低水位 過濾器一問

johnnyhk323

下晝新加一支暖管 到夜晚啲水就開始混濁

請問有無邊類係低水位的過濾器可以介紹

個缸係12吋的 附上圖片 請幫幫手 唔該晒

mikeyan84

https://www.aquaessentials.co.uk ... sap-500-p-7394.html
用緊！波蘭制幾好用！可放細粒ph生物環！金魚街有買！大約$二百樓下！

dmchiu

waterwater 發表於 2016-2-17 19:07
其實我個缸有D地方係唔合規格㗎，唔想教壞你地所以只可以講出黎，不過可以講係水深和清缸養，我無 ...

謝謝分享！我覺得簡單就是美。

waterwater

dmchiu 發表於 2016-2-16 17:01
C 兄, 可否影個缸同setting 參考下??

其實我個缸有D地方係唔合規格㗎，唔想教壞你地所以只可以講出黎，不過可以講係水深和清缸養，我無放任何野係因為唔想阻龜龜游黎游去，石春都唔放係因為有時我會用吸管吸便便，龜龜就算食飽見到便便都照食㗎，而且發覺清缸＋燈＋龜龜＋浮台個缸就已經好靚。當然，响外國嘅教學，佢地一般都會叫加石春石頭植物等黎營造番個自然環境比龜龜，但呢D豪宅，要等我發左達住千尺單位時先可以比龜龜lu，到時起個遊樂場比佢地都無所謂啦！

其實我都想知有無D裝置可以第一時間過濾到缸中嘅排洩，等龜龜唔駛食番自己D 便便，我見到當然會第一時間吸走去，但夜晚我瞓左佢地就開「大餐」 。

dmchiu

waterwater 發表於 2016-2-15 19:32
參考：以前用過細過濾，但越換越大，皆因龜龜太大，無番咁大個真係唔得，落重本下終於水清龜靚，一年可以先 ...

C 兄, 可否影個缸同setting 參考下??

johnnyhk323

多謝教導  我已經買左個濾水器
今晚回家就開始再setting 唔該晒!!

hugo11

waterwater 發表於 2016-2-16 13:38
贊成，但龜龜大得好快，巴西龜一般一年時間就會好大隻，所以都要開始諗定點再set缸，另建議養龜要深水好 ...

多謝晒師兄指導真係好實用~set一個缸唔識有排慢慢摸索

waterwater

vvbb708 發表於 2016-2-16 11:46
養水龜最好清缸養/一兩舊大石 有個曬台比佢乾身
白色既係白棉 密度高D 但要成日拎出黎洗 仲要定期成塊換新
...

係，我果時都係用齊，但只係無心插柳，因試過唔得又買新，舊棉就唔想浪費加埋落去，結果發覺效果好好，藍黑色粗嘅就隔大舊排洩，再到細棉就隔較細嘅，最後生物環就去味去細微雜質。當然，我龜龜係好大隻先要落行架生，其他細嘅就唔知效果。

waterwater

hugo11 發表於 2016-2-16 11:50
我就認為等佢哋再大返小小再set過個缸先用過濾都未遲，咁細隻又點會咁快水質差~(定時格日換啲，未開口更唔 ...

贊成，但龜龜大得好快，巴西龜一般一年時間就會好大隻，所以都要開始諗定點再set缸，另建議養龜要深水好，因龜龜係好鍾意游水㗎，有水游佢地會好開心，我上外國網搵資料，原來佢地都係咁講，比番個浮台佢地休息曬太陽就得，不過龜龜嘅龜息時間可以好長有幾小時，無氣時佢地會自動浮上水呼吸，我龜龜一般都係鍾意沉底瞓，我捉佢地上岸曬佢地都係跳番落水。另，用生物環又係要用靚果隻，當然靚嘅就代表貴，但無辦法，因我當就係貪平試過幾隻花好多時間和金錢就得不償失，雖然肉痛一時但一勞永逸，淨用濾棉無生物環都可以，但就做唔到水清到無和完全無味嘅效果，而且用生物環係要時間養菌，要用一段時間後先會起到效果，約半個至一個月，果段時期會好迷惘係咪有效。

hugo11

我就認為等佢哋再大返小小再set過個缸先用過濾都未遲，咁細隻又點會咁快水質差~(定時格日換啲，未開口更唔洗太密換~

vvbb708

養水龜最好清缸養/一兩舊大石 有個曬台比佢乾身
白色既係白棉 密度高D 但要成日拎出黎洗 仲要定期成塊換新
藍/黑色係生物棉 密度低D 因為密度低 只係隔到D大舊D既野 得閒拎出黎洗 可以重用好多次
入水位先放棉 棉後面就用生物環(生物環洗果陣 要用番缸D水 唔好用水喉水 唔係D菌會死曬 棉可以直接用水喉水洗都得)

loklokkenny

淘寶有一款岩用,找低水位過濾器

jackytung

留名學野~_~我都要換濾水器@@想換個511濾桶...但係有好評都有唔小比較差既評語..唔知換咩好

johnnyhk323

waterwater 發表於 2016-2-15 19:32
參考：以前用過細過濾，但越換越大，皆因龜龜太大，無番咁大個真係唔得，落重本下終於水清龜靚，一年可以先 ...

咁即係基本上買過最少有二層過濾的
放生物環同濾棉入過濾到 之後將石仔，假山收走
再放浮石比佢地上去休息下 咁就可以?

請問下 我係魚街見到有啲棉係白色 有啲係藍色 有分別嗎?

唔該晒

waterwater

參考：以前用過細過濾，但越換越大，皆因龜龜太大，無番咁大個真係唔得，落重本下終於水清龜靚，一年可以先換一次水，每三個月就洗濾器濾棉一次，平日根本不用打理，因水深，龜龜不停上下往返玩得游得好開心經常咀角含笑，三隻養到好活潑亦無病無痛，呢段時期係佢地最開心嘅日子。我果時係用生物環加濾棉，就算龜龜多屎或開完餐搞到好混濁，但過兩三個鐘就可以回復番清到無水咁。

vvbb708

我自己用濾桶既有511同個彷501
如果想缸水好D 餵食係其他盒到餵 食完先入番缸 會無甘多糧碎
潛濾都係用黎過濾下水中D雜物 去卡奇汁個平平地既用住先 但D環要換靚D

johnnyhk323

vvbb708 發表於 2016-2-14 23:50
潛濾應該用到

有無好介紹?  功效係咪一樣?   最主要係想啲水清啲 其實我依家日日都有換水

vvbb708

潛濾應該用到

johnnyhk323

再附上一張近照 原先水係清的 依家變成淺啡色帶濛