第一隻龜大概可能都已經有廿年前, 係巴西龜, 果時好細個已經冇乜印象, 養左幾年, 佢大個左之後係屋企放養周圍爬, 周不時會係自己張床個床"啦"度搵到佢, 成日玩失蹤, 要搵番佢出黎食野, 有時搵唔到唔搵佢過兩日又會自己出返黎(通常搵野都係咁), 直到有一次, 又唔見左佢, 好多日之後都係搵唔到, 反轉左間屋都搵唔到佢, 就知佢離家出走了. 佢叫龜仔.
第二隻龜係龜仔離家出走之後的幾年, 我都仲係小學(至中學左右), 呢隻係暫時最鍾意既龜龜, 佢都係巴西龜, 冇同佢叫乜名, 都係叫龜仔. 養法同之前都係一樣, 細個用膠兜, 大個左散養, 佢食野既地方係我地一個唔要既電飯煲內膽.
龜仔佢好乖, 就算放佢周圍走, 佢都自己識走返廁所範圍先大便(我地唔識幾時同佢浸水之類控制佢排便的), 不過都有試過佢腸胃有問題, 係個廳爬爬下突然間賴左, 見到成條魚痾番出黎, 不過佢賴果下衝得好快, 係向住廁所方向的, 唔知係咁岩定係佢想去廁所.
平時鍾意追人腳, 同追鞋, 會對住你隻腳指手震(求偶?!) 初頭我地會同佢玩下俾d反應佢, 後黎有時排住打下機或者做緊其他野, 完全唔理佢, 佢震得耐你都冇反應佢會唔開心咬你腳指, 不過咬得唔大力, 唔痛的, 應該冇認真咬. 但係突然間咬你, 你當然會縮啦, 跟住佢就會嚇親, 好傻既樣.
佢鍾意晒太陽, 成日趴係屋企d門檻位度好舒服咁晒太陽, 成日晒到瞓著. 佢唔驚人, 我最鍾意同佢沖完涼等佢乾左身之後放佢係手上面, 摸佢個頭, 佢唔會縮, 最鍾意摸佢對紅耳個位, 軟林林, 佢又好似好舒服咁, 會摸下摸下合埋眼瞓覺, 好一幕老人與龜的景象.
好景不常, 有一年冬天, 佢冬眠後, 對眼腫左開唔番, 果時唔識要點幫佢, 屋企人都冇人理. 見住佢食唔到野, 愈來愈虛弱, 好似好驚咁, 到後來去捉佢佢會開口恐嚇人, 就知佢真係好辛苦. 最後我老豆偷偷地將佢"放生"左去公園, 其實大家都知道, 佢咁既情況放佢走, 佢唔會生存到.
然後好多年都冇要養龜了, 到十幾年後, 兩個月前, 再次被龜龜吸引到, 因為知道巴西龜惡, 想養下唔同龜, 但係始終新手, 睇左d唔同龜種既文, 諗左一段時間後, 決定養草龜.
本身諗住過左冬先買, 但係最後都忍唔住, 最多加多條暖管俾佢啦>< 果日去到龜店, 零零舍舍見到佢好活潑, 係咁想爬出黎係咁游水, 就揀左佢. 俾左錢行開左幾步之後, 發現佢有一隻斷指, 傷口仲有d白色, 不過已經買左冇辦法, 見佢受傷都咁努力, 應該都幾有鬥志!
佢一返去就肯開口食糧了, 仲要好大食. 冇幾日發現佢有少少爛甲, 同佢挑左d爛甲同乾養之後, 而家慢慢好番了. 過程中一直都好大食好活潑. 一開頭上手佢會係咁掙扎想走, 而家慣左上手都好乖咁趴係度伸晒手腳好relax咁了(除左同佢沖涼果時搵水沖佢佢會掙扎).
佢而家已經大隻左好多肥左好多了, 我同佢改左個日本名, 叫肥野龜次郎. 因為日本人好多時都會叫個姓, 所以改左呢個名, 我可以直接叫佢"肥野"! 而"龜次郎"首先因為佢係龜黎, "次郎"係要黎提醒自己, 雖然養龜係自己興趣, 自己係好鍾意龜, 但係佢永遠只可以係次要, 家人伴侶永遠要係首位.
好長, 分享完畢. |
[複製鏈接]
發表於 2011-9-9 00:09:11
收藏
分享
提升卡
置頂卡
變色卡
發表於 2012-2-17 14:36:43
發表於 2012-1-10 22:35:42
(不過無用)
因為佢行入左廁所 阻住我沖涼 我叫佢出黎話會點點點...成日都俾我呃左出黎@@
樓主