應用密度原理, 用兩根Zoomed 10.0, 使D3效率超越Mega-ray

waiman

應用 "密度" 的原理, 使兩根Zoomed 10.0管, 能造到D3效率超越Mega-ray.

"密度" 有多種不同情況的 "密度":

1) 比如一個10.0 UVB燈, 是指 "照射源" 此燈它的UVB光子的 "密度", 是占總光線的10%.
2) 光子重疊, 疊加的 "密度", 是指照射源的光子, 同向 "受照射體", 某一定點的聚集.
3) 這裡我所要說, 要利用的 "密度", 是指 "受照射體", 被光子佔據分佈面積的程度.

首先, UVB對受照射體而言, 並非是越強越好, 因為D3的效益, 並非和UVB的強度值uw/cm2完全成線性正比的, 即並非uw/cm2值越強, 就造出越多D3.

比較少人去注意的, 是光源其本身的 "密度", 和受體被照射到的 "面積分佈程度那種密度" 的關係.
而 "受照射體的龜" 所造的D3, 並非 "一粒" UVB光子的強度越強, 就線性的造出越多D3, 也非線性的 "兩粒" 光子都重疊而擊中同一點, 就造出更多D3, 而是被擊中的面積程度範圍越多, 就造出越多D3.

就好比如用一個100uw/cm2的UVB燈, 只照一節手指頭的皮膚, 和用一個40uw/cm2的UVB燈, 照滿全身的皮膚去比; 這會很肯定的, 是用40uw/cm造出的D3, 會比用100uw/cm多.

為了更容昜瞭解, 應用被光子佔據的面積範圍程度, 到底是怎麼一回事的呢? 我們需要避免用公式化或專業名詞, 而以更形像化的微觀方式去描述:

首先, 龜龜他並不是一個絕對性平滑的平面物件, 哪怕是一張最高品質的白紙, 它也不是一個絕對性平滑的平面.

我們以一粒UVB光子, 去比例龜或龜的皮膚, 進入如此微觀的層面, 則龜根本就是一個大型的星球.

對一粒UVB光子而言, 龜的皮膚就是山河大地; 有高山, 有峽谷, 有水池, 有河流, 有山洞, 有地洞.

就如同我們的太陽和地球, 太陽只是一個單一角度的光源, 所以絕對不能使陽光佈滿地球, 連只地球正面向著太陽的這一面, 陽光也無法將地表完全佈滿, 而必定有非常大量的地方, 是陽光照射不到的.

如每一粒UVB光子照射到龜, 被光子擊中之處, 都能造出一粒D3, 則當然越多光子登陸, 擊中此龜星球的地表, 就會造出更多的D3了; 而兩粒光子同樣重疊而登陸在龜星球, 就會因兩粒光子只擊中同一處故, 則兩粒光子, 只能造出一粒D3.
光子登陸佔領的 "面積範圍程度" 越高, 就越多D3. 我們要應用的, 就是這種登陸佔領的 "密度".

我們繼續想像一下, 如果我們可以將太陽切開, 分成好多個小太陽, 排成一條直線, 分開左右共兩條直線去照住地球, 去和一個太陽只一個點去照住地球的去比, 兩者哪個能令地球表面, 包括高山, 峽谷, 樹下, 地洞, 山洞, 有更多的地表面積被照射到呢? 答案當然是左右共兩條太陽所照到到的面積, 比一個點的太陽優勝了.

從上面所得出的重點結論就是: 越多獨立的光源來源, 和越多獨立不同的角度來源, 是能令龜接受收得到, 比單一角度單一來源, 更多的光子登陸面積範圍程度的佔領.

兩根管, 是兩個角度, 兩個光源, 兩根管加上兩個好的反射罩, 反射罩裡的每一粒光子的反射點, 都實際上是另一個獨立的光源, 及另一個獨立的角度; 因此形成大量獨立的光源, 大量獨立的角度去照射.

因此, 如果我們運用這種光學物理特性, 是可以將兩根弱的UVB燈管, 去全面打倒一個頂級太陽燈造D3的效率.

===

原理上已經說明了, 現在我們就切入實用上的正題:

合理的UVB量, 最低值是25uw/cm2, 而理想值及照射持續時間, 是50-90uw/cm2照8-12hr.

