我與3隻小魔怪的奮鬥史(不喜物插)

古蘭修 · 發表於 2011-9-16 23:44:07

8月21日豹龜呀B黎到我屋企係挑選既時候我同我老婆仔一齊揀中左佢...拎上手果時佢係我身度痾左篤尿.....
因為初時我仲未做好晒功課就買左呀B 佢只能夠住係一個窩居無燈無保溫...草粒底材....只能早上晒1-3小時太陽.....
當時既我實在太大意擺佢係窗口自己又訓左....起身果時發現佢有流汗....(好多人未聽話龜流汗....)
我即時帶番佢去浸白開水等佢補番D水....佢果日好 "支力" 好早就訓左......
養左幾日...

8月25日我去左爬地買多隻盾即係卡卡....咁我將佢地兩個安置左係一個大膠箱(日本城出品)草粒+樹皮+報紙底材.....仍然都係無燈......
卡卡同呀B相處得好好卡卡好食得....(呀B唔洗講一向大食怪)無咩問題...佢地一齊食...一齊訓...一齊玩水.....但係呀B早訓卡卡就會係山洞推番呀B出門口XD(卡卡會夢遊訓訓下夜媽媽3點幾走出黎巡場一圈再番訓=.=.......

8月27日我發現卡卡今日唔肯食野.....我就發現出左問題.....佢唔太郁又好無精神.....開頭我都係以為佢悶無朋友仔想買多個老友記番黎 (始終呀B唔係同類)食野都係食一兩啖...有入無出...
8月28日卡卡情況更加差我好擔心我用葡萄糖開水浸卡卡之後上左黎龜友求救援助..幫忙...怒罵....插水.....大多都出於好意..... 因為太驚卡卡唔掂...我情緒變番好差....唔聽人講....甚至惡人先告狀......太差喇....同日我帶左卡卡出去爬地求救.....果日我終於買左UVB燈..... 一夜白髮(卡卡既救命恩人)佢教我搵電解開水浸卡卡如果無就用寶礦力浸.....(只可以咁......) 跟白大指示去做用寶礦力開水比佢波一路浸一路推甲終於比我幫卡卡推到酸
不過佢有d結石 d酸係硬身既咁我而家仲有咩可以做我可以點做已有UVB燈長開白大人叫我比水果糧佢食食足2個月

8月30日我果日出左去超人度入左隻巨無霸BB盾(坦克) 佢錯甲但係好健康 ..有一隻紅眼.....(原因不明)
果日我好開心因為克仔一番到屋企卡卡已經好番好多識行識走仲好大食終於鬆番口氣.....

9月3日我帶左克妹番去超人度換左呀呆番黎/.\"我都唔想.....克妹好暴力........同日我買左個新箱比佢地3個住.....算係個好開始
呀呆番黎第一晚就比我釘佢單人倉...都係果句你唔食都唔係訓係D野食度丫......又暴力.......

9月5我幫卡卡呀B 呀呆做左個健康生長表呀B6.5CM 80G 卡卡 6CM 60G 呀呆 6.5CM 60G

9月14 呀B去到90G 6.7CM底甲卡卡 65G 6CM底呀呆 70G 6.5CM 呀B仲開始爆白......

佢地而家好健康好大食連卡卡都識自己排酸喇呀呆都係
而呀B...都仲係改唔到一上手就尿尿