回復 rickrick 的帖子
我有個極端方法. 不過唔知對你隻豹得唔得.
我隻豹B, 大概身長5.5 CM, 最初返黎頭幾個月D 屎同你個隻差唔多, 可能仲散過你個隻. 我不嬲都有餵乾牧草, 不過會溝其他鮮草/龜糧. 頭 3,4 個月都冇乜改善, D屎一樣係散. 跟住把心一橫, 係大約一個月前開始全牧草餵食. 朝早起身將一日/餐既份量既牧草用水(白開水) 浸淋, 跟住照樣幫佢浸水, 之後我去洗面刷牙準備出門口. 大概半個鍾, 我將 D 浸緊既牧草攞起, 搾乾水(直到冇水滴出) 跟住幫隻龜仔沖一沖水之後抺乾身. 放返佢入箱, 跟俾野(已準備好既牧草) 佢食. 日日如是, 一個禮拜加一次 Mazuri. 起初都好似冇乜分別, 一樣係散, 去到兩個禮拜前, 開始有食冇痀, 之後擔心佢會唔會有事, 跟住幫佢推肚仔, 佢就痀左一條好長既屎, 唔散, 開始成形, 之後都唔係日日有屎痀, 幾日一次, 唔多, 得一兩粒, 不過D屎開始會浮, 唔似以前咁沉係水底, 又散又臭. 之後到左今個星期, 隔日痀一次屎, 維持得一兩粒, 但會浮.
我見到有改善, 不過要時間同耐性, 先決條件係要係隻豹肯食牧草. 而我呢個方法唔係咁多人會接受, 因為好少人主張龜B都餵牧草. 但因為我唔想我D龜大得咁快(我仲有兩隻盾, 養左年半), 所以我一開始養陸龜時已經餵牧草, 有溝D好似車前草呀, 蒲公英呀個D鮮草, 大妁 50/50. 不過如果我一見到佢地揀晒D鮮草唔食牧草, 我就第二日即時餵全牧草, 直到而家, 我俾咩佢地就食咩.
你可以考慮下我呢個極端方法, 不過你先要改餐單(唔好玥俾青瓜或者人食既菜俾佢食, 轉餵野草, 例如車前草, 蛇舌草, 蘿蔔葉之類既野草, 仲有好多, 爬文會幫到你, 一般賣鮮草藥既檔都有得賣, 再加D龜糧 例如 Mazuri), 令佢食返野, 健康返先, 再睇下佢D屎有冇改善先考慮用唔用我呢個方法, 因為佢本身唔係好食野, 根本唔可能迫到佢食牧草, 再者, 如果佢本身唔健康, 唔可能餓到佢肯食牧草, 因為太危險. |
發表於 2011-12-29 11:44:28
收藏
分享
提升卡
置頂卡
變色卡
樓主
