本帖最後由 steplui 於 2011-10-3 13:45 編輯
養寵物，除了心機、耐性及時間外，金錢都不能少！ 看！我們又去了魚街買龜龜的東西！又買？咪係！ 天氣轉涼，Fanta又間歇性有 鼻水，都要做好點保溫才行。
Mazuri龜糧，由奇珍屋的超人推介， 仲介紹了我去賣Mazuri賣得最貴的洞記，暈！ 買了之後才上龜forum見到「爬地」散裝賣$60/磅。 這一包原裝賣幾多錢？承惠＄168/磅! 我只好自我安慰，這一包一定是正貨及知道幾時過期！ 超人呀，超人呀，你係唔知價？定係唔想我幫趁樓上呀？
這塊少少的暖氈，承惠＄190。 超人話要一年365日都開，保持溫度。如長期開燈保暖會對龜龜的眼睛不好。超人教我們把它放在底材下面，底材不要用磚、報紙，要用草粒。草粒可保存暖氈的熱力。回到家取出暖氈後，先看看說明書，說明書話暖氈要放在缸外，貼著缸底... 當我在思考跟說明書還是超人的方法時，Aidan說：「不要再看說明書了，跟超人的方法啦！人哋養咗龜廿幾年，信佢！」嘩！相信人的程度可以如此高！他信你，你的說話就變成權威啊」勁！
草粒兩包（＄75），勁重！一個月要換一次。
人要營養，動物都要！一星期餵一次。又＄70！
再加了一棵75W的燈， 超人話，加溫至35度就不會流鼻水，不用吃藥！ 真的要吃，俾少少兒童幸福傷風素就得！ 咁都得？ 照下燈先，暖氈放了在山洞下，微溫，真的夠暖？ 但太暖的話，又怕變了焗龜！
| 
[複製鏈接]
發表於 2011-10-2 18:44:22
收藏
分享
提升卡
置頂卡
變色卡
R.I.P
, 所以咪唔走囉. 其實好易知龜仔夠唔夠暖, 因為龜係冷血動物, 佢唔似溫血動物咁識自己調節體溫, 當佢地唔夠暖或者凍既時候, 佢地會唔願動, 淨係瞓, 而個龜殼亦會凍冰冰, 咁都可以推斷到佢唔夠暖. 而當佢熱既時候, 同樣個殼會熱. 因為佢地既體溫係隨住氣溫而變化, 所以如果氣溫過低, 佢地好常都係瞓. 唔飲唔食. 亦好大機會會凍親. 所以你會睇到呢到D師兄姐成日係答問題前都問, 溫度幾多, 同其他同類問題. 其實而家夜晚都唔使加溫住, 因為都有成 24-25 度, 因為日夜係要有溫差, 例如非洲, 盾既原生地, 日頭同夜晚氣溫差好遠(太詳細我都唔識
) 但如果遲個幾月, 夜晚得返 10 幾度, 最好都係買返個夜燈或陶瓷膽, 將箱入面既溫度 keep 住 24-25 度會安全D, 尤其係龜 B. 以上都係係D經驗豐富既師兄身上學, 而我兩隻盾B都順利地過到上年個冬天. 而我一直都冇用過暖氈, 只係盡量 keep 溫度. 希望幫到你. 
唔好意思,提起妳傷心事,唔知隻星已經魂歸天國.
樓主