求救!!巴西龜bb吾知咩病

Ling208

我隻巴西龜bb養左大概半年 一直好健康活潑
但前3日佢屙左大量屎 D屎爛爛地 呢兩日都無再屙 然後開始吾太郁又吾食野 依家佢2日無食野越來越虛弱
佢吾想落水 我放佢落水佢會沉左落底然後掙扎住游返上舊爬石
又吾似肺炎因為佢無張大口呼吸
同埋佢有臭味 但皮膚吾見有爛
殼開始養無幾耐已有D白色野
吾知佢做咩事

想請教師兄們知吾知呢個情況系咩問題？
同埋應該點治療？
我依家每日比佢浸一次黑藥+Electrolyte & Vitamin D3 , 咁做ok嗎?

kiken.

補充
如個體容易有皮膚病、（例如看見、頸、手、脚、尾巴生有長幼白色幼毛、好似棉花幼絲咁）
除曬天然太陽 或 曬uvb燈以外、（天然太陽是最好、曬太陽時留意防止中暑的事情發生）
可用隔1-2日或數日的水 或 用淡水魚専用的水質調節水

Ling208

kiken. 發表於 2017-5-24 13:57
下列乃個人的所知和提意 僅供參考

糞便 :

thank you

kiken.

下列乃個人的所知和提意 僅供參考

糞便 :
爛便 :  腸炎 / 消化管内寄生蟲 / 食物中毒 / 飼育溫度不適當
糞便帯紅色 :  重度腸炎 / 消化管内異物
糞便帯有多透米白色粘膜粘液 :  消化管内寄生蟲

肺炎 :
從初期傷風至肺炎重症過程 :  
鼻水、鼻涕、打乞嚏、鼻孔不暢通、側遊、不願下水、開大口呼吸、開大口發出怪叫聲
但需注意因水龜會在下水的時候被水沖走鼻水、鼻涕、所以會容易令主人不易發覺。

甲殼白白地一達達 :
可能真菌感染、可能細菌感染
如平時只餵乾糧、可能是真菌感染、（好似人類既灰甲）、可考慮搽命脈牌真菌浄。 幼亀期、即背甲長度5-6cm或以下時、個人提議約2日搽一次。
如平時餵乾糧及生肉、或只餵生肉、可能是細菌感染、如情況嚴重時、受感染部位的甲殼會逐漸變軟、及下層的骨板肋骨被細菌溶解、可考慮搽人類用的抗生素軟膏。（偶然之下我試過的幾次經歴、用自己的手指輕輕捽下龜龜甲殼白色之處時、細菌的話、會令自己的手指感覺痕癢、隨後自己充分用洗手液洗手沖水。 但如是真菌的話、多次都不會令自己的手指感覺痕癢）

不論是真菌或細菌
除基本平時需要曬天然太陽 或 曬uvb燈以外、
幼龜期1日進食1-2次後、如沒有用強力的濾水器的話、食後馬上換所有的水、以免因留有食物殘渣令水質惡化溫藏細菌助長細菌増生。　
換水時、先將龜龜放入和原本缸内水溫相約水溫的容器内略為浸身、順便用微濕毛布或微濕紗布抹下甲殼、特別注意抹下甲殼的成長紋處、因這處通常較易藏汚物和細菌。
換水時、缸内物件（例如、石頭仔、浮台、曬台...等所有物件）順便用刷或洗碗紗布刷洗、膠缸的話用不刮花膠缸的清潔布、或海棉刷洗。
如換水後再有大量糞便時、再換水。　如是小量糞便時、用金魚網取走糞便。

有臭味 :
可能水質不潔或惡劣所發出的臭味。
可能身上有爛甲、蛀甲、細菌入侵甲殼所發出的臭味。

薬物使用方面 : 唔好意思、我唔識
提議現在將水溫提高至28-30度以望促進新陳代謝免疫力。

但集合以上幾様病症、個人感覺未必係未充分持有經験者可輕易同時處理妥善的問題、所以、個人提議、睇醫生。