豹龜誤吞膠叉

傻龜龜

各位龜友好,

小弟家養了一隻豹龜仔，今年5歲，低甲長26cm，重約3.5公斤(約7.7磅)。

今天上午用膠叉餵龜龜食糧時，龜龜太大力咬斷左個膠叉角，約1.2cm (如圖)。經過5小時，龜龜目前沒有異樣，小弟會繼續觀察。

想請問各位龜友有無類似經歷？
最後膠叉碎片有否排出體外?
膠叉碎片會否"界"傷龜龜內臟？

小弟日後會注意使用鐵叉餵飼龜龜。

玄武門

傻龜龜 發表於 2018-5-21 18:01
我星期一到五就比菜佢食，星期六日就草粒加少少鈣粉。佢2年前已經有隆背，而家情況並無惡化，想請問有隆 ...

隆咗背就唔會圓返喇，唯有盡量唔好惡化！

傻龜龜

Waikeung 發表於 2018-5-8 21:59
獸醫度個助手話浸多幾次水等佢排出黎,不過就要返屋企幫佢打咗幾支抗生素針再覆診就無事,餵食都唔駛用义,我 ...

已經兩個幾星期，佢每次大便我都檢查一下，但係隻龜都未排反個叉角出來，目前隻龜無異樣，行得食得柯得。

我想問師兄你上次幾耐先排左出來？ 同埋點解要打抗生素？

傻龜龜

玄武門 發表於 2018-5-8 17:27
我嗰隻生長慢都有隆背！之前畀M糧一日一餐，開始隆背就轉咗草粒糧+水果糧。

請問CHING，你隻豹餵咩糧？

我星期一到五就比菜佢食，星期六日就草粒加少少鈣粉。佢2年前已經有隆背，而家情況並無惡化，想請問有隆背嘅龜，將來個殼有無機會圓反？

Waikeung

獸醫度個助手話浸多幾次水等佢排出黎,不過就要返屋企幫佢打咗幾支抗生素針再覆診就無事,餵食都唔駛用义,我隻盾四十cm有時餵佢都係用手,

玄武門

傻龜龜 發表於 2018-5-8 12:13
佢好為食，其實我都唔知有無餵佢食得太多，我一日一餐，佢而家5歲有少少隆背。 ...

我嗰隻生長慢都有隆背！之前畀M糧一日一餐，開始隆背就轉咗草粒糧+水果糧。

請問CHING，你隻豹餵咩糧？

傻龜龜

Waikeung 發表於 2018-5-6 13:18
我隻盾食咗粒紙皮石,帶佢睇醫生都排番出黎

師兄我想問問你帶佢睇醫生，醫生點講？
同埋佢係自己排反粒紙皮石出來？定係要醫生協助先排到？

傻龜龜

玄武門 發表於 2018-5-5 19:12
睇過文章解剖野生非洲野生豹龜，入面幾乎咩都有。照計應該會排返出嚟。

話時話，CHING隻豹龜5歲就26CM，我 ...

佢好為食，其實我都唔知有無餵佢食得太多，我一日一餐，佢而家5歲有少少隆背。

Waikeung

我隻盾食咗粒紙皮石,帶佢睇醫生都排番出黎

玄武門

睇過文章解剖野生非洲野生豹龜，入面幾乎咩都有。照計應該會排返出嚟。

話時話，CHING隻豹龜5歲就26CM，我隻豹仔4歲都係9CM、半公斤咋................

lukehui

通常陸龜放得進口就會排得出,
除非過份尖或者有黏性,
不要太擔心