Mega-Ray 100w, 30cm, 有UVB 215μW/cm2. 但用家們不會用30cm的, 因為UVB太強, 熱力又高.
Zoomed 10.0 UVB T8光管, 30cm, 有UVB 26uw/cm2, 再加上一個好的反射罩, 會有52uw/cm2.

當我們應用此 "密度", 而用兩根Zoomed 10.0 UVB T8光管之時, 由於T8管要造出最佳的光子佔據面積程度, 故兩T8管距離中間的空間, 需要剛好是可容納五根T8管, 一根T8的直徑是一英吋, 兩根T8玻璃管所夾著的空間是五英吋(12.7cm), 然後再加上兩個好的反射罩, 在30cm高, 由於此時兩根的管子有了距離, 光子不能完全重疊, 因此UVB不能增一倍, 而實際只會增加63%, 此時總UVB量有85uw/cm2, 而由於我們運用了 "光子佔據面積範圍" 的 "密度", 故實際於微觀受照的面積, 會至少比Mega-Ray多1.5倍, 亦即是照龜1hr, 等於Mega-Ray要照1.5hr, 所以此時D3的實際效益, 已遠超過龜之所需了, 因此, 我們大可將UVB值再減一半多, 即掛到16-18吋(40.6-45.6cm)去用, 使UVB值下降到45-55uw/cm2, 此時在理論上的效率, 剛好和Mega-Ray相等, 而實際的效率, 卻遠遠超越Mega-Ray, 因為Mega-Ray的UVB光照範圍, 只有33cm圓周, 常照射不到龜, 而這雙管的UVB光照範圍, 是左右全箱佈滿, 前後覆蓋範圍是71cm, 因此是Mega-Ray遠遠所不能比的.

===

Zoomed 10.0 UVB T8光管, 可用下面這種反射罩, 超便宜540mm長$7.50, 長度尺寸可以按照客戶要求切割, 量一下你玻璃管的長度, 叫他切到你需要的長度, 回來夾上去就行了.

就算不用雙管的所有用家們, 我也 "建議" 買這種超便宜的反射罩裝上去, 使你的一根UVB管, 會變成同時用兩根管的UVB輸出強度:





.

waiman

hotinlau 發表於 2011-10-31 09:32
回復 waiman 的帖子

c兄，Zoomed 10.0 UVB 膽２６ｗ同１３ｗ會不會有分別？如果我同兩支Zoomed 10.0 UVB  ...

Zoomed 10.0 UVB, 只有26w, 冇13w wo?
用兩個Zoomed 10.0 UVB膽可以的.

hotinlau

回復 waiman 的帖子

c兄，Zoomed 10.0 UVB 膽２６ｗ同１３ｗ會不會有分別？如果我同兩支Zoomed 10.0 UVB 膽行不行？

anthonywoo

回復 waiman 的帖子

Thanks

waiman

anthonywoo 發表於 2011-10-31 01:53
想請教:
1.  現用一支 Zoomed 10.0 UVB 26w 膽
2.  正考慮轉用 Zoomed 雙筒燈罩，再加支UVB膽, 即共兩支用 ...

能應用. 只有好處沒壞處.

但Zoomed雙筒燈罩, 係貴又反射效率低, 自己買兩個平野燈罩, 反射效率高佢好多:

工礦燈罩:
http://search8.taobao.com/search?q=%B9%A4%BF%F3%B5%C6%D5%D6&commend=all&ssid=s5-e&pid=mm_10011550_2325296_9002527&unid=0&mode=63&p4p_str=lo1%3D0%26lo2%3D0%26nt%3D1&olu=yes&isprepay=1&sort=price-asc

這反射效果頂級一流的, 肯定比最專業又最貴的Zoomed深桶反射罩好很多:
http://item.taobao.com/item.htm?id=10857936750

anthonywoo

想請教:
1.  現用一支 Zoomed 10.0 UVB 26w 膽
2.  正考慮轉用 Zoomed 雙筒燈罩，再加支UVB膽, 即共兩支用作加強

密度原理可否應用?  有沒有壞處?

waiman

tintin 發表於 2011-10-30 08:28
>> 而事實上, Mega-ray係夠波段正又強, 用Mega-ray係絕對唔應該用反光罩既, Mega-ray在40cm唔用罩, 都已達 ...

>而家又一支Mega-ray就強到 “足夠有餘”???

