個案：我的櫻桃紅腿

iamnero

養龜接近五個月了，做一個小總結。請各路神仙多多指教。

食譜
我嘗試回憶一下我隻紅腿系我度食左咩野：龜糧（冇野食既時候，或者想補鈣補維他命既時候喂）、生菜、油麥菜、菜心、西洋菜、通菜、番薯葉、芥菜、椰菜、紫椰菜、紅蘿蔔、雞比菇、茶樹菇、翠玉瓜、冬瓜皮、大紅花（路邊摘）、車前草、野葛菜、黃鵪菜（路邊摘，好鍾意）、蘋果、香蕉、番茄、芒果、火龍果、葡萄、生豬肉、煮熟雞骨頭、三文魚刺身、小象拔蚌、熟雞蛋、自己既屎……多到真系數唔清，而龜糧只占好少一部份。
只想說明一件事：龜在自然棲息地中，系有數百種可選擇既食物，普通飼主難以提供。但身邊都有好多合適又易獲取既食物（尤其系紅腿，紅腿幾乎系陸龜中食性最雜既品種），唔需要亦都唔建議長期提供一兩種或按比例混合既幾種食物，個人亦傾向于儘量少喂龜糧。

溫度
根據我呢幾個月既觀察，我呢隻紅腿20℃~30℃既溫度範圍內食慾、活動力、健康程度都正常。部份國外既網站與學術文章聲稱，紅腿系夜晚能承受18℃甚至13-16℃既低溫，我個人尚無實例支撐此論點。我個人既解讀系：強壯的成體紅腿能短時間承受18℃或以下既低溫，但對大多數紅腿（尤其是幼體）來講，應控制夜晚溫度在20℃或以上（我既红腿已安全渡過好多個20℃既夜晚）。要注意既系，就算國外網站與學術文章將紅腿能承受既溫度講到好低，但都明明白白寫住系“夜間溫度”，且非長時間。龜的確需要晝夜溫差，因為日間活動、覓食、消化需要吸收能量，加快新陳代謝，并將體溫提升至使体内生物酶活性最大的區間，而夜間睡眠則需要降低體溫，減慢新陳代謝，減少能量消耗與體液流失。日間溫度亦不可過高，我曾試過用封閉式小箱，日間將箱內溫度提升至34℃，跟住隻紅腿會自己將箱入邊既一盆植物推倒系地下，跟住鉆入植物既枝葉中躲避高溫（好聰明）。系冬季，日間射點溫度32-34℃為宜，38度或以上對幾乎所有陸龜都系致命的。
紅腿原產地夏季日間最高溫度略高於30℃，冬季夜間最低氣溫20℃左右。

性格/互動
紅腿陸龜可能由於原產地食物豐富，環境優越，系好奇心比較強、比較活潑既品種。不易受驚，不易受壓迫，與飼主互動都幾好，短時間內即可適應飼主，從手上接食，會追手，被飼主拿系手中時亦會伸出四肢與頭部，可接受頭部被撫摸。
紅腿系熱天會有意識地避開陽光直射，尋找陰暗處；系冷天則會較多系射點/熱區活動或曬背。
大多數紅腿都好鍾意浸水，我呢隻就唔系，通常浸十幾分鐘就開始搏命想爬出來。以及有另外一個好有趣既習慣，就系好少會系龜箱中排便排尿，一定要系外邊搞掂。只要一從箱中拿出來，無論放系邊度，五分鐘內一定開始排便排尿，屢試不爽，但從行為上睇，又唔似系因為突然置於陌生環境受驚/慌張導致。
另外，我隻紅腿真系好冇膽。之前買D麥皮蟲返來俾距食，點知距嚇到腳仔都軟埋……http://www.hkturtle.org/forum.php?mod=viewthread&tid=24797

