UVB燈之........... UVB常識及專業資訊中期小結

tintin

相信好多人對UVB燈既認識過程大致如下:

<初階>
1. 吾知咩係UVB。
2. 爬虫類寵物好需要曬太陽，曬吾夠太陽就會缺乏維生素D3繼而缺鈣。
3. 條件問題比吾到寵物曬太陽，原來都可以用一種叫UVB既燈代替曬太陽。
4. UVB燈有分 "幾多點零"，冧巴越大就UVB越勁，例如同牌子既10.0 ，勁過5.0。
5. 幾大冧巴既UVB燈，都弱雞過太陽好多，所以每日要曬足12個鐘頭。

總結: 你走去買左支UVB燈比龜曬，以為隻龜就會好健康好happy...


<中階>
1. UVB燈原來吊得越高越無料到，高過尺零，曬左等於無曬。
2. UVB加反光燈罩，原來可以將效率增加成倍。
3. 吾同牌子既UVB，就算大家都係10.0，UVB輸出量，原來都可以好大分別。(即係香港人好熟識既: 取考、呃秤)
4. 有種 meter 可以測到UVB指數，專業野，要價千幾兩千。有左佢，你就可以好清楚自己支燈UVB輸出量係幾多。

總結: 你走去買左個UVB meter，吊高吊低支燈左加右加燈罩係咁測，仲換左好多吾同牌子吾同形狀吾同價錢吾同產地吾同批次既燈，終於搵到一支指數最勁揪既燈。縱使你苛包已經少左幾條野，仍然滿心歡喜，以為隻龜以後就會健康就會happy...


<進階>
1. 280 至 320nm 之間既光波，全部都叫UVB。但原來中間又分為好多種波段，吾同波段會對你隻龜有益或有害:
-- 280 至 285 係有害既光!! 會照到你隻龜生cancer什至基因突變繼而走去住坑渠食PIZZA...
-- 285 至 304 係最有益既光，會照到你隻龜好健康好happy!
-- 304 至 320 係無乜益既光，照完隻龜都吾會好健康好happy...
2. UVB meter 原來又係廢既，因為就算你測到你支燈指數好勁揪，但好可能只係d 無益既光好勁揪，呃左你個 meter。呢個meter 好Q蠢，佢吾識分有益定無益既UVB，總之係UVB就會讀個數比你睇。

總結: 你吾再信個 meter，放晒手上d 燈，走去各大廠商網站同專業爬網讀文獻讀報告讀指數圖表，終於搵到支又安全又有益又指數高既燈，仲覺得自己學左好多野PRO左好多，以為隻龜終於都可以健康可以happy...


<高階>
1. 有益波段加上勁揪指數原來都仲係未夠，因為我地仲要計埋隻龜吸光既生理特性!
2. 龜只有皮膚吸取UVB後先會製造D3，佢個殼係吾識造D3。
3. 假設一粒UVB光子，打落隻龜一粒皮膚細胞上就會造出一粒D3。兩粒光子打中同一細胞上，都只係會造出一粒D3。所以，UVB光除左指數要強、仲要照得隻龜夠均勻，仲要照到皮膚而吾係個殼。
4. 總結以上，要隻龜有效造出D3，就必須要同時兼顧以下三點:
-- 285 至 304nm 既有益光子強度
-- 光子密度 (多幾支燈去製造多源干涉現象)
-- 皮膚單次接觸光子既總體細胞數 (增加光源角度、增加反射角度、控制光子均勻著床避免重疊)
** 引述waiman兄所言，以上三點必須全部兼顧，可謂牽一髮動全身，決一不可!!

總結: 當你解決晒以上問題，set 好左個無敵 "UVB燈陣"!!
其實你都係吾知隻龜有幾健康有幾happy......
因為隻龜最後真係受到幾多光、造左幾多D3，你吾知。(除非有埋D3 meter)
太多硬件規格、太多所謂既科研理論隨時會變。
例如，你千挑萬選果支 "神燈"，下一批就可能會暗盤出術改規格。
又例如，最新科研發現，原來 285 至 304nm 之中，其實只有295 至 296，再加些少 UVA 330 晌高溫39C下，照射隻龜頭頂正中天靈蓋5%丁方位先係最有效益......etc


本人既總結:
嘥嘥埋埋咁多錢、精力、時間，結果極有可能都係得個桔!
不如，真係唸唸點樣比隻龜見多d太陽仲實際啦。
Natural is the BEST

cw.kit

受教
受教
受教

tintin

呢位無著衫既皇上，你搵到個睇得出你著咩色衫既先黎同我牙擦喇OK！

PS。好公道，“障智” 係動態詞語法無錯既，仲幾啱用黎形容d一言堂主添!

waiman

tintin 發表於 2011-11-6 15:36
咁得意既.....?
居然有人會將語病當招數去笑翻又笑翻??

笑翻. 係笑你又慣性睇錯野不自知啦.
心平則眼明. 心不正則障智.

tintin

咁得意既.....?
居然有人會將語病當招數去笑翻又笑翻??

我都友情一下，留意我先前ps

waiman

tintin 發表於 2011-11-6 08:11
拿拿拿又屈喇!!
我幾時有講過靜係75cm先至得?
吾好成日都咁低椿喇權威......

你又睇錯野啦, 請再去睇清楚, 友情提示一下, 要留意標點符號啊.

waiman

回復 tintin 的帖子

笑翻..........

tintin

好野有觀眾!
多對眼，希望或多或少可以防下賊仔偷換野。

ps. 依! 樓上師兄似乎都係隨起隨瞓亂晒鐘果隻

windleaves

我覺得。。。兩位師兄真係好可愛~
well, 我岩岩買左包popcorn、花生和薯片，兩位請繼續～～

tintin

waiman 發表於 2011-11-6 11:03
笑翻了. 又努力指天指地, 扯去75cm? 人地話支勁燈係勁到從30-75cm都得, 你又變成靜係75cm先至得, 邊度有咁 ...