唔係而家, 係從來都係.
Mega-ray係美國動物園, 科究爬家們, 一致認為係頂級燈, 只有你一人認為唔夠.

>而家一支Mega-ray就可以將之前幾萬字講既 “密度” “角度” 什至 “反射” 同
>“燈罩” 都可以掉晒佢???

你都唔知點睇野既. 果D密度/角度/反射/燈罩, 關Mega-ray乜事呀?

>總之，你最新既推薦就係叫我地去換支Mega-ray，因為Mega-ray夠勁、有
>左Mega-ray就勁到吾洗再理密度角度！
>(我唸我今次真係聽得明你到底想點)

你都唔知睇乜野既. 我幾時有推薦或唔推薦呀? 又關推唔推薦乜事呢?

一直都只係你自己亂野亂講.

===

睇睇你D胡塗羅輯:  

1) Waiman: 我教弱者燈你用乜武器, 至可以去同武林高手一樣殺到人, 推薦用既武器係ABC.
tintin: waiman係話, 武林高手空手係殺唔到人, 武林高手要用ABC武器.

2) Waiman: 錯, 武林高手空手可殺人, 並非空手係殺唔到人.
tintin: 而家又話武林高手空手可殺人? 你之前講既ABC武器可以掉晒佢? 你依家1,2,係推薦用武林高手.

tintin

>> 而事實上, Mega-ray係夠波段正又強, 用Mega-ray係絕對唔應該用反光罩既, Mega-ray在40cm唔用罩, 都已達到超過龜的D3需要, 所以邊有你講果回事呢. 事實係: 有益波段加上勁揪, 或唔勁揪既只係中度指數, 就已足夠有餘.

而家又一支Mega-ray就強到 “足夠有餘”???
而家一支Mega-ray就可以將之前幾萬字講既 “密度” “角度” 什至 “反射” 同“燈罩” 都可以掉晒佢???
總之，你最新既推薦就係叫我地去換支Mega-ray，因為Mega-ray夠勁、有左Mega-ray就勁到吾洗再理密度角度！
(我唸我今次真係聽得明你到底想點)

PS. 我最怕係，過兩日又搬幾萬字出黎，話Mega-ray點樣吾夠。

waiman

tintin 發表於 2011-10-28 19:07
>>我講緊既係燈本身強度, 干涉度, 同燈罩每點反射光源角度, 所綜合造成既效果, 全部一髮動全身, 而非單一 ...

>1. 有益波段加上勁揪指數原來都仲係未夠，因為我地仲要計埋隻龜吸光既生理特性!

錯誤與誤導係出自你.

我個篇文主題同文內都已表明, 係教人點樣至可以用一D好弱既燈, 去打低強既燈, 用既方法係密度. 我全文都冇講過你個條1既內容.

你就錯誤與誤導人地, 變成係講, 波段夠正夠強都係唔得, 都仲係未夠.

而事實上, Mega-ray係夠波段正又強, 用Mega-ray係絕對唔應該用反光罩既, Mega-ray在40cm唔用罩, 都已達到超過龜的D3需要, 所以邊有你講果回事呢.

事實係: 有益波段加上勁揪, 或唔勁揪既只係中度指數, 就已足夠有餘.

tintin

waiman 發表於 2011-10-28 11:47
我講緊既係燈本身強度, 干涉度, 同燈罩每點反射光源角度, 所綜合造成既效果, 全部一髮動全身, 而非單一某 ...

>>我講緊既係燈本身強度, 干涉度, 同燈罩每點反射光源角度, 所綜合造成既效果, 全部一髮動全身, 而非單一某種造成的效果. 1.2.3.是的.

點解呢頭確認左，果頭又話我誤導??

waiman

tintin 發表於 2011-10-27 22:02
我唸我終於明你講緊乜......
你其實吾應該講燈罩、反射... 你講既其實係干涉 (interference)。
http://w ...

我講緊既係燈本身強度, 干涉度, 同燈罩每點反射光源角度, 所綜合造成既效果, 全部一髮動全身, 而非單一某種造成的效果.