生長
總體來講，餵食既頻率與量系會直接而迅速地影響我呢隻紅腿既生長速度。岩買返來個段時間，我喂得多，好快就開始爆生長紋，爆完一層又一層，速度好快；入冬之後，我逐漸減少食量與頻率，到目前為止已經個幾月冇見到生長紋啦。系低溫季節減慢甚至停止生長，我認為系好事，龜本身系代謝極緩慢既動物，生長過快/長時間保持較快生長速度對身體器官會造成好大負擔。

總體來講，紅腿真系好適合普通飼主室內飼養既龜。活潑、體質好唔易病（我呢隻偶然會出現眼角有分泌物，無需用藥即可康復）、食譜雜、唔會結石、適應香港氣候、體型適中、對陽光需求量較小，至於漂亮與否，甘就要睇圖啦，紅腿毒都可以好勁噶
（好多舊相）

COS0614

可以餵生豬肉？！

iamnero

windleaves 發表於 2012-3-19 20:41
你唔養大把人養～落係新人手中，豈止無辜，直頭無命

我也是新手

windleaves

iamnero 發表於 2012-3-19 20:34
龜是無辜的

你唔養大把人養～落係新人手中，豈止無辜，直頭無命

iamnero

windleaves 發表於 2012-3-19 20:27
無志氣～～
就係難搞先有挑戰性～

龜是無辜的

windleaves

iamnero 發表於 2012-3-19 20:26
唔想養龜了

無志氣～～
就係難搞先有挑戰性～

iamnero

windleaves 發表於 2012-3-19 19:22
呢句就絕對同意

唔想養龜了

windleaves

iamnero 發表於 2012-3-19 13:24
結論：不養好過養，養少好過養多

呢句就絕對同意

iamnero

windleaves 發表於 2012-3-19 08:36
除了第四點，123點一樣適用於一隻或者一個品種
而第四點，只要養多過一隻龜，一樣有機會發生
...

結論：不養好過養，養少好過養多

windleaves

iamnero 發表於 2012-3-19 02:23
1. 飼主一雙肉眼，又唔系24小時及住，而且有問題未必馬上表現出，“見唔到”未必“冇發生”
2. 而家冇問 ...

除了第四點，123點一樣適用於一隻或者一個品種
而第四點，只要養多過一隻龜，一樣有機會發生

qqqq1418a

明白多謝指教！

iamnero

qqqq1418a 發表於 2012-3-19 02:16
恕我傻仔一問！我朋友三隻盾，一隻豹、一隻櫻桃紅腿、一隻哥倫比亞一齊養都冇咩問題！ ...

1. 飼主一雙肉眼，又唔系24小時及住，而且有問題未必馬上表現出，“見唔到”未必“冇發生”
2. 而家冇問題，唔代表以後冇問題。
3. 距養冇問題，唔代表你養冇問題。
4. 就算養到龜老死都冇問題，亦一定不會有任何好處，除左滿足飼主。
混養可能導致疾病交叉感染，部份龜遭欺壓、排斥，龜之間互相攻擊，以及因物種對環境要求不同，無法兼顧，而對龜健康產生長期慢性傷害

qqqq1418a

恕我傻仔一問！我朋友三隻盾，一隻豹、一隻櫻桃紅腿、一隻哥倫比亞一齊養都冇咩問題！

qqqq1418a

thanks

thanks

iamnero

qqqq1418a 發表於 2012-3-19 02:02
紅腿難唔難養？可否同盾一齊養？

第一個問題：帖中有詳細答案
第二個問題：混養只有麻煩，沒有好處

qqqq1418a

紅腿難唔難養？可否同盾一齊養？

lktq

好詳盡喔 ~ 謝謝分享

iamnero

北鄉一刀 發表於 2012-3-16 08:26
我果隻自從食過m糧之後,就變成咩龜糧都食,但唔食菜

M糧系公認既好糧

arri535

多謝ching分享,寫得好正呀

keita_

唔錯!支持下先!可見對紅腿好有熱誠