從鬼門關逃回來的布甸.....

hongie

應該是 1 月中，農曆新年前個多星期左右吧.....  

這龜一向大食活躍，但突然有天竟然唔食野，神情有點呆滯，即管過兩天餵食時再觀察吧

兩天後如常餵食，依然對住食盤發呆，我感到有點不妙了，因為距離上次進食已 5、6 天，應該是有點事了，反正還有幾天便過年，趕快去看獸醫吧。當天晚上去了好艱難動物醫院，醫生檢查了沒發現異常，照了 x-ray 也沒有什麼異樣，應該不是吃了垃圾 (硬物)，我養的變異星之前乜都咬，發泡膠背景板，樹皮，報紙.......  通通是零食，之後其實我都無乜野放落龜箱，只有纖維背景板和假樹 (搵過無野少左...)...  最後開了抗生素和、草奶粉和一些藥物回家，要開始灌食了

接著的幾天，這龜灌食之後都全部嘔翻出黎，而且表情好像有點辛苦，大鑊了，再過兩天便是公眾假期，馬上殺落好艱難搵 Terry....   因為龜是甚少會嘔的 (通常是大鑊野)，獸醫也覺得有點異常，當晚決定幫小龜插喉灌食及餵藥.....  由於是公眾假期，小龜一定要回家照料，不能留醫

接下來的一個星期 (農曆新年)，對我簡直是惡夢，基本上所有經喉餵食的藥物、草奶粉、水全部都嘔翻出來，而且小龜狀態開始跌 watt，明顯是越來越嚴重....

假期後第一天馬上回好艱難，留醫已是必然了，獸醫決定打顯影劑照 x-ray，再觀察.....  之後過了幾天，x-ray 照出來顯影劑仍然留在胃部無落格，而且胃部越來越脹 (仍有灌藥和草奶粉)，而 x-ray 清楚看到由胃出腸的轉灣位是塞住了，而小龜的狀態亦再差了一點....

跟住點，我諗你地都諗到了，開刀......

開刀後，獸醫從胃及腸清了一堆 oxbow 的龜糧 (timothy hay) 及其它食物出來，應該是這龜吃了太多乾草，消化唔到，塞了腸胃......  由於傷口都幾大，獸醫說只是一半半機會完全康復，但起碼是找到根源吧

接下來的兩個月，小龜都留在 ICU，慢慢開始進食、活動.......  但另一個問題來了，好像小龜一路都無大便.....  一個可能是便秘 (消化不良吧....)，另一可能是腸完全停了 (即係無得醫)，由於兩樣都係無咩可以做，獸醫唯有試下餵油及減少餵食 (因為重量不斷上升又無屎屙)....  

轉眼已過了兩個多月，獸醫說可做的已做了，唯一可以做的是等......  而他亦開始覺得有機會醫唔翻隻龜，要打定輸數  

昨天下午，獸醫打電話俾我，說布甸終於屙了兩個多月來的第一篤屎，而且是好大篤，而布甸狀態亦不差，有進食有活動，感謝神，Terry 說布甸終於可以回家了!  佢認為布甸已接近完全康復了!!!

這相是布甸回家後第一次曬太陽，手腳有力，爬黎爬去，狀態唔錯，等了兩個多月， 布甸終於回家了!!

hongie

tony821 發表於 2012-6-18 10:37
CHING 我本人覺得 15CM 以下既龜龜 唔應該食牧草 因為佢地重細,腸道唔係太消化到D草呢~
有錯唔好話我{: ...

完全正確，所以我幾包 oxbow 都送左俾養大龜既人

而家我只會用草粉

阿雞阿媽

恭喜龜龜好番! =)

tony821

CHING 我本人覺得 15CM 以下既龜龜 唔應該食牧草 因為佢地重細,腸道唔係太消化到D草呢~
有錯唔好話我

龜朋友

希望小龜身體健康

lincolnwoo

睇左幾錢醫生 pm me

shanshanbbbb

hongie 發表於 2012-4-10 15:58
應該是 1 月中，農曆新年前個多星期左右吧.....  

這龜一向大食活躍，但突然有天竟然唔食野，神情有點呆滯 ...

哈 主樓 工喜哂阿!
因為你無放棄佢都吾放棄阿 加油!
介吾介意問一句.. 睇左幾錢醫生阿(好奇)

Billy_SO

恭喜,恭喜

shinyiu

其實乾草=牧草

hongie

oscar9500 發表於 2012-6-17 20:35
餵乾草都唔得....

打到好碎既草粉 ok，但亦不應太多

oscar9500

餵乾草都唔得....

天上天下

wilson 發表於 2012-6-17 01:23
樓主加以pM我嗎?
大約用了幾多錢?!!

我都想知..
祝健健康康

wilson

樓主可以pM我嗎?
大約用了幾多錢?!!

龜大仙

大病不死已後更加要好好愛護及珍惜牠

boey_carson

請問可以pm我知醫左幾多錢嗎？

pchan325

回復 hongie 的帖子

乜食草太多又唔得？？？
好主人，同龜龜一齊加油！！！

小不點

布甸有你做佢主人,太舒服了,又有安全感.
有責任的主人哦.

YOYOMAN

BARRY

的確要讚賞呢種精神，真係由鬼門關將佢救返，好有責任。

lok1209

真係恭喜師兄~
祝賀龜龜健康~
ps:全程要幾多銀兩?