

小粒子 發表於 2014-11-25 00:24
回復 Cyranc 的帖子

因為以前有養魚, 以前又係人手換水, 兩條魚養得好地地, 仲放埋草比佢有泵, 一切都冇問 ...

妳過濾有冇換棉?
如果講硝化系統, 可能有d複雜

如果淨講白棉, 如果冇換, 就會積左大量有害細菌,
濾水器就會變左毒菌的集中地, 水質自然受影響,
生物亦會被細菌影響而病變.

龜的話, 我係一星期換一次棉.  (取出時都幾污漕)
3-4日換一次水.
(當然要視乎缸大小而定)

沒有濾水器, 在夏天時水好快臭.

東方不敗

回復 小粒子 的帖子

咁佢舒服就得,不過我地講ge係用野度可信過自己估,但睇到佢咁舒服冇問題

小粒子

回復 Cyranc 的帖子

如果再要拉遠少少距離就冇得拉了, 缸附近冇野比燈夾夾住, 我有隻齋uvb5.0白燈, 唔熱的, 明晚比佢照依個？ 平時燈暖笠笠佢先肯上照, 仲要指定係食完野換完水先肯上浮台, 唔係死都唔肯上去照

Cyranc

小粒子 發表於 2014-11-25 00:15
回復 東方不敗 的帖子

敏感既意思係...？ 即係佢而家唔係感冒嗎？

燈可以照, 但一定要留意溫度.

而家我睇住幾個缸的溫度計, 冇加溫的, 都有25-26度.

如果而家照燈, 可以會熱到三十幾度.

過幾個月, 溫度如果降到得返10度,
到時keep返37cm, 可能會係溫度適中.

所以而家調整距離較重要.  
(但太遠UVB又無效)

東方不敗

回復 Cyranc 的帖子

唔記得邊個post睇過,話龜好易焗親,唔係淨係凍親

小粒子

回復 Cyranc 的帖子

因為以前有養魚, 以前又係人手換水, 兩條魚養得好地地, 仲放埋草比佢有泵, 一切都冇問題, 之後就試用過濾, 冇耐d魚就開始病, 應該係個過濾處理得唔好, 點整都係病,最後死哂, 養過兩三次都係病死, 所以唔再養, 自始我怕左d濾水器
甘我比返佢用75w, 但75w果隻冇uvb功能,齋暖燈而己, 最細果隻得60w暖燈... 我房有幾隻暖燈

而家佢仍然係到水中打噴嚏, 聽到水有bu 一下泡聲

我知100w熱, 所以冇比草苗用, 我開頭有望隻亞成巴西, 如果佢熱到走開我會唔比佢用, 但我見佢照到好舒服伸哂腳所以就比佢照

Cyranc

東方不敗 發表於 2014-11-25 00:18
回復 Cyranc 的帖子

我驚佢支燈太近焗親

係呀

我而家都有隻龜b, 溫度我真係睇到實.
一出事, 未必救得返.

龜b好易中招.