魔鬼特訓~

花次郎

上次個體檢: http://www.hkturtle.org/forum.php?mod=viewthread&tid=20206






                                                       魔鬼教官   




                                                                           三大守則   




                                                       1. 不可以心軟.


                                             2.對寵物眼淚汪汪既眼神要視若無睹.


                                             3.要堅持完成已定立既特訓內容.






當日接兩隻 豹B 回家(當時賣龜給我的商戶話要餵生菜,油墨菜,暫時唔好餵糧,就算餵都應該唔多會食),



所以頭一餐我被左生菜同嚐試加浸軟既糧被佢兩隻食,問題係佢兩隻只對菜有反應,糧連掂都唔掂一下,



頭兩三日都係咁既情況,排出既便便亦比較鬆散,講句唔好聽成餅野咁"擺明痾爛",既然佢兩隻咁有性格


玩偏食向我挑戰,所以我決定要捉佢兩隻去 勞改.....................






兩隻擺明討打既豹B齊聲: 我地係唔食糧鐘意痾爛,你吹得我脹~~~~~咩~






回家後第一餐既情況,只食菜,糧連眼尾都唔望一下.






第二餐整濕D糧灑係菜面,佢地都剩係挑菜食.

黑豹B: 我地剩挑菜食,你奈我唔何.







第三餐菜糧打埋一餅野佢地食,即刻玩罷食,結果都係要加返塊菜被佢地.

豹B齊聲: 我地又戰勝一仗







你兩隻向我發出既挑戰書我已確實收到,既然要開戰,我絕不手軟,
所以第四餐要出動秘密武器招呼佢地,用呢舊古董.





把糧粉碎灑係菜面.



佢地好難挑返出黎,開始時唔希望佢食得多,只希望佢地記得糧係乜味.


黑豹B: 覺唔覺今日餐飯好惡啃.

白豹B: 軟中帶硬粗粗地都叫入到口既,你咁快停口,咁我食埋你果份.









由於特訓過程殘酷,以下內容需要黑畫面










黑豹B: 唔好........




白豹B: 救命...................






黑白豹B齊聲 : 也咩嗲~~~~~~~~~~~~~~~~~~~~~~~



..............................................


















光陰似箭,經過十多天勞改後....................














夠鐘放飯啦~~~

MAZURI 糧做主菜.




涼拌 粉碎後既水果糧同 ZOOMED 草糧




經過多日調教後既結果.     

豹B們: 唔食就笨,個教官無人性,再唔食我驚屎都無得食.








而家出產既便便,終於可以見得人.




經多日來 魔鬼特訓 終於有成果, 兩隻都肯食糧 白色果隻鐘意乾食, 黑色果隻就



鐘意小小濕食 ,第一步特訓結果合乎預期 ,而家就算混 BAC 或 菜 或 其它補品入去,佢地都



肯食,等佢地大隻小小就可以進行第二步特訓,減糧混乾牧草 最終目標 100%乾牧草都肯食
就功德圓滿之後就可以睇情況黎控制佢地善食,想肥就加糧減草,想佢修身就加草

減糧無得反抗,經此一役後佢兩隻唔敢再同我玩偏食.










註: 偏食任何一邊都唔係好事,當訓練到佢地肯食糧後,記得混回其它草或菜被隻龜食.

        萬變不離其中,龜隻只偏食任何一方面食物亦可以用同一方法去改變它們口味.
        
       請先確定龜隻是在身體健康的情況下而偏食才好開始特訓,

       個體身長低於 5CM , 或新龜未養定 亦不要急於特訓,否則後果自負.


      未雨綢繆總比臨渴先挖井好,有很多個案因龜隻有病（但未至於拒食）,要戒除含水份

      過多疏菜,需要食糧補充營養時,但由於龜隻本身偏食而拒食糧,引致飼主進退不得既情

      況出現,所以應在龜隻健康時把它們的偏食習慣戒除.



其實個 POST 重點係要你地身為主人,要有能力去控制隻寵物,而唔係被隻寵物拖住行.

sahei111

強~~~
男性魔鬼教官.....

ki0110

大家應該睇下

cherry

haha!

