新手請問金魚街舖頭

eric4a19

之前有投票區關於服務態度差店鋪
請問各位有無邊間買龜及設備的商舖有信譽，有保障？
不想買到有問題龜

raymondcheng

古羅洛斯 發表於 2016-3-22 23:31
哈哈,你果然係新手,呢兩款龜真係好難答你,因為呢兩款龜喺一般爬店係冇得賣,至少你之前肯定搵錯帖嚟睇{:13 ...

GOOD POINT!!!

古羅洛斯

eric4a19 發表於 2016-3-22 17:37
Thanks
新手，所以想養草龜或巴西

哈哈,你果然係新手,呢兩款龜真係好難答你,因為呢兩款龜喺一般爬店係冇得賣,至少你之前肯定搵錯帖嚟睇
呢兩款龜喺魚街甚至一般水族館都會有,但要揀健康活潑嘅都唔易,因為通常都大量養埋一齊,所以喺舖頭嘅時間耐咗可能成兜龜都有病,所以你真係想買就唔可以心急,因為只要你有耐性,夠細心,其實你會留意到係會定期返貨(係一位好八卦嘅師兄話我知嘅)喺嗰陣揀呢兩款龜我個人覺得未必唔係好事,好處係如果你揀啱活潑嘅心水龜,可以令佢盡快同其他有病龜隔離,而壞處係假設就算佢係健康龜,都要令佢又再從新適應環境,坦白講其實又係一個風險兼且係撞手神,所以如果真係有心養,至少要做好一個理想環境先買龜都未遲嘅我諗師兄都係想由苗開始養起???

古羅洛斯

jackytung 發表於 2016-3-22 01:25
我都試過   我係奇xX 買左隻刀蛋苗斷左指..之後係另一間買多隻..又係斷左指唔知有無斷根希望生得 ...

哈哈,買旦龜苗其實應該要帶放大鏡比較穩陣

eric4a19

古羅洛斯 發表於 2016-3-22 01:15
我覺得好難講,始終間間都有病龜嘅,你想買邊種龜,買之前上網睇資料,外觀點為止好,同埋睇清楚五官有冇損傷,龜 ...

Thanks
新手，所以想養草龜或巴西

jackytung

古羅洛斯 發表於 2016-3-22 01:15
我覺得好難講,始終間間都有病龜嘅,你想買邊種龜,買之前上網睇資料,外觀點為止好,同埋睇清楚五官有冇損傷,龜 ...

我都試過   我係奇xX 買左隻刀蛋苗斷左指..之後係另一間買多隻..又係斷左指唔知有無斷根希望生得返 都係怪自己無cheak清楚 好在依家都健健康康無病無痛係斷左指甲姐 雖然我自己就覺得自己養係咪全品無咩所謂唔重要最緊要係係健健康康....不過有齊全無病既都係想選擇一隻架啦

jackytung

goodlai6888 發表於 2016-3-21 21:23
漁佬……

漁佬的確唔錯既..但係無乜水龜苗

古羅洛斯

我覺得好難講,始終間間都有病龜嘅,你想買邊種龜,買之前上網睇資料,外觀點為止好,同埋睇清楚五官有冇損傷,龜殼有冇畸型爛殼凹凸洞,四肢指甲有冇缺損,皮膚有冇傷口脫皮之類都要留意,內在好難睇,觀察下有冇精神,攞上手爬行有冇力量,會唔會輕易可以返轉之類,觀察多幾分鐘,一間良好嘅爬店,如果你唔過份,一般檢查係絕無問題,再唔係搵個朋友陪你去睇比較好,當然佢熟識龜龜就更好啦!!!