拿拿拿又屈喇!!
我幾時有講過靜係75cm先至得?
吾好成日都咁低椿喇權威......
吾覺吾覺又偷人一句半句、換人兩三隻字咁......好醜架。

扯到去75cm既係你呀，擺明就係為補鑊狹射角缺憾既後炮喇。而家夾硬塞比我!! 咁都得??

ps. 明吾明都係你話既姐。反正，人地明既方向吾合乎你要人去明既主觀願望，你咪當人吾明囉。

windleaves

又開始了。。。。。

waiman

tintin 發表於 2011-11-5 21:41
不求甚解就真既，因為吾想再比人老點。
左拉右扯就只係你選擇性失明下既錯覺。

笑翻了. 又努力指天指地, 扯去75cm? 人地話支勁燈係勁到從30-75cm都得, 你又變成靜係75cm先至得, 邊度有咁高既箱啊? 你從開始唔明就問, 進展到唔明就亂叫既本質.

原來你唔知燈係以30cm為基本最數据? 你唔知燈係掛越高照射會擴大? 你唔知強UVB輸出強既燈係可以掛高? 你係咪想話你唔知呢D咁基本既野呢? 用太陽既都知, 基本高度要45cm, M燈最佳係用45-50cm, 你得個亂叫之外, 乜都唔知架?

tintin

不求甚解就真既，因為吾想再比人老點。
左拉右扯就只係你選擇性失明下既錯覺。

都係果句，算把拉......
真係睇吾慣你一時一樣自圓其說既分析作風。
一時33cm圓周照吾到龜一時又不如吊高佢75cm。大佬，個個箱都有咁高比你吊咩再吾夠吊上天花板好無......
一時話一支就勁到有餘、一時又話唔係設計黎比你用一個燈架、再跟手又可以當返佢一支太陽燈都得架播...... 梗係得喇，燈之嘛，當佢LEGO咁砌都得添問題係你一時一樣丫嘛......

其實，講番成個爭辯流程，咪就係你話我誤導人、我話番就算誤導都係出自你。
我既誤導出自你既矛盾。明未呢你?

waiman

tintin 發表於 2011-11-5 19:44
#114 我就吾會返去睇喇，大概都估到會係D咩。
其實，我要遮掩D咩甚解D咩?
喂! 我主旨係咩記吾記得呀?  ...

只能左拉右扯了? 咁更加自証, 屬只為攻擊不求甚解.

睇你一心純為攻擊, 想得咁可憐又胡塗既份上, 就講比你知啦:

1) Mega-ray係設計成用黎做局部正午太陽強度.
2) 當你想用佢做局部正午太陽, 就要加上非正午強度既管去造另一個地區既UVB.
3) 當你唔係想用佢做局部正午太陽, 就不需要30cm 215uw/cm2, (全箱成日215uw/cm2會照死龜, 所以設計成聚光), 咁就要掛高好多啦, 掛高左, 照射範圍就會擴大, 掛到45-75cm有55-109μW/cm2, 55μW/cm2就足夠晒UVB.

所以:
Mega-ray 33cm範圍, 只係在降低到30cm, 做正午太陽用之時. (當然燈越低, 就照射範圍少, 燈越高照射範圍就擴大).
Mega-ray做正午太陽用, 並不需其它燈輔助, 只不過它正在做215uw/cm2, 所以其它地區就其它燈去管.
Mega-ray掛高擴大範圍, 高到用75cm, D UVB都勁到足夠.

tintin

#114 我就吾會返去睇喇，大概都估到會係D咩。
其實，我要遮掩D咩甚解D咩?
喂! 我主旨係咩記吾記得呀?
我主旨又吾係要同你比識野!?
有眼睇你寫D矛同盾再COPY出黎整紅字大家笑下咪夠囉。

waiman

tintin 發表於 2011-11-5 19:17
無所謂喇...
總之，聽你老點去換左Mega-ray果班師兄，跟手再入埋組Zilla咪有晒階梯足夠有餘囉!

笑翻. 咁係遮掩唔到你自己唔識野, 卻不求甚解, 只求攻擊的事實.
其實你果個咁簡單問題#114中就有答案啦, 你都睇唔明係邊度, 又不求甚解, 成日只顧住靠自己既想像去作野攻擊人.  

tintin

waiman 發表於 2011-11-6 08:02
>OK，你，一直講既， "Mega-ray 勁到足夠有餘"，原來就係指............ 佢係一支要配合UVB光管用既輔助 ...

無所謂喇...
總之，聽你老點去換左Mega-ray果班師兄，跟手再入埋組Zilla咪有晒階梯足夠有餘囉!

waiman

windleaves 發表於 2011-11-5 19:11
咁咩係仿生光源？金鹵素？

金鹵燈特性, 屬可俱足從UVB到UVA到全光譜可見光, 但它的特性就是不能彷生.

windleaves

waiman 發表於 2011-11-6 08:09
咪已經答晒Lo?

咁咩係仿生光源？金鹵素？

waiman

windleaves 發表於 2011-11-5 19:07
回復 waiman 的帖子

師兄唔該快d答我啦～～

咪已經答晒Lo?

windleaves

回復 waiman 的帖子

師兄唔該快d答我啦～～
我好肚餓。。我想食早餐啊啊啊啊啊~