Nick

windleaves 發表於 2012-2-2 15:40
咁犀利啃乾糧？？
我一向水浸龜糧，等我都試下俾佢地啃乾糧先

我見花花都係乾盅D 糧再餵既~~~
乜唔係架咩?? >.<

+蜜糖寶寶+

恭喜樓主 !!!!!~*你d 龜龜真幸福!!*有你呢個咁好ge主人^^
我果2隻都係咁,1開始唔肯食糧~*都係慢慢試下試下佢地而家咩都食~*

windleaves

Nick 發表於 2012-2-2 14:06
花花, 我想問, 我隻法國仔食糧好似唔係好LIKE 乾食糧, 如果用水浸濕左再餵, 點睇?
好定唔好呢? ...

咁犀利啃乾糧？？
我一向水浸龜糧，等我都試下俾佢地啃乾糧先

Nick

花花, 我想問, 我隻法國仔食糧好似唔係好LIKE 乾食糧, 如果用水浸濕左再餵, 點睇?
好定唔好呢?

Nick

windleaves 發表於 2012-2-1 10:22
耶～你幾時成為花花嘅小二哥啊
唔～兩位啦，唔要紅酒 ，紅酒唔夠喉，黎枝Vodka啦 ...

我見花花咁忙, 而你又係我地既特級VIP, 一定要出來招呼客官的~~~
Vodka 賣曬, 陳年XO 啱唔岩飲 ^^

windleaves

Nick 發表於 2012-1-31 23:11
回復 windleaves 的帖子

客官幾位呀?

耶～你幾時成為花花嘅小二哥啊
唔～兩位啦，唔要紅酒 ，紅酒唔夠喉，黎枝Vodka啦

windleaves

綠冒mc 發表於 2012-2-1 00:00
都吾知你有咩成功感,你話迫到佢地食草就話啫..食糧都要迫?!!
你係吾係新手呀,,食糧都攪咁多野,你對龜等死啦 ...

我都可以咁同你講wor：食草有幾難？食草都要逼嘅咩？你新手呀？
我d龜由細食草食到大，食糧係要逼咖。

你知唔知咩叫活學活用？老媽子教我哋用筷子食飯，我哋就唔識用筷子食麵？
花花嘅龜會比呢度大多數人嘅龜都長命，你又信唔信？
等你養到你d陸龜可以“冰鎮”8小時，第二日都無病無痛連鼻水都無條，再來串佢吧。

benlc

綠冒mc 發表於 2012-2-1 00:00
都吾知你有咩成功感,你話迫到佢地食草就話啫..食糧都要迫?!!
你係吾係新手呀,,食糧都攪咁多野,你對龜等死啦 ...

用不著咒人地對龜等死吧
深一層咁睇 , 如樓主所言 , 佢拋磚引玉以轉糧來作指引 , 套用落其他食材也一樣 , 甚至套落人亦都一樣
成功感睇你點睇 , 何必這樣話人呢 ...
人地話難養我養到 - 成功感 ; 人地柯爛屎我柯靚屎 - 成功感 ; 人地唔洗糧我隻係咁食 - 成功感 ; 人地唔食草我隻唔洗叫都係咁食 - 成功感 ...
你覺得容易 , 相對其他人黎講可以係難事 , 有時睇野除左用眼仲要用心 , 樓主用心苦打咁多字去告訴新人 , 真係用心良苦

綠冒mc

都吾知你有咩成功感,你話迫到佢地食草就話啫..食糧都要迫?!!
你係吾係新手呀,,食糧都攪咁多野,你對龜等死啦

Nick

回復 windleaves 的帖子

客官幾位呀?
要唔要開定枝紅酒

windleaves

花花 出來接客啦

jeff1437

windleaves

CY.XENOS 發表於 2011-12-15 20:44
我已經照住你禁做架啦！但喺拒都唔肯食【星B】！點算呀？我驚餓親拒呀！ ...

幾大呢？狀態如何呢

CY.XENOS

花次郎 發表於 2011-11-12 20:49
上次個體檢: http://www.hkturtle.org/forum.php?mod=viewthread&tid=20206

我已經照住你禁做架啦！但喺拒都唔肯食【星B】！點算呀？我驚餓親拒呀！

hyy

唔好DEL啦
比多D人睇都係好GA師兄快叫板主加精華TIM呀

waiman

花次郎 發表於 2011-11-26 12:18
這裡的壇友,心慈手軟的佔大多數,所以只好教一個 循序漸進 既方法被佢地,落手太重既方法同

你個咁好既post, 唔好delete.

永遠都有新人重覆問亦係正常.