小龜生長太快???

psi

我隻石金苗, 係上年十一月左右出世, 之後有冬眠過....

兩星期前, 我買咗返屋企, 有量底甲, 約3.7CM....尋日再量, 長咗0.7CM左右......仲有, 近兩三日開始勁甩皮, 不同部位輪流甩....

以下係小龜嘅生活資料 :
食物 : 每日一次, 每次兩粒日本糧, 6-7粒命脈開口糧....每一星期食一次蝦肉, 約頭嘅大小... 龜缸有鈣磚
日程 : 每朝十點前, 餵食同曬太陽 (另一餵食缸), 約15 至30分鐘..... 龜缸水全用隔夜水, 每朝全換, 水溫25度...

請問, 會唔會生長太快呢?!? 每次餵食，佢都５分鐘內食哂，使唔使減ＤＤ？？　
好驚係我餵得佢太多，令佢生長得過快。。。　

ＴＨＸ～～

尋日前腳同頸下面都D白色薄皮, 甩到缸底有D白色細碎....今日到尾....

chim

唔算太快, 我的火焰上年4月出世, 背甲不足3cm, 現在9.5cm長了....

589521678

回復 psi 的帖子

有相嗎?  甩皮正常，但係係甩得好誇張當然可能有問題出現

psi

chim 發表於 2012-4-14 11:14
唔算太快, 我的火焰上年4月出世, 背甲不足3cm, 現在9.5cm長了....

咁都冇咁擔心, 以為我谷得太勁添

ivansze

甩薄薄的白色皮係正常的，表示生長快速同有狀態。如果喺身上有一舊舊白色就要注意水質喇！

psi

ivansze 發表於 2012-4-14 11:55
甩薄薄的白色皮係正常的，表示生長快速同有狀態。如果喺身上有一舊舊白色就要注意水質喇！ ...

明白～～～　唔該哂～～～　

ivansze

johnng9879 發表於 2012-4-14 11:58
大得好快啊 @@ ching你每日餵幾餐,餵龜糧?

龜苗或頭一年，我會一日餵一次；二年至五年，每週兩次；五歲以後或成體，大約每週一星期餵一次，最重要都要考慮埋天氣同龜龜嘅狀態的！

XMEN

餵蝦肉會大得快,我之前又係養石金日日度底甲長度,一日1-2mm咁生長,
當然個體差異問題唔會隻隻都一樣生得咁快,所以我養龜都鐘意大得快果d,所以我通常買龜係想養一隻,但會買多幾隻養一排,揀隻最強壯,邊隻生得大隻留邊隻
當然唔會特登去谷,用正常養法,唔加暖管,冬天停食等等,
上面ivansze 師兄講既餵法都好岩
師兄,又佢生長啦,照咁養就得

psi

XMEN 發表於 2012-4-14 14:27
餵蝦肉會大得快,我之前又係養石金日日度底甲長度,一日1-2mm咁生長,
當然個體差異問題唔會隻隻都一樣生得咁 ...

咁我都放心喇~~~ 多謝指教~~

psi

ivansze 發表於 2012-4-14 12:08
龜苗或頭一年，我會一日餵一次；二年至五年，每週兩次；五歲以後或成體，大約每週一星期餵一次，最重要都 ...

明白~~ 多謝指教~~