1.2.3.是的.

tintin

我唸我終於明你講緊乜......
你其實吾應該講燈罩、反射... 你講既其實係干涉 (interference)。
http://www.google.com.hk/search? ... 0l0l0l0l75l75l1l1l0

先吾講你既想法對龜(皮膚)造D3係咪真係如你所料咁有效益，但我依家起碼知道你講緊咩。
你應該係定論左D3製造既效益係關係到以下3點:
1. 光子強度 (大功率既燈、或距離貼近燈)
2. 光子密度 (多光源干涉)
3. 皮膚單次接觸光子既總體細胞數 (增加投射角度、控制光子均勻著床避免重疊)

我要先搞清楚，完全無理解錯你以上幾點，先可以再討論。

waiman

tintin 發表於 2011-10-27 19:31
>> 嘩, 個箱得30咁低
舉例姐吾洗樣樣睇得咁死，你鐘意既，改為60X30X40，燈高20....... 一樣咁計。(另問， ...

冇圖真係好難講.

例如形像化D講, 假設燈連罩, 係向下射30度, 兩個燈靠近, 即係有兩個交叉既光射住, 正下方同一處, 而且兩個光源的強度是幾乎相等, 或比較接近, 而當龜左右移到三份一處, 也是同樣受到交叉及強度比較接近既光.

如你將兩燈放遠距離左右, 則龜在中間是沒大問題, 但當龜移到左或右三份一處, 即一邊的UVB增加強了, 卻沒增多少D3, 另一邊卻減弱了一半, (UVB對距離很敏感, 多一兩吋也減低很多), 我們再退一步, 又再假設減弱了一半, 也能剛剛夠, 但由於反射的反射光, 經過反射本就是走遠了距離, 又再加上龜移到三份一處的距離, 就已弱到沒用, 等於另一邊沒加反射罩了. 因此咁搞, D3可不升反降.

tintin

>> 嘩, 個箱得30咁低
舉例姐吾洗樣樣睇得咁死，你鐘意既，改為60X30X40，燈高20....... 一樣咁計。(另問，點解under 20cm會 "危險"?

>> 最左右兩邊? 你意思係兩燈距离60cm?
無錯就係咁。

>> 而係要兩個燈罩所反射出黎D光要有適當路程, 同兩罩D光交叉混雜
你意思係，想將光管既光射去燈罩，再由燈罩反射去另一支燈個燈罩，作為兩次、什至無限次來回反射?

waiman

tintin 發表於 2011-10-27 17:48
再講，其實我並無忽視強度 (亦即光源離受照體距離)。

一般龜箱既立體比例都係 W : D :H = 2:1:1 (大概)

嘩, 個箱得30咁低, 咁強度上已經係得既.

不過會出現新問題:
1.離地15CM係唔可以既, 至少要20cm, 保險D就要用21cm, 用20cm就危險.
2.兩邊側板係乜? 係最左右兩邊? 你意思係兩燈距离60cm? 如果係指咁, 咁就唔掂啦.

你有冇想過, 點我講要5支燈距离? 同特登升到16-18吋高去用, 點解我唔就係12吋, 而拉到8-15支燈距离? 因為夠左強都唔係兩燈越開越好, 而係要兩個燈罩所反射出黎D光要有適當路程, 同兩罩D光交叉混雜, 如兩燈离遠左出左燈罩反射交叉範圍, 變成各自獨立照, 咁係唔會照多左既.

tintin

再講，其實我並無忽視強度 (亦即光源離受照體距離)。

一般龜箱既立體比例都係 W : D :H = 2:1:1 (大概)
假設一個W=60 D=30 H=30CM 既龜箱，你將兩支燈都裝晌頂，龜就係離兩支燈都大約30。
我將燈裝晌兩邊側板離地15CM，龜停晌箱正中，就係離左右燈大概33。就算龜向左或右移，左加右減除返2都係33。
只係3CM既衰減，換黎既係角度及受照面積大幅增加。

應反你本文推薦既主題，我有邊度出問題?

waiman

tintin 發表於 2011-10-27 17:23
>> 首先, UVB對受照射體而言, 並非是越強越好, 因為D3的效益, 並非和UVB的強度值uw/cm2完全成線性正比的,  ...

>D3的效益, 並非和UVB的強度值uw/cm2完全成線性正比的.

並非完全成線性正比. 咁, 唔係唔駛強度家嗎.

原文後面咪有講強度值Lo.

tintin

>> 首先, UVB對受照射體而言, 並非是越強越好, 因為D3的效益, 並非和UVB的強度值uw/cm2完全成線性正比的, 即並非uw/cm2值越強, 就造出越多D3.

