我的寶貝我的故事

kara

我相信每個人都有你同你d寶貝既故事...
而呢個就係我同我既寶貝既故事同佢地既名既由來...
我屋企依家有2隻陸龜....
一隻星一隻盾....
我隻印星個名係朋友幫我改既...
因為係我第一次養陸龜...
個時我既設備都未完善添..
而且一養仲養星添...
更何況自己養龜唔係好叻....
跟本講得上咩都唔識...
但好好彩...
我位朋友一路咁幫我教我唔厭我煩...
佢仲為我隻星改左個好有意思既名添...
可能大家都會覺得個名好好笑好得意...
但個名背後其實既意思係想佢健康強壯咁成長第時要好似個沙煲咁大....
所以就幫佢改左個名叫做沙煲仔
個時仲勁白痴...
都唔知塊磚掉轉左添呀.....



另一個故事...
佢係我朋友好愛鍚既龜黎...
原本佢唔打算比人...
因為呢隻龜佢有一個故事...
剛番黎冇內...
佢已經開始有問題出現....
眼睛慢慢咁向後移....
跟住隻眼就生左粒倉...
粒倉愈黎愈大...
粒倉仲大過佢隻眼...
個時開始已經唔食野好瘦好弱...
之後慢慢結蕉塊蕉仲甩埋添...
係個個期間...
佢經歷左好多野...
生與死啦..
去同留...
個個都話佢冇得大嫁啦一定死....
點知原來唔係...
錯啦...
冇人估到佢既生命力咁強...
佢慢慢咁好番...
仲愈黎愈健康添...
而且仲愈黎愈大隻...
雖然粒倉結蕉甩左...
但佢甩左之後仲有個大窿係到...
個窿仲會有d好似鼻涕既野流出黎...
但呢個窿都慢慢咁愈黎愈細...
雖然都仲有d鼻涕流出黎...
但已經好左好多...
生活跟本冇問題仲好活潑添...
佢已經由當時4-5cm大去到依家12cm啦!!!!!

佢個名叫無鼻仔而且都叫(小呆同學)
好多朋友都話佢好靚...
呢個世界冇野係完美...
就好似人靚唔代表聲甜...
聲甜唔代表人靚...
我唔相信有十全十美...
但我相信有缺憾美...
缺憾也是美....

心寒

回復 龜大仙 的帖子

我會的了，多謝師兄

龜大仙

回復 心寒 的帖子

龜龜在天上也感安尉了,還有人記得牠,加油

心寒

其實我都有一個小小的而且很普通的故事
從細到大我都好中意龜的，家中嘅龜龜玩具都算多不勝數……
但係我一直都堅持唔養龜，因為我怕自己三分鐘熱度，養一排唔養;
又因為知道自己唔係成日反屋企，怕我疏忽照顧;亦因為自己的知識貧乏
所以我一直都叫人唔好送龜當禮物，要送便送玩具，公仔
但係我真係好中意龜，鐘意到為左龜而去讀理科(結果卻又不像預期/.\  )
直到今年生日，我女朋友終於忍唔住買了隻紅耳比我……
嗰一次，係我唯一一次罵佢(雖然好慘………)……話雖如此，但我確實高興左好耐
亦都喺嗰一日，我嘅生活澈底改變了
無論咩時候我都上網學養龜，不論上緊堂，撘緊車，沖緊涼(順帶一提，我大便時會比較專心)
而且每晚都爬文到三四點……甚至試過比lecturer趕出課室(7死………)
每一晚反去都掛住睇佢，甚至同女朋友鬧交
可惜……牙龜最後卻死於我手……
之後我幫佢搵左達幾好的地方(至少我認為………是在我家山上一座庵堂的後面，希望他多聽佛經早日成龜仙人，而且背山面海，好風水:-))
傷心左好耐……又爭扎左好耐，唔知繼唔繼續養……
最後，我唔希望牙龜成為我嘅遺憾，我唔想牙龜嘅死死得毫無意義，因為我知牙龜唔會想我因為咁而放棄自己所愛的……
所以我決定再養……
不過，直到而家我都未買，我想買齊設備，學到更加多嘅野先養
而家，我一如既往，有事冇事都會上黎遊盪，參考下各師兄師姐的經驗
希望遲點有問題時各師兄師姐能教教小弟
希望各位可以祝福我牙龜在天堂(不是海天堂！！)開開心心，搵到幸福吧！(成到仙就最好了)

石J

我一見到我隻龜時,就不再猶豫,買左佢:http://www.youtube.com/watch?v=H ... e=related

kara

回復 Koa 的帖子

多謝...
其實你都可以講下你同你既寶貝既故事個WO!

Koa

感動。。。好鐘意沙褒仔個名吖

AKIBB

好野,,希望您D龜龜健健康康咁長大
您比心機

joechung

gooｄ　ＧＯＯＤ

jimmybyc

回復 kara 的帖子

從小喜歡綠色,第一隻接觸的龜正正就係綠色的巴西龜,小時候不懂得什麼換水,哂太陽的道理,經歷過無數隻可憐的巴西龜死在我手,我認為自己滿手鮮血不宜再養動物,而我的龜盒都變成了花盆.
在我對種花略有心得之時,卻來了條Coffee,當時的我卻不會考慮將來,養了狗的我,有很多年沒有離家超過3日,去不了旅行,去不了宿營,代價是養一條呵護有加的狗.
基本上Coffee已經成為家中,不可分割的一部分,負責感驅使我照顧Coffee的一生,我卻忘記了Coffee有多大,只知他變老,那怕有一天,當我換好衣服出門之際,他卻躺下不起,我雖知道這鐵般的事實,但我卻不敢面對.

隨著Coffee的年紀不斷遞增,他的活力已不再從前,可算是一條hea狗,為了令家中多了一份生氣,我再次養龜,但我知道龜的下場很有可能病死收場,所以我費盡心思爬文,請教論壇的師兄,再參考其他書籍,結果成功養了2隻巴西龜,1隻密西西比地圖龜,1隻蛇頸龜,2隻佛州鱷龜,加上Coffee,共7口子.
儘管我起初抱著實驗的心態,由最普遍的巴西龜一直到較難服侍的蛇頸龜,過程中我深深體會到生命的脆弱,生命的可貴,生命的價值,從而了解到生物的奧妙.
this is the beauty of life!

kara

回復 工友 的帖子

我會等的....
水龜@@?

工友

回復 kara 的帖子

哈哈 等下
等唔切既去水龜區睇住少少我d笑料先

kara

回復 工友 的帖子

甘我就等你啦！

工友

回復 kara 的帖子

等我下次好似妳咁 有感而發
就寫篇野比大家分享下啦!  

kara

回復 工友 的帖子

每個人都有嫁啦...
不如你又分享下呢

工友

回復 kara 的帖子

kara姐感性既一面

kara

回復 lukehui 的帖子

寶物尋歸底是嗎

lukehui

我岩岩先睇倒呢個故事...好正!

kara

不如你地都分享下你地既故事啦!

kara

回復 kkiop 的帖子

多謝多謝!!!
多謝你咁有心機睇仲加我分添!!!

kkiop

雖然加得1分
but 真係5+5得