比較少人去注意的, 是光源其本身的 "密度", 和受體被照射到的 "面積分佈程度那種密度" 的關係.
而 "受照射體的龜" 所造的D3, 並非 "一粒" UVB光子的強度越強, 就線性的造出越多D3, 也非線性的 "兩粒" 光子都重疊而擊中同一點, 就造出更多D3, 而是被擊中的面積程度範圍越多, 就造出越多D3.

兩根管, 是兩個角度, 兩個光源, 兩根管加上兩個好的反射罩, 反射罩裡的每一粒光子的反射點, 都實際上是另一個獨立的光源, 及另一個獨立的角度; 因此形成大量獨立的光源, 大量獨立的角度去照射.

因此, 如果我們運用這種光學物理特性, 是可以將兩根弱的UVB燈管, 去全面打倒一個頂級太陽燈造D3的效率.

>> 你忽略既地方就係, 一味顧住照到多D, 冇理到疊加既強度呀嗎




其實....... 到底係 "不同角度--->增加覆蓋平均性密度"、定係 "強度" 先係你本文推薦既呢?
我明白，當然係兩者都對造D3有幫助，但你本文吾係掃盲，要我地重視多d 前者嗎?
而家你又反過黎話我吾顧強度只追求密度.......

waiman

tintin 發表於 2011-10-27 16:12
>> 忽略左雙斜射的UVB疊加
雙斜射(對射)，理應係會減少疊加機率至係，點解你會覺得反而會增加疊射?
用返你 ...

>雙斜射(對射)，理應係會減少疊加機率至係，點解你會覺得反而會增加疊射?

你睇錯左啦. 我文中咪講雙斜射:
你忽略左雙斜射的UVB疊加, 會大大衰退.
兩管距离多左, 光子疊加效率下降.

>用返你既微觀，龜皮膚就好似一堆石頭堆埋一齊，RIGHT?

Yes.

>而家有兩支散彈槍，你既SUGGESTION係將兩支槍放係箱頂，以時鐘方位
>就係11點同1點位置。而我既SUGGESTION就係10點同2點位置。你認為邊
>組槍既彈射上同一點機率會高d?

都係一樣啦, 同我上文一樣, 你忽略左雙斜射的UVB疊加, 會大大衰退.
重點係, 疊加強度唔夠之時, 龜被照到多又係冇用. 你忽略既地方就係, 一味顧住照到多D, 冇理到疊加既強度呀嗎.

>ps. 果然係老細...... 雖則話無理，但吾會從頭到尾都吾洗打理卦 (除非係老豆剩落...)
>我無加個人感情，只係有d野可能旁觀者比較清，所以一估就中

我是在美國紐約自己開公司, 從台/灣進口及總代理素食產品, 我同時也做攝影器材, 和玉石.

我只在家付責統計貨品進存, 向國外訂貨, 付責開發不同行業的新市場, 和管理兩個公司網站, 所有網站信與網購order, 會先到我這裡, 我再轉發到公司, 每週一次用pcAnywhere遙控, 測一下公司進存與Accounting財政狀況, 30min就收收工了.
所以養養龜, 每天玩玩遙控直升機, 是用來娛樂打發時間的, 除此以外, 我沒其它嗜好, 也不喜歡去外面吃飯, 交際, 或玩, 所以每天白天都在家, 很有空, 不過我並不是中老年的退休老人家.

tintin

>> 忽略左雙斜射的UVB疊加
雙斜射(對射)，理應係會減少疊加機率至係，點解你會覺得反而會增加疊射?
用返你既微觀，龜皮膚就好似一堆石頭堆埋一齊，RIGHT?
而家有兩支散彈槍，你既SUGGESTION係將兩支槍放係箱頂，以時鐘方位就係11點同1點位置。而我既SUGGESTION就係10點同2點位置。你認為邊組槍既彈射上同一點機率會高d?

>> 所以並唔係兩燈越遠就越好
當然吾係越遠就越好。
越遠一來會減弱強度、同時拉狹左整體射角。
我其實係話，裝兩支管晌箱側板會好過兩支裝晒上箱頂。

ps. 果然係老細...... 雖則話無理，但吾會從頭到尾都吾洗打理卦 (除非係老豆剩落...)
我無加個人感情，只係有d野可能旁觀者比較清，所